Penya Uruel

De Biquipedia
Ir a la navegación Ir a la búsqueda
Penya Uruel
A Peña Uruel.jpg
Boiras en a Penya Uruel.
Situación
Situación Flag of Aragon.svg Chaca (Uesca)
Latitut
Lonchitut
Vértiz cheodesico 17691
Cheografía
Cordelera Pireneus
Sierra {{{sierra}}}
Macizo {{{macizo}}}
Altaria 1.769 m
Alpinismo
Primera puyada
Ruta mas fácil Bernués -
Sant Chuan d'a Penya
Mapa
Perineu Aragonés (orografía).png
Montanya.svg

A Penya Uruel[1] (Peña Oroel en castellán) ye una sierra que forma a muga sud d'a Val Ancha, en a Chacetania. A suya altaria maxima ye de 1.769 m en a Punta Uruel, a on bi ha un vértiz cheodesico, mientres que s'aduben os 1.689 en a Punta Bacials en l'atro cabo d'a Penya.

As selvas d'as suyas laderas son formatas de pinos (Pinus sylvestris), fabos (Fagus sylvatica), y abetz (Abies alba). Tamién bi ha caixicos (d'una seqüencia hibridochena con participación prencipal de Quercus faginea y Quercus humilis), carrascas (Quercus ilex) y matullos como lo buxo (Buxus sempervirens) y l'allaga (Genista scorpius).

Toponimia[editar | editar código]

O toponimo Uruel se puet fer derivar d'o latín AUREOLU encara que bell autor como Coromines no lo considere asinas. O diftongo -ue- d'a forma aragonesa d'o toponimo ye a forma orichinal[1] a diferencia d'a forma castellana porque ye o que cabe esperar por diftongación d'a O latina en o sufixo latín -OLU, que esdevenió -uel(o) por evolución fonetica en l'aragonés.

Falordias[editar | editar código]

Dragón de Penya Uruel[editar | editar código]

Un dragón viviba n'a Penya Uruel. Se deciba que a mirata d'os dragons himpnotizaba a qui la uellaba, por ixo un caballero aragonés aproveito isto ta matar a lo dragón. Pulió lo suyo escudo, como un mirallo y puyó enta la espelunga a on viviba o dragón fendo que iste mira-se o escudo y s'himpnotiza-se con a suya propia uellata mientres o caballero l'amortaba. [2]

Atras falordias[editar | editar código]

Se diz que la Reconquiesta en Aragón s'encetó quan unas fogueras en a suya tuca indicaban que heba d'empecipiar la luita. Tamién se considera montanya machica per estar en a tuca oriental d'un trianglo que las suyas atras dos vértiz se sitúan en Sant Adrián de Sasabe y Sant Chuan d'a Penya. Unatra leyenda explica que n'o suyo interior bi habió una mina u un tresoro, lo qual, que se saba, no ha estau encara trobau.

Referencias[editar | editar código]

  1. 1,0 1,1 (es) Jesús Vázquez Obrador: Reflexiones acerca de la normalización toponímica en la provincia de Huesca. Alazet: Revista de filología, ISSN 0214-7602, Nº 13, 2001 , p 157.
  2. Serrano, Pilar, ,Editorial Fuendepila, "La leyenda del dragón de Oroel", ISBN 978-84-948807-5-9

Vinclos externos[editar | editar código]