Confrairía de Belchit

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A Confrairía de Belchit estió una orden militar que Alifonso I lo Batallero creyó en 1122 en Belchit pa mantener una población cristiana y asegurar a posición de Zaragoza. As primeras constitucions d'a orden se conoixen por una confirmación feita en o Concilio de Burgos o 4 d'octubre de 1136, dimpués d'a derrota aragonesa en a Batalla de Fraga en 1136.

Dica l'anyo 1126 yera baixo o mando de Galín Sánchez. O rei Alifonso VII se fació confraire, y confirmó o mandato de Lópe Sánchez, que dirichió a confrairía entre 1128 y 1147.

En o concilio de Burgos anyadioron concesions nuevas. Os confraires yeran obligatos servir a Alifonso VII contra atros sobirans cristianos, y yeran libres de servicio a cualsiquier rei. Lis concedeban tot o que podesen prener d'os musulmans, en diners u en tierras. A quinta pertanyent a lo rei sería distribuita por o tenen Lópe Sánchez. As ciudaz, castiellos y villas conquiestas serían de tot propiedat d'a confrairía. Cagadún d'os d'a concrairia tendrían a lo servicio suyo dos mercaders libres de pagar lezda. Serían en un estato de guerra perén con os musulmans, pero respectando a los musulmans habitadors d'as posesions cristianas. Tamién se regula a traza de resolver conflictos entre os confraires.

Bibliografía

• UBIETO ARTETA, Antonio, «La creación de la cofradía militar de Belchite (1122)», Historia de Aragón, vol. 1. La formación territorial., Zaragoza, Anubar, 1981, págs. 164-166. ISBN 84-7013-181-8.