L

L L
L'alfabeto aragonés
A	B	C	D	E
F	G	H	I	J
K	L	M	N	Ñ
O	P	Q	R	S
T	U	V	W	X
Y	Z
Digrafos
ch	gu	ix	ll	ny
qu	rr
Atros simbolos
Ç	l·l	nn	tz

A L (ele) ye a docena letra de l'alfabeto aragonés y a novena consonant.

Historia

Corresponde a la letra L de l'alfabeto latino u romano, y graficament a la letra lambda griega arcaica, que proviene d'a letra lámed fenicia. O suyo orichen ye un signo d'a escritura hieroglifica echipcia representau por un tigre: 'labo', cambiando cuan pasó a la escritura hieratica y demotica.

Hieroglifico echipcio (gayata) ut	Proto-Semitico L	Fenicio Lamed	Griego Lambda	Etrusco L	Romano L

En aragonés

Representa en aragonés o fonema aproximant lateral alveolar sonoro /l/ en todas as suyas realizacions: lamín ([la'min]), lupia (['lupja]), levar ([le'βaɾ]), liviano ([li'βjano]), loza (['loθa]), filo (['filo]), cobalto ([ko'βalto]), felce (['felθe]), tola (['tola]), tozal ([to'θal]), estrel ([es'tɾel]), pola (['pola]), alzar ([al'θaɾ]), emplir ([em'pliɾ]), plaza (['plaθa]), clau ([klaw]), flama (['flama]), plorar ([plo'raɾ]), plano (['plano]), glan ([glan]).

A letra <l> s'emplega en posición inicial, d'as secuencias <bl>, <gl>, <cl>, <fl>, <pl> y <rl> y, ocasionalment, entre vocals, pa representar a realización fonetica palatalizada [ʎ] que apareixe en bellas variedaz de l'aragonés oriental: lana (['ʎana]), luna (['ʎuna]), luego (['ʎweɣo]), loza (['ʎoθa] u ['ʎosa]), flama (['fʎama]), blanco (['bʎaŋko]), cinglo (['θiŋgʎo] u ['siŋgʎo]), glarima ([gʎa'ɾima]), clau ([kʎaw]), parlar ([par'ʎa]), lulo (['ʎuʎo]), lolo (['ʎoʎo]). Manimenos, puet emplegar-se o digrafo <ll> si se deseya marcar ixa pronuncia diferencial u en a toponimia local: llana, lluna, lluego, lloza, fllama, bllanco, cingllo, gllarima, cllau, parllar, llullo, llollo; Llire, Esplluga, Cllarabida, Gorgs Bllancs, Angllós.

Se veiga tamién

• ll.
• l·l.

Vinclos externos

• Se veigan as imáchens de Commons sobre L.

• Datos: Q9927
• Multimedia: L / Q9927