Paisache Protechito de Sant Chuan d'a Penya y Mont Uruel

De Biquipedia
Ir a la navegación Ir a la búsqueda
Sant Chuan d'a Penya
y Mont Uruel
SAN JUAN DE LA PEÑA.JPG
Monesterio de Sant Chuan d'a Penya
Datos chenerals
Tipo Paisache Protechito
Establito
Superficie 264 ha
Situación
Situación Flag of Aragon.svg Chacetania, Uesca
Latitut 42°30′27.77″N
Lonchitut 0°40′23.81″U
Mapa
Perineu Aragonés (orografía).png
Yellow ffff00 pog.svg

Paisache Protechito de Sant Chuan d'a Penya y Mont Uruel ye un paisache protechito situato en a Chacetania, en a provincia de Uesca. Os dos elementos que mas destacan son aquells a os que fa referencia o suyo propio nombre: o monesterio de Sant Chuan d'a Penya y a penya Uruel.

Dende 1920 ye Puesto Natural d'Intrés Nacional, estando un d'os primers espacios naturals en obtener ista declaración en o Estato Espanyol. En Aragón ye definito como Paisache Protechito dende l'anyo 2007 y ye tamién amás Zona d'Especial Protección ta as Aus (ZEPA) y Puesto d'Importancia Comunitaria (LIC).

Cheolochía[editar | editar código]

Penya Uruel

Se puet dividir o Paisache Protechito en dos formacions prencipals: a sierra de Sant Chuan d'a Penya, con una altaria maxima de 1.550 metros, y o mont Uruel que plega dica os 1.770 metros d'altaria.

Destacan os almendrons, rocas sedimentarias de tipo detritico formata por ruellos de glera u cantals unitos por un cemento de precipitación quimica, que forman cinglos.

Flora y fauna[editar | editar código]

As dos formacions debanditas constituyen un sobrebuen ecosistema de meya montaya. As selvas son densas y bi ha cinglos de conglomerado que sirven de refuchio a colonias de aus rapaces.

A vechetación varia mientres puyamos. En as zonas mas baixas y con mas horas de sol se pueden trobar caixicos y carrascas, amás d'una selva de soto formata mas que mas por buixos, aliagas y brinzons. En puyar apareixen pins silvestres, fabos y abetz en os puesto a on bi ha menos horas s'insolación y d'atra man selbals, teixos y acirons.

Entre a fauna se pueden trobar diferents especies d'aus en periglo d'extinción como o trencauesos y mamiferos como chabalins, corzos, martas u teixudos

Patrimonio cultural[editar | editar código]

No cal xublidar o important patrimonio cultural d'a zona, con o monesterio de Sant Chuan d'a Penya, cuna d'o reino d'Aragón.

Se veiga tamién[editar | editar código]

Vinclos externos[editar | editar código]


Espacios naturals protechitos d'Aragón Sweden road sign I1.svg
Cheleras Pirenencas | Foces de Fago y Biniés | Galachos de l'Ebro | Lacuna de Gallocanta | Lacuna de Sarinyena | Lomaza de Belchit | Mayestrato | Moncayo | Naixedero d'o río Pitarc | Ordesa-Comachibosa | Ordesa y As Tres Serols | Organos de Montoro | Pinetas de Rodeno | Pocetz-Maladeta | Saladas de Chiprana | Sant Chuan d'a Penya | Sierra y Foces de Guara | El Val | Vals Occidentals