Celsa

De Biquipedia
(Reendrezau dende Lepida Celsa)
Ir a la navegación Ir a la búsqueda
Celsa
Kelse.svg
Colonia inmune romana
Celsa 6.jpg
Entidat
 • País
 • Provincia
Colonia inmune
Sedetania
Hispania Tarraconensis
Coordenadas 41°22’25’’N 0°26’ 6’’U
Habitants Ibers
Pueblo Sedetans u ilerchetz
Actual Bandera de Velilla de Ebro.svg Viliella d'Ebro
Periodo 44 aC-III
Península Ibérica c. 300 a.C.svg
Map pointer.svg

Celsa u Colonia Celsa (en escritura iberica Kelse.svg, en latín Colonia Iulia Victrix Celsa) ye o nombre d'una colonia de ciudadans romans fundada en o termín municipal de l'actual Viliella d'Ebro por Marco Emilio Lepido en l'anyo 44 a. C. y que fue albandonada poco dimpués d'o 70 d. C., probablement por a marcha d'os suyos habitants enta a ciudat más important de Caesaraugusta.

Moneda de bronze cudida en Kelse en o siglo II aC, que amuestra o nombre d'a ciudat en luengua ibera.

Fue declarada Molimento historico-artistico perteneixient a o Tresoro Artistico Nacional por decreto de 3 de chunio de 1931[1] con o nombre de «Ruinas romanas en Viliella d'Ebro». Actualment, ye considerada como Bien d'Intrés Cultural.

Historia[editar | modificar o codigo]

Celsa ye a primera fundación en a val de l'Ebro d'una colonia inmune de ciudadans libres romans. Fue fundada con o nombre de Colonia Victrix Iulia Lepida en honor a Lepido, o suyo fundador, pero en l'anyo 36 a. C. cayó en desgracia, y a ciudad romana cambeó o suyo nombre por o de Colonia Iulia Victrix Celsa, latinizando o nombre d'a probable antiga ciudat iberica sobre a que se situó, Celse (prenunciau /kelse/) u Kelse (en escritura ibera Kelse.svg). Yera ista una important ciudat ilerchet u bien sedetana que cudió moneda iberica d'archent, estando a unica ceca iberica sedetana que cudió monedas d'iste metal.

En l'actualidat ye un important chacimiento arqueolochico dependient d'o Museu de Zaragoza, que poseye en iste enclau una d'as suyas seccions. S'estendilla por una superficie d'alto u baixo quaranta hectarias chunto a o río Ebro.

Presenta un conchunto de terrazas urbanizadas y o muelle d'un puerto fluvial, amás d'una necropolis, un forno de pan y quantas casas y villas d'importancia, como a «Casa d'os delfins» (u insula I) —con pavimento de mosaico de tipo opus signinum (teselas embutidas en mortero), atrio y triclinio—, u a insula VII, que comprende a dita «Casa d'Hercules», la d'o «emblema blanco y negro» y la d'a «tortuga».

Entre as troballas de biens arqueolochicos muebles, destaca a presencia de kalathoi (recipients ceramicos en forma de sombrers de copa), de factura iberica u celtibera, si bien no se puet guaranziar totalment que perteneixesen a la Kelse iberica u estasen o producto d'os intercambeos comercials d'a ciudad romana con os pueblos indichenas d'a suya redolada. Tamién apareixen ceramicas italicas, como vasillas d'estilo campaniense, lucernas u anforas.

Tamién se conservan restos de pintura que decoraban as paretz de belunas d'as cambras mayors con pinturas d'o III estilo román, en que i apareixen cisnes, grecas florals, nereidas u tritons. En a «Casa d'Hercules» se representan frescos con episodios d'os suyos treballos, de II estilo pompeyano (o Lión de Nemea, a Cierva de Cerinia, los Muixons d'o Estinfalo...) y un retrato d'o propio heroi.

Bibliografía[editar | modificar o codigo]

  • Beltrán Lloris, Miguel y Guillermo Fatás Cabeza, «Celsa, anuncio de César Augusta», Historia de Zaragoza, vol. 1. Salduie, ciudad ibérica, Zaragoza, Ayto. de Zaragoza - Caja de Ahorros de la Inmaculada, 1998, págs. 85-91. ISBN 84-8069-133-6.
  • Voz «Celsa», Gran Enciclopedia Aragonesa en línea.

Referencias[editar | modificar o codigo]

  1. (es) Decreto del Ministerio de Instrucción Pública y Bellas Artes publicado en la Gaceta de Madrid n.º 155 de 4 de junio de 1931, disponible en línea en: [1].

Vinclos externos[editar | modificar o codigo]