Alfabeto aragonés

L'alfabeto aragonés proviene de l'alfabeto latino y ye seguntes l'Academia Aragonesa d'a Luenga formau por as siguients letras, monografos y digrafos:

• Mayusclas: A, B, C, D, E, F, G, H, I, J, K, L, M, N, Ñ, O, P, Q, R, S, T, U, V, W, X, Y, Z.
• Minusclas: a, b, c, d, e, f, g, h, i, j, k, l, m, n, ñ, o, p, q, r, s, t, u, v, w, x, y, z.
• Digrafos: ch, ix, ll, gu, ny, qu, rr.
• Cheminadas (en belsetán): l·l, nn.

Nombres d'as letras

Os nombres d'as letras son os siguients:

Mayuscla	Minuscla	Nombre	Fonema
A	a	a	/a/
B	b	be u be alta	/b/
C	c	ce	/k/, /θ/, /s/
D	d	de	/d/, /ð/
E	e	e	/e/, /ɛ/
F	f	efe	/f/
G	g	gue	/g/
H	h	hache	/ø/, /x/
I	i	i u i latina	/i/, /i̯/, /j/
J	j	jota u i larga	/x/
K	k	ka	/k/
L	l	ele	/l/, /ʎ/, /ɾ/
M	m	eme	/m/, /n/
N	n	ene	/n/
Ñ	ñ	eñe	/ɲ/
O	o	o	/o/, /ɔ/
P	p	pe	/p/
Q	q	cu	/k/
R	r	erre	/ɾ/, /r/
S	s	ese	/s/
T	t	te	/t/
U	u	u	/u/, /u̯/, /w/
V	v	uve, ve u ve baixa	/b/
W	w	uve dople u uve doble	/b/, /w/
X	x	equis u xe	/ʃ/, /ks/, /s/
Y	y	i griega u ye	/i/, /j/, /ʝ/
Z	z	zeta	/θ/

Digrafo mayuscla	Digrafo minuscla	Nombre	Fonema
Ch	ch	che u ce hache	/ʧ/
Gu	gu	gue u	/g/
Ix	ix	i xe	/iʃ/
Ll	ll	elle u ele dople	/ʎ/
Ny	ny	ene i griega	/ɲ/
Qu	qu	cu u	/k/
-	rr	erre dople	/r/

Cheminadas	Nombre
l·l	ele cheminada
nn	ene cheminada

Atras normas graficas

Grafía de Uesca

En a grafía de Uesca no existe a "V" (fonema /b/ se representa nomás con a letra "B") ni a "H" (fueras de bels casos particulars). Incluye a letra "Ñ" ta representar o fonema /ɲ/.

• Mayusclas: A, B, C, D, E, F, G, I, J, L, M, N, Ñ, O, P, Q, R, S, T, U, X, Y, Z.
• Minusclas: a, b, c, d, e, f, g, i, j, l, m, n, ñ, o, p, q, r, s, t, u, x, y, z.
• Digrafos: ch, gu, ll, qu, rr.
• Cheminadas (en belsetán): n·n, l·l.
• S'emplega tamién o grafema h/H en as personas d'o verbo haber he, has, ha y han.

Grafía d'o EFA

En a grafía d'o EFA no existe a "ñ" se fa servir exclusivament o digrafo "ny" pa representar o fonema /ɲ/. Existe tamién o digrafo "tz" que s'emplega pa compatibilizar a pronunciación interdental d'as segundas personas plurals y de cualques plurals en aragonés cheneral con a pronunciación /ts/ d'estas desinencias y estos plurals en aragonés benasqués.

• Mayusclas: A, B, C, D, E, F, G, H, I, J, K, L, M, N, O, P, Q, R, S, T, U, V, W, X, Y, Z.
• Minusclas: a, b, c, d, e, f, g, h, i, j, k, l, m, n, o, p, q, r, s, t, u, v, w, x, y, z.
• Digrafos: ch, gu, ll, ny, qu, rr, tz.
• Cheminadas (en belsetán): l·l, nn.

Grafía d'a SLA

En a grafía d'a SLA no existe a "ñ" se fa servir exclusivament o digrafo "ny" pa representar o fonema /ɲ/. A letra "j" debant de "a", "o", "u" representa en ista grafía o fonema postalveolar africau xordo (/ʧ/). Tamién s'Incluye a "ç" pa representar debant de "a", "o", "u" o soniu interdental fricativo sordo en aragonés estándard (/θ/) y o soniu apicoalveolar sordo (/s/) en benasqués.

• Mayusclas: A, B, C, Ç, D, E, F, G, H, I, J, L, M, N, O, P, Q, R, S, T, U, V, X, Y, Z.
• Minusclas: a, b, c, ç, d, e, f, g, h, i, j, l, m, n, o, p, q, r, s, t, u, v, x, y, z.
• Digrafos: ch, gu, ll, qu, rr.

Referencias

• Datos: Q13048345