Huertalo (Samianigo)

De Biquipedia
Ir a la navegación Ir a la búsqueda
No entivocar-se con Huertolo, en o municipio d'a Canal de Berdún.
Huertalo
Despoblau medieval d'Aragón
Entidat
 • País
 • Provincia
 • Comarca
 • Municipio
Despoblau medieval
Flag of Aragon.svg Aragón
Flag of Huesca (province).svg Uesca
Alto Galligo
Samianigo
Población
 • Total

0 hab.
Altaria 830 m.
Coordenadas 42°23’13’’N 0°23’56’’U
Huertalo en Aragón
Huertalo
Huertalo
Situación de Huertalo en Aragón

Huertalo (en castellán Huértalo) yera un lugar medieval situau en l'actual municipio de Samianigo.

Se troba en a Vallibasa, baixo a sierra de Sant Pero y amán de Samianigo Baixo.

Toponimia[editar | modificar o codigo]

Iste toponimo deriva d'o latín HORTU 'huerto' y sufixo diminutivo atono -alu.[1]

Historia[editar | modificar o codigo]

Bi ha quantos decumentos d'o Cartulario d'o monesterio de Fanlo que charran sobre iste lugar. O primero (doc. 32), con calendata de 1055, recenta o intercambeo entre Ximeno Garcés y donya Lopa d'una vinya en Huertalo por cinco fincas en Sardás.

Arredol de 1075 Ximeno Inyigones de Huertalo torna un mallolo (vinya recient plantada) a o monesterio de Sant Chenaro (doc. 65). A l'anyo siguient, en 1076, Lope Garcés de Huertalo fa de testigo en a entrega d'as posesions que teneba donya Oria en Oto y Saruisé a o debantdito monesterio.

En 1191, Sancho de Huertalo y os suyos fillos conceden a os monesterios de Mont Aragón y Fanlo quantas heredatz (doc. 133). O zaguer decumento d'o Cartulario (doc. 158), de l'anyo 1230, sinyala a Martín de Huertalo y a la suya muller, Clavigera, como beneficiarios d'un palacio y bellas tierras cedidas por Fernando, rector de Mont Aragón, en o mesmo lugar.

Ignacio de Asso fa mención d'iste lugar con o nombre de Huertolillo situando-lo "amán d'o Puent de Samianigo".

Leyendas[editar | modificar o codigo]

Una vegada más, como en atros muitos lugars de l'Alto Aragón se conserva o mito d'as güelas. Aquí as dos mullers fuoron acullidas por os habitants de Samianigo Alto y Samianigo Baixo, por o que se diz que as casas d'os dos lugars tienen campos en a val de Basa y que o mont ye comunal y compartiu por os dos.

En atras versions d'a historia se diz que en cuentas d'un lugar bi'n heba dos, la un dito Billar y l'atra Malaz y que as viellas pervivients veniban cadaguna d'un lugar. Ista versión talment tien sentiu, ya que d'antis más a zona yera conoixida por os habitants de Samianigo como "o Billar".

Referencias[editar | modificar o codigo]

  1. (es) Geografía medieval de Serrablo. José Miguel Navarro López. Colección «A Lazena de yaya», 15. ISBN 84-8127-104-7


Lugars desapareixius d'o municipio de Samianigo
Aracastiello | Bailín | Belmonde | Calveras | Cerceles | Centenero | Civitatella | Estaún | Gronostué | Huertalo | Ipe | Larbesa | Larrué | Luxués | Muro | Novalla | Orzandué | Perula | Portiella | Senés | Sericata | Ubieto | Urbán | Vilás