Larrué

De Biquipedia
Ir a la navegación Ir a la búsqueda
Larrué
Despoblau medieval d'Aragón
Larrué, Uesca.JPG
Entidat
 • País
 • Provincia
 • Comarca
 • Municipio
Despoblau medieval
Flag of Aragon.svg Aragón
Flag of Huesca (province).svg Uesca
Alto Galligo
Samianigo
Población
 • Total

0 hab.
Altaria 880 m.
Coordenadas 42°22’34’’N 0°21’54’’U
Larrué en Aragón
Larrué
Larrué
Situación de Larrué en Aragón

Larrué yera un lugar medieval situau en l'actual municipio de Samianigo, amán d'a localidat de Belarra.

En o puesto a on yera iste lugar se conservan encara as restas d'a ermita de Sant Chusé, un edificio d'arredol d'o sieglo XVIII.

Toponimia[editar | modificar o codigo]

L'orichen podría estar l'antroponimo Larus con o sufixo preindoeuropeu de posesión -ué o la radiz vasca LARRE 'prau' con o mesmo sufixo -ué.[1]

Historia[editar | modificar o codigo]

En o sieglo XII o lugar de Larrué yera propiedat d'o monesterio de Sant Chuan d'a Penya y asinas lo decumenta en os suyos estatutos l'abat pinatense Ferrando de Rada en 1210. En l'anyo 1338 un lugar dito "Laués" pagó chunto a "Darguás", igual que atros lugars d'a redolada, cinco sueldos pa as obras d'a seu de Santa María de Uesca. Ya en 1408, apareixe en una relación d'os vasallos de Sant Chuan d'a Penya feita por os deputatos d'a Capitanía de Chaca y as suyas montanyas, que en Larrué bi heba una casa habitada. En 1418, se sabe que a villa de Larrué contribuyiba con "duos solidos" a las cenas reyals.

O lugar de Larrué se corresponde chustament con o que os habitants de Belarra han conoixiu como Sant Chusé. Asinas o libro d'os regles d'a romería de Sant Chusé de Larrué apareció en una falsa d'o lugar vecín. Seguntes os estudeos feitos por Enrique Satué, en o libro se describen os regles que heban de cumplir os confraires de dita romería, asínas como as cuentas d'ista chirmandat dende 1751 dica a suya desaparición en 1808. D'a primera pachina d'o libro se deduce que a romería data probablement d'antis d'o sieglo XVIII:

Teniendo presente la antigua devoción, que los Vecinos de Belarra y algunas Casas principales del Circuito han tenido de Concurrir el día de la Festividad del Patriarca Sn. Jph, Esposo de la Reyna de los Angeles María S.S. Sra. Nuestra a su Yglesia, y Casa de Sn. Juan de Larrué, Sierra de Belarra, el año pues de 1750 se juntaron los Vecinos de Belarra, los dos de Escusaguat y por su Casa Urvez Xavierre de Atos, y en atención que se ha echo Casa nueba decente, y que con toda eficacia la devoción de algunos procuran, y solicitan medios para, que esten decentes las othas Yglesia, y Casa, Convinieron todos de Comun Consentimiento Sin discrepar ninguno que para permanencia de esta Hermandad tan antigua, se establecieran Reglas atentas a lo esencial de lo practicado en ella (...)". A continuación se enumeran 16 reglas que deben seguir los miembros de la cofradía y las cuentas de ingresos y gastos desde 1751 hasta 1808.

Entre zaguerías d'o sieglo XVIII y primerías d'o sieglo XIX os terrenos ocupaus por l'antigo despoblau perteneixeban a o conte d'Atarés y yeran logaus a os vecins de Belarra, tal y como apareixe en a-saber-los decumentos de pagos chustificaus con recibos.

Herrecivido de Antonio Artero vecino de Belarra la cantidad de quarenta libras Jaquesas, dos libras, ocho sueldos qe les abona al sr. Conde de Atarés anualmente por la contribución y arriendo de la Pardina de San Juan de Larrué vencidas en Treinta de noviembre del presente año, Y para que conste Doy el presente en Jaca, a Vente y ocho de Diciembre de mil settecientos ochenta y ocho. Antonio Chui y Arcada.
El abajo firmado como apoderado de Exmo Sr. Conde de Atarés y Albarreal, he recibido de los vecinos de Belarra, Nuevecientos noventa de vellon a cuenta del arriendo de la Pardina de San José de la Rue, propia de S. E. que empezó a correr el dia de San Andres del año ultimo. Jacca 22 de Junio de 1830. Em este recibo se allan abonadas todas las contribuciones de mil ocho cientos vente y nueve. Pascual Prazón.

Leyendas[editar | modificar o codigo]

Como en atros muitos lugars, aquí tamién se conserva o mito d'as güelas. O lugar desapareixió dimpués d'una peste y as viellas baixoron a demandar asilo ta Belarra, estando acullidas en casa Navarro y donando todas as suyas posesions a ista casa. A resta de vecins d'o lugar, que no yeran d'alcuerdo con a decision, baralloron dica aconseguir que as tierras se repartisen entre totz os habitants.

Se diz tamién que quan prencipioron a cautivar as tierras os nuevos propietarios i apareixioron a-saber-las de sepolturas, una de ellas antropomorfa y zarrada con una gran losa, d'a que saliba sangre quan pleveba. Se creye tamién que en as menas d'iste lugar bi heba escondiu un tresoro, que os vecins de Belarra miroron de buscar, pero nunca no pudioron trobar.

Bi ha d'atra man a creyencia de que, mientres as tierras de Larrué perteneixioron a o conte d'Atarés, cada vegada que se casaba una muller popiella en Belarra, iste l'atorgaba una cantidat de diners que yera mayor si yera popiella de pai y mai, menor si yera nomás popiella de mai, y una mica menos si se tractaba d'una popiella de pai.

Referencias[editar | modificar o codigo]

  1. (es) Geografía medieval de Serrablo. José Miguel Navarro López. Colección «A Lazena de yaya», 15. ISBN 84-8127-104-7

Vinclos externos[editar | modificar o codigo]


Lugars desapareixius d'o municipio de Samianigo
Aracastiello | Bailín | Belmonde | Calveras | Cerceles | Centenero | Civitatella | Estaún | Gronostué | Huertalo | Ipe | Larbesa | Larrué | Luxués | Muro | Novalla | Orzandué | Perula | Portiella | Senés | Sericata | Ubieto | Urbán | Vilás