Urbán (Samianigo)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Urbán
Despoblau medieval d'Aragón
Entidat  • País  • Provincia  • Comarca  • Municipio	Despoblau medieval  Aragón  Uesca Alto Galligo Samianigo
Partiu chudicial	Chaca
Población  • Total	0 hab.
Altaria  • Meyana	1.400 m.
Coordenadas	42°25’54’’N 0° 9’48’’U
Urbán Urbán en Aragón

Urbán yera un lugar medieval situau en l'actual municipio de Samianigo, en a Guarguera.

Encara se i puet trobar a ermita de Nuestra Sinyora d'Urbán, actualment en ruinas.

Toponimia

L'orichen ye l'antroponimo latín URBANUS.

Historia

Jordán de Asso fa referencia a ell como un d'os lugars ya desapareixius en o districto de Chaca. En zaguerías d'o sieglo XIX manimenos encara i quedaba una casa habitada. Seguntes o censo de 1800 bi heba tres personas: Inocencio Nasarre, Miguel Nasarre y Francisco Salomón, si bien cal parar cuenta que nomás yeran censaus os mayors de 25 anyos varons por o que a población sería mayor.

En estar albandonau o lugar as suyas tierras se repartioron entre os vecins de Chillué y Canyardo, lugars que chunto a A Guarta y Fablo acudían a la romería d'a ermita de Nuestra Sinyora l'1 de mayo.

Leyendas

Se conserva tamién pa iste lugar, como documenta Enrique Satué, a leyenda d'as viellas pervivients. En iste caso as dos mullers heban feito testamento debant d'un mosén deixando as tierras d'o lugar a desapareixiu a os habitants de Canyardo. Manimenos pareixe que o mosén ixublidó en o suyo misal dito testamento y se'n fuo por orden d'o bispe a vivir ta Chillué. Ye por ixo que os vecins d'iste lugar cambioron o testamento a o suyo favor, pasando as tierras d'Urbán a estar d'a suya propiedat, en cuentas d'o lugar a o que las heban deixau as güelas.

Vinclos externos

• (es) En despobladosmedievaleshuesca.blogspot.com