Rambla de Malburgo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Rambla de Malburgo Río Pitarque
Naixedero de lo río Pitarc.
Administración
Estaus	{{{estaus}}}
Territorios	Aragón
Cheografía
Longaria	km
Altaria d'o naixedero	m
Naixedero	Fortanet
Desembocadura	Río Guadalop (Villar Luengo, chunto a los Organos de Montoro)
Superficie d'a cuenca	km²
Cabal meyano	m³/s
Mapa
Rambla de Malburgo en Aragón

La rambla de Malburgo ye un tributario de río Guadalop por la suya marguin dreita. Naixe en Fortanet y caye en Guadalop en lo termin municipal de Villar Luengo, localidaz de lo Mayestrato.

La rambla de Malburgo se forma por la unión de barrancos que baixan dende los monts de Tarrascón, la sierra de Sollavientos y la loma de Mate, y que complegan en lo sud de lo termin municipal de Fortanet auguas ent'alto de lo nuclio habitau.

En lo termin municipal de Fortanet circula a traviés d'una val que desparte las sierras de Villarroya y de la Lastra a l'ueste y la sierra de la Canyada a l'este.

En lo termin municipal de Pitarc ha tallau una foz fluvio-karstica y recibe las auguas d'una gran surchencia karstica que se considera un naixedero y que ye ha estau declarada Molimento Natural.

Poco dimpués de lo suyo forcallo con lo río Canyada caye en Guadalop cerca de los Organos de Montoro.

Toponimia

L'hidronimo rambla de Malburgo se relaciona microtoponimos de Fortanet y Pitarc. Malburgo ye lo nombre d'una partida de mont que bi ha en lo sudeste de lo termin municipal de Pitarc a on son las casas de Malburgo. En los mapas tamién apareixe la variant Margurgo pa esta partida. En Fortanet bi ha una umbría de Malburgo en la part meridional de lo termin.

Bi ha tamién unas denominacions actual de río Pitarque y río Fortanete que pueden remontar-se a la baixa Edat Meya. Se fa mención d'este curso d'augua en un texto de 1414 sobre lo mollonamiento de boalaches y defesas entre los termins de Fortanet y Exorcas:

Et depues fieze por la vertient asuso devant / del Mas de Johan de Muedro y plegua por la vertient entro a vista del Camino de Aliagua. Et depues torna por la riscla asuso al Casal de Martin Ivanyes. Et de allí fieze al rio de Ffortaner que va a Pitarch. Et de allí torna rio o rambla asuso entro Ffortaner y faze cabo a la Peniella o Vallexo de la Ffuent de Borraz y aquí fenexe el Boalage de Mercadales.

Bibliografía

• (es) Prensa Diaria Aragonesa: Los ríos de Aragón. Río Guadalope. El Periódico de Aragón, Diputación General de Aragón, 2005.
• (es) Eduardo Viñuales Cobos (coordinador): Red natural de Aragón. nº 30, Cuencas Mineras Prames, 2010.
• (es) Instituto Geológico y Minero de España: Mapa Geológico de España E 1:50.000. Villarluengo. Servicio de publicaciones de Ministerio de Industria y Energía, 1981.
• (es) José Luis Simón: Guía del Parque Geológico de Aliaga. Ayuntamiento de Aliaga, Departamento de Geología de la Universidad de Zaragoza, CEDEMATE, 1998.

Se veiga tamién

• Naixedero de lo río Pitarc.
• Organos de Montoro.

• Datos: Q23995479