Despoblau

De Biquipedia
Ir a la navegación Ir a la búsqueda
Belchit, estió albandonau dimpués d'a Guerra Civil
La Cort de Tricas, eixemplo d'un lugar albandonau por a construcción d'un entibo

Un despoblau (u despoblato) ye una ciutat, lugar u villa que ha estau albandonau por os suyos habitants y encara se'n pueden veyer as restas substancials. Una ciudat se convierte en un despoblau porque a suya economía ha fallau u a causa de desastres naturals u accions humanas, como inundacions, decisions d'o gubierno, guerras u desastres nucleyars.

Historicament, cal destacar l'aumento d'a despoblación en o sieglo XVII en Aragón debiu a l'expulsión d'os moriscos en 1610. En as val de Xalón, Xiloca, Uerba, Queiles, Aguas, Martín, Guadalop y Matarranya bi habió 60.818 expulsions, lo que fació que muitos lugars quedasen despoblaus.

En o País Valencián, muitos lugars de moriscos quedoron despoblaus dimpués de l'anyo 1609, como por eixemplo, Alqueria de Serra, l'Andénia u Xinquer. Asinas en 1638, d'os quatrocientos cinquanta y tres lugars que heban ocupau os moriscos, doscientos cinco yeran albandonaus.[1]

A vegadas, o termin despoblau s'utiliza pa referir-se a entidatz encara habitadas, pero significativament menos que mientres os anyos pasaus.[2]

Referencias[editar | editar código]

  1. (ca) "Nosaltres, els valencians". Joan Fuster. Edicions 62, Barcelona. 1995 (15a ed.). Se veigan p. 79 y atras. ISBN 84-297-1294-1
  2. (en) More Ghost Towns of Texas. T. Lindsay Baker. 2003, Norman, OK. University of Oklahoma Press. ISBN 0806135182

Bibliografía[editar | editar código]

Vinclos externos[editar | editar código]