L·l

De Biquipedia
Ir ta: navego, busca
l'alfabeto aragonés
A B C D E
F G H I J
K L M N O
P Q R S T
U V W X Y
Z
Digrafos
ch gu ll ny qu
rr tz
Atros simbolos
Ç Ñ nn l·l

A L·l u ele cheminata (en minusclas l·l y foneticament /ɫː/) ye un «grupo de letras modificato» que se fa servir en l'aragonés belsetán y o catalán que representa o sonito d'a ele doble (en realidat, dos sonitos: [l.l]), pronunciato en dos silabas diferents.

L'uso d'o punto volato tien como finalidat diferenciar iste grupo de letras d'o digrafo ll, que representa o sonito lateral palatal. O suyo uso, se veye mas que mas en aquellas parolas provenients d'o latín que teneban o digrafo -LL-. En catalán, o sonito que representa no ye exclusivo d'iste digrafo sino que, por eixemplo, tamién se troba en o digrafo tl en parolas com atleta.

La pronunciación d'o digrafo s'ha relaxato muito y s'han castellanizato as parolas en que se feba servir. Asinas en aragonés nomás s'emplega en o belsetán y ye en decadencia en a resta de parlas centrals. En catalán balear, a on ye un rasgo fuerte y caracteristico, se diz parlar bleda o feito de deixar de pronunciar-la. As secesionistas Normes del Puig refusan iste digrafo, encara que no ye cierto que en valencián no se prenuncie u a o menos no menos que en o catalán oriental.

A escritura correcta d'iste digrafo ye a correspondient a l'uso d'o punto volato (·) entre as dos eles. As escrituras l.l u l-l se consideran incorrectas. En informatica, a traza correcta sería emplegar o caracter unicode correspondient, ye decir Ŀ (U+013F representato Ŀ en HTML) por ta a mayuscla y ŀ (U+0140 representato ŀ en HTML) ta a minuscla. Manimenos, a dificultat d'usar istos caracters fa que se gose emplegar o caracter · (U+00B7 representato · u · en HTML) entre dos eles. Sí que se considera incorrecto l'uso d'o caracter (U+2022 • u • en HTML) ya que se considera poco estetico y ye reservato a la función de deseparación de listas.

Seguntes a normativa ortografica, en caso d'haber-se de dividir una parola en dos ringleras diferents, o guionet se mete en substitución d'o punto.

Se veiga tamién[editar | editar código]