Lastra (orografía)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Este articlo tracta sobre las lastras u liestras que son baixants en a montanya. Ta la barbeta d'as espigas de cerials se veiga Liestra.

Una lastra

Una lastra (con variants foneticas liestra /'ljestra/~/'ljiastra/ u llestra /'ʎestra/) ye una versant de montanya de pendient prolargato y vechetación de matullar u sin guaires árbols, que son chicoz y se troban esparzos, con un suel poco profundo y a on que a penya se troba a poca distancia d'a superficie. O termino «lastra» s'emplega muito ta referir-se a puestos a on que o monte no ye cultrable, y per ixo se gosa emplegar-los solo que ta paixentar-ie o bestiar.

Toponimia

En l'Alto Aragón bi'n ha muita presencia toponimica: «Lastra» en Selgua, Triste, Xabarrella, Fanyanars y Polinyino, «Lastras» en el Tormillo, Alcubierre y Pertusa, «Lastrona» en Orna de Galligo, «Lastres» en Caserras. En a provincia de Zaragoza, i trobamos «Lastra» en Cosuenda y Lumpiac, «Lastras» en Exaulín, Quinto y Casp, («Lastras d'el Pallaruelo» y «Lastras d'el Plan de l'aira»). En o sud d'a provincia de Navarra bi ha microtoponimos tipo «Lastra» u «Lastras» dica en Viana. En a provincia de Teruel tenemos a «sierra de la Lastra» y as «Lastras de San José», important chacimiento arqueolochico d'Albalat de l'Arcebispe sobre un estrato de piedra d'arena d'edat terciaria con capuzamiento de bels 30 graus.

Se veiga tamién

Estiva Lenera Lenastra Lera Liena Glera

Tartera Fener Prato Landa u lanya Fitero Viver