C
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
C C
| |||||||
|---|---|---|---|---|---|---|---|
| A | B | C | D | E | |||
| F | G | H | I | J | |||
| K | L | M | N | O | |||
| P | Q | R | S | T | |||
| U | V | W | X | Y | |||
| Z | |||||||
Digrafos
| |||||||
| ch | gu | ll | nn | ny | |||
| qu | rr | tz | |||||
Atros simbolos
| |||||||
| Ç | Ñ | l·l | |||||
- Iste articlo tracta sobre a letra C. Se veiga Luengache de programación C ta o luengache de programación.
A C (ce) ye a tercera letra de l'alfabeto aragonés provenient d'o latino.
O suyo orichen grafico se troba en os simbolos fenicios ta representar un arma que se chitaba. En o latín se fació mas redonda y s'esferenció d'a G.
Fonetica[editar | modificar o codigo]
En aragonés estandar representa a oclusiva velar xorda /k/ de l'AFI en os siguients casos:
- Debant d'as vocals a (casa /'kasa/), o (cosa /'kɔsa/), u (cullara /ku'ʎaɾa/).
- Debant d'as consonants r (cruz /'kɾuθ/) y l (clau /'klaw/)
Ye o fonema d'a fricativa interdental sorda /θ/ debant de e (cera /'θeɾa/), i (cirecera /'θiɾeθeɾa/).
En aragonés altorribagorzano (benasqués) representa o fonema d'a fricativa alveolar xorda /s/ cuan ye debant de e (cera /'seɾa/), i (cirecera /'siɾeseɾa/).
Tamién fa parti d'o digrafo ch.
En a grafía de Uesca a letra "C" nomás representa a oclusiva velar xorda debant de "a", "o" e "u"; ya que o fonema d'a fricativa dental xorda se representa siempre con "Z"
Significatos de C[editar | modificar o codigo]
- Bioquimica: en mayuscla, ye o simbolo d'a citosina y d'a cisteína.
- Economía: ye l'abreviadura de "centimo". Dos C significan "cuenta corrient".
- Educación: en os países anglosaxons, representa l'aprobato en as calificacions escolars.
- Fisica:
- en minuscla ye o simbolo d'a velocidat d'a luz, una d'as constants absolutas.
- en mayuscla ye o simbolo d'o coulomb en o Sistema internacional.
- Informatica: o luengache C ye un luengache de programación.
- Lingüistica: en gramatica designa por un regular un complemento sintactico. En bels manuscritos latinos ye una abreviadura de "cum".
- Matematicas: en o sistema de numeración romano, equivale a o numero 100; con una ringla dencima equivale a cient mil. A mas ye l'abreviadura d'o prefixo "centi-" en as unidaz de mesura.
- Musica: en a notación chermanica, representa a nota do.
- Quimica: en mayuscla, ye o simbolo d'o carbonio. Ye tamién o nombre d'una vitamina (vitamina C)
- Simbolos: con un º debant indica os graus Celsius de temperatura. Si en ye aintro d'un cerclo (©), significa "copyright", ye decir, propiedat intelectual rechistrata.
