Acer

De Biquipedia
Ir ta: navego, busca
Acer
Acer platanoides in autumn colors.JPG
Colors carateristicas d'un azirón Acer platanoides en l'agüerro.
Clasificación scientifica
Dominio: Eukaryota
Reino: Plantae
División: Magnoliophyta
Clase: Magnoliopsida
Orden: Sapindales
Familia: Aceraceae
Chenero: Acer
Acer en o mundo
Destribución d'as especies Acer en o mundo.

Os acirons u escarroneros (scientificament, o chenero Acer) son l'unico chenero d'árbols y arbustos en a familia Aceraceae, con 18 especies compresas.

Os acirons se fan reconoixer per as suyas fuellas oposatas en a branca, palmato-lobulatas (ixo ye, como las d'a platanera) anque en qualques especies (y variedatz) ixa lobulación d'o limbo foliar puet dica fender-se tanto que en independice os lobulos, en fendo que la fuella se torne composata. As flors son regulars, pentameras, y brostan fendo carrazos, corimbos u umbelas, y les i amaneixen a prencipios d'a primavera, en qualques especies dica d'antes que no las fuellas, estando muit chicotas cadaguna d'ellas. As simients tienen un imbolucro fimbroso que forma una unica ala que las fa d'estar planaderas quan cayen de l'árbol, en fendo una caita carateristica en a que chiran en espiral. Ixe tipo de fruitos se conoixen en botanica como samaras y se fan muit apreciatos per a mainada, que os gosan culler ta chugar, en os puestos a on que estes árbols i abundan. Os acirons producen una grandisma cantidat d'ixas simients voladeras.

En Europa sen troban especies con destribución submediterrania, estando en Aragón una especie que s'asocia de maniera anisolata en metat d'as caixigosas más que no fendo parte de formacions propias. Abunda en os semontans y las sierras, anque la suya presencia ye escarsa en as vals d'o Pireneu axial. Comparte con os caixigos as preferencias climaticas y biotopicas, anque tiene més tendencia que no éstes de creixer en os pocins más que no en as solanas d'a montanya. Ye carateristica la enviesta d'estes árbolsa/arbustos en l'agüerro, per as colors royas y amariellas tan vitariscas que gosan manifestar en ixa estación, que els fan d'envistar-se d'entre las formacions d'altras especies que els acompanyan, como los ditos caixigos.

"Acirón" en belsetán significa tanto l'arbol d'o chenero Acer como a suya fusta, y en aragonés de Larrés y Cartirana ye sinonimo de biscalera, "o trallo més alto en o tarabidato d'o tellato".[1]

Especies representativas[editar | editar código]

Referencias[editar | editar código]

  1. Manuel Alvar: El habla del campo de Jaca. Salamanca CSIC, 1948.

Vinclos externos[editar | editar código]