Miravet de la Sierra

Miravet de la Sierra Miravete de la Sierra
Municipio d'Aragón
O río Guadalop
Entidat  • País  • Provincia  • Comarca	Municipio  Aragón  Teruel Mayestrato
Partiu chudicial	Teruel
Superficie	36,5 km²
Población  • Total	32 hab. (2024)
Altaria  • Meyana	1212 m.
Distancia  • 67 km	enta Teruel
Alcalde	José Listo Simón
Codigo postal	44159
Parroquial  • Diocesi  • Arcipestrau  • Parroquia	Teruel y Albarracín Teruel Ntra. Sra. d'as Nieus
Ríos	Guadalop
Coordenadas	40°34’37’’N 0°41’38’’U
Miravet de la Sierra Miravet de la Sierra en Aragón
Web oficial

Miravet de la Sierra (Miravete de la Sierra en castellano) ye una villa y municipio d'a provincia de Teruel, situato en a comarca d'o Mayestrato. A suya población yera de 38 habitants (2010), en una superficie de 36,5 km².

Cheografía

Miravet de la Sierra

Ye situa a piet d'a sierra de la Lastra, chunto a lo curso alto d'o río Guadalop.

Mugas

O suyo termin municipal muga con Villarroya de los Pinars, con Exorcas, con un cantón d'o termin d'Aguilar d'Alfambra, con Camariellas y con Aliaga.

Historia

Bi ha chacimientos d'a I Edat de Fierro y de cultura iberica. Perteneixió a lo Bispe de Zaragoza, a diferencia d'atros lugars d'a comarca que estioron d'os templers u espitalers. A versión mas antiga d'os fueros d'Aragón, de fins d'o sieglo XIII provién de Miravet. Parix estar que i habió una despoblación important, como diz un texto de 20 d'agosto de 1311 escrito en Zaragoza, cuan Exemeno de Luna, bispe de Zaragoza, rebaixa en 100 sueldos a peita que anyalment pagaba o lugar:

Sepan todos que, como nos don Exemeno, por la gracia de Dieus vispe de Çaragoça, perssonalment fuessemos en la villa nostra de Miravet et los omnes de aquel rogar mostrassen a nos como, por guerras et por los anyos fuertes que en el tiempo passado eran seydos, el dito logar era muyto menoscabado et despoblado et, si quiere por aquello et por la grant peyta que avyan, las gentes et los estagantes de alli se eran ydos et por miedo et temor de la grant peyta algunos alli no querian venir a poblar, por esto los ditos omnes del dito logar soplicaron a nos que les baxassemos de aquella peyta que el dito logar et el concellyo dalli fazian et fer devyan. Ond nos, regebida la dita suplicaçion, queriendo que el dito rogar no se menoscabe ni se despoble mas que los habitantes et habitadores de allí finquen et ayan voluntat de fincar et los suyos et otros allí viengan poblar et poblen, et nos venido en la çiudat de Çaragoça, queriendo dar remedio a las sobreditas cosas, de conssentimiento et otorgamiento et voluntat del honrrado don Alaman de Naya, prior de la sied de Çaragoça, et del codigo_postalitol de aquella misma sied, vista una carta ho privilegio del honrrado don Pedro, por la divinas gracia vispe de Çaragoça, antecesor nostro, en la qual el concellyo del dito logar de Miravet yes obligado dar por peyta cada un anyo perpetualment a todos tiempos al vispe de Çaragoça çinchiçientos solidos de dineros jaqueses, la qual carta fizo don Johan de Fuentes, notario publico de Çaragoça, que fue, uueyto días exida del mes de janero era Míllesima CCC.ª XVII.ª, de çierta sciençia et bien certifficado de todo nuestro dreyto, baxamos, relajamos et soltamos al dito concellyo de Miravet cada un anyo perpetualment gient solidos dineros jaqueses de los ditos çinchiçientos solidos que ellos avyan a dar por peyta cadanyo segunt que en la dita carta se contiene, assi que el dito concellyo ni los suyos presentes ni avenideros nunca en algun tiempo a nos ni a nuestros successores paguen ni sian tenidos de pagar de los ditos çinchiçientos solidos sino quatrozientos solidos dineros jaqueses cadanyo et los ditos çient solidos por nos absueltos et relajados perpetualment en cada un anyo por nos ni por nuestros successores no se demanden ni se les puedan demandar en algun tiempo.

Et nos ditos prior et capitol esto otorgarnos, conssentimos et loarnos et avemos por firme et valedero a todos tiempos.

Testimonias son desto: don Belenguer de Roda, vicario de Alcala de Xixena ius Pina, et don Bernabeu de Remolinos, clerigo missacantano en Çaragoça.

Feyto fue esto en la çiudat de Çaragoça, dia jueves dotze dias exíent el mes de agosto era millesima CCC.ª XJ.ª nona.

Sig(signo)no de mi Johan de Magalion, notario publico de Çaragoça, qui de mandamiento de] predito senyor vispe et del dito prior et capitol esto escrevye et a todo present fue.

En Miravet de la Sierra s'ha puesto conservar un archivo municipal con textos en aragonés medieval dende 1279 dica por lo menos 1499.

Toponimia

O nombre ye d'orichen arabe, a partir de Morabit, palabra relacionata tamién con os Almurabitz, y que significa hombre relichioso musulmán. En os textos medievals yera Miravet y encara en o sieglo XVIII se podeba veyer escrito asinas como diz Agustín Ventura Conejero:

Este aditamiento es muy posterior, pues todavía en un mapa de Aragón del S XVIII hemos visto escrito Miravet, Fortanet, Oliet, etc.

Se castellanizó ta Miravete, prenendo l'apelativo de la Sierra pa diferenciar-lo d'o Miravet que bi ha en a Ribera d'Ebro.

Demografía

Evolución demografica

1992 1994 1996 1997 1998 1999 2000 2001 2002 - - - - 51 49 49 48 47

2003 2004 2005 2006 2007 2008 2009 2010 2011 42 41 44 41 47 41 42 38 33

2012 2013 2014 2015 2016 2017 2018 2019 2020 33 29 34 29 28 31 35 31 38

2021 2022 2023 2024 2025 2026 2027 2028 - 38 27 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido Popular									1
Total									1

Alcaldes

Lista d'alcaldes

Lechislatura	Nombre	Partiu politico
1979–1983	Aquilino Ariño Calvo	Unión de Centro Democrático
1983–1987
1987–1991
1991–1995
1995–1999
1999–2003	Jaime Nuno	Partido de los Socialistas de Aragón
2003–2007	José Listo Simón	Partido Popular
2007–2011	José Listo Simón	Partido Popular
2011–2015	José Listo Simón	Partido Popular
2015–2019	José Listo Simón	Partido Popular
2019–2023
2023–2027	José Listo Simón	PP

Ermita rural de Sant Cristofo de Miravet de la Sierra.

Molimentos

A ilesia de Nuestra Sinyora d'as Nieus de Miravet de la Sierra.

• Ilesia de Nuestra Sinyora d'as Nieus, de 1574, en estilo gotico-renaixentista, con decoración interior en estilo barroco. L'edificio ye protechito legalment dende 2001 con a suya declaración como Bien d'Intrés Cultural.

Fiestas

A mitat agosto, en honor a Sant Cristofo y Sant Roque.

Vinclos externos

• Se veigan as imáchens de Commons sobre Miravet de la Sierra.
• (es) Miravet de la Sierra.

Bibliografía

• (es) Agustín Ventura Conejero: Toponimia de la provincia de Teruel. Revista Teruel, 48, 1972.

• Datos: Q549945
• Multimedia: Miravete de la Sierra / Q549945