Muro (Samianigo)

De Biquipedia
Ir a la navegación Ir a la búsqueda
Muro
Despoblau medieval d'Aragón
Entidat
 • País
 • Provincia
 • Comarca
 • Municipio
Despoblau medieval
Flag of Aragon.svg Aragón
Flag of Huesca (province).svg Uesca
Alto Galligo
Samianigo
Población
 • Total

0 hab.
Altaria 1.052 m.
Coordenadas 42°33’31’’N 0°24’25’’U
Muro en Aragón
Muro
Muro
Situación de Muro en Aragón

Muro yera un lugar medieval situau en l'actual municipio de Samianigo, amán d'o lugar de Borrés, en a val Ancha.

Toponimia[editar | modificar o codigo]

Iste toponimo deriva dreitament, como o suyo propio nombre indica, d'o latín MURUS con o mesmo significau de "muro", "esfensa".[1]

Historia[editar | modificar o codigo]

A primera vegada que apareixe decumentau ye en marzo de l'anyo 1202 en o estatuto de división d'os biens d'a seu de Sant Per de Chaca en mensa capitular y mensa episcopal:

Do etiam et concedo predicte mense quicquid habet vel habere debet in Seneue et in Olivano et in Larres et in villa que vocateur Muro et in Leres (...)

Chusto un sieglo dimpués, o 21 de marzo de 1302, Miguel de Muro, prior d'a seu de Sant Per de Chaca, entrega en testamento un campo a Brun López, hespitalero de Santa Cristina de Somport. O 29 de mayo de 1329, en un decumento escrito ya en romance aragonés, Domingo d'Ipas y a suya muller venden a Chuan de Pardenilla qualques d'as suyas posesions en Muro:

(...) un palaçio nostro con todos sus heredamientos yermos et poblados, campos, vinnas, uertos, ortales, eras, payllares. El dito palaçio es en la villa de Murro, afronta con casa del Temple et en la carrera que ba a la glessia (...)

O día 20 d'aviento de 1397 o rei Martín I d'Aragón ordenaba a incorporación de quantas aldeyas, entre as que i yera Muro, a la Corona y a ciudat de Chaca, pa que ista podese reconstruyir as suyas murallas y esfensas, quedando dende alavez istas aldeyas baixo protección chaquesa en caso de guerra. Sería mas tardi, o 13 d'agosto de 1446 quan Alifonso V d'Aragón confirmaria a incorporación.

Ignacio Jordán de Asso nombra a Muro en a suya lista de despoblaus d'o districto de Chaca, encara que lo sitúa incorrectament entre Larrés, Borrés y Isín.

Referencias[editar | modificar o codigo]

  1. (es) Geografía medieval de Serrablo. José Miguel Navarro López. Colección «A Lazena de yaya», 15. ISBN 84-8127-104-7


Lugars desapareixius d'o municipio de Samianigo
Aracastiello | Bailín | Belmonde | Calveras | Cerceles | Centenero | Civitatella | Estaún | Gronostué | Huertalo | Ipe | Larbesa | Larrué | Luxués | Muro | Novalla | Orzandué | Perula | Portiella | Senés | Sericata | Ubieto | Urbán | Vilás