Estaún

De Biquipedia
Ir a la navegación Ir a la búsqueda
Estaún
Despoblau medieval d'Aragón
Entidat
 • País
 • Provincia
 • Comarca
 • Municipio
Despoblau medieval
Flag of Aragon.svg Aragón
Flag of Huesca (province).svg Uesca
Alto Galligo
Samianigo
Población
 • Total

0 hab.
Altaria 968 m.
Coordenadas 42°23’13’’N 0°23’56’’U
Estaún en Aragón
Estaún
Estaún
Situación de Estaún en Aragón

Estaún yera un lugar medieval situau en l'actual municipio de Samianigo, amán d'a localidat d'Alavés.

Actualment encara bi ha una pardina con iste nombre en o mesmo puesto a on se trobaba o despoblau. L'acceso se fa dende l'antiga carretera d'o puerto de Monrepós.

L'apelliu Estaún ye prou estendillau en as comarcas de Chacetania y Alto Galligo. En Biescas por eixemplo destaca a casa Sebastián Estaún.

Toponimia[editar | modificar o codigo]

L'orichen d'o toponimo ye desconoixiu. Incluyiría o sufixo celtico -DUNUM 'fortaleza'.[1]

Historia[editar | modificar o codigo]

Apareixe en un decumento de 1039 d'o Cartulario d'o monesterio de Sant Andreu de Fanlo en o que Ínyigo Cardiel, sinyor d'Astarón mercaba bellas fincas en o lugar Ordavés que dimpués vendería a dito monasterio (doc. 22). En o siguient decumento (doc. 23) con calendata de 1045 se fa referencia a una concesión a o monesterio de Fanlo a on se nombra a Galindo d'Astaún, presbitero que fació de testigo.

En l'anyo 1139, Sancho Fortunyones y Fortún Ximénez venden a Guillermo Mozarabe y a suya muller, Eulalia, una heredat. En iste decumento apareixe como testigo d'a venda, entre atros, Michel d'Astaun. Poco dimpués, en 1153 se nombra en l'archivo d'a seu de Uesca a "Petro Arcez de Astaun, germano de Eximino Garcez et Ezo Arnal de Bergua" como testigo en a crompa d'un campo en a ciudat de Uesca.

En 1158, apareixe como testigo d'atra donación "Xemeno de Barbos et Astaun" y en 1173, se nombra a "Xemen Garcez de Astaun et suos germanos" como propietarios d'una vinya. En l'anyo 1191, apareixe nombrada María d'Estaún, viuda de Pedro López de Valterra. O día 24 de chunio de 1338, Exemén Pérez de Hueso, procurador d'os "obreros de la obra de Jhesu Nazareno de la Siet de Huesca", vesita a parroquia d'Estaún pa recaudar diners pa a construcción d'a seu de Santa María de Uesca, estando rector por ixas envueltas Pedro Astahún.

Como en atros lugars d'a redolada o 30 d'agosto de 1405 fue vesitado por chents provenients de Uesca pa recullir impuestos destinaus una vegada más a las obras d'a seu de Uesca. Apareixe en o cuaderno de campo d'os vesitants, transcrito en o Libro de Fabrica de l'archivo d'a seu: "Locus destructus, quia nullus ibi habitat" (lugar estricallau, en o que no bi ha dengún habitant). No se sabe porqué en o sieglo XV o lugar yera albandonau y dimpués tornó a habitar-se.

Entre os sieglos XIII y XIV a suya ilesia teneba o títol de rectoría.

Leyendas[editar | modificar o codigo]

Aquí, como en atros lugars de l'Alto Aragón, tamién se conserva o mito d'as viellas pervivients. En iste caso as dos mullers fuoron acullidas en casa Carlos d'a Nau y casa Pablo d'Ipiés, perteneixindo por ixo as tierras d'ista pardina a ixas casas.

En zaguerías d'o sieglo XIX y primerías d'o sieglo XX a pardina yera logada a una familia d'a que se diz que o pai fumaba tanto que encara que "no teneban ni o más preciso, mandaba as filias con os pocos güegos que sacaban ta o mesón de Fanlo a cambiar-los por tabaco"[2]

Referencias[editar | modificar o codigo]

  1. (es) Geografía medieval de Serrablo. José Miguel Navarro López. Colección «A Lazena de yaya», 15. ISBN 84-8127-104-7
  2. Antonio Pañart, A Nau, 1992


Lugars desapareixius d'o municipio de Samianigo
Aracastiello | Bailín | Belmonde | Calveras | Cerceles | Centenero | Civitatella | Estaún | Gronostué | Huertalo | Ipe | Larbesa | Larrué | Luxués | Muro | Novalla | Orzandué | Perula | Portiella | Senés | Sericata | Ubieto | Urbán | Vilás