Plaza

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre o espacio urbán. Se veiga Plataforma Lochistica de Zaragoza, ta o poligono industrial de Zaragoza.

Una plaza (d'o latín < PLATEA) ye un espacio ubierto en a intersección de dos u mas carreras. Muitas vegatas ye un espacio de reunión u celebración. Trobamos ista parola en muitos idiomas: place en francés, plaza en castellano, piazza en italiano, plaza en l'anglés d'os Estaus Unius. Tamién puet estar una plaza de toros.

As plazas s'orichinan en l'agora griega y heredan d'ella o sentito de puesto de reunión ta la vida publica. Por ixo a sobén o mercato itinerant se fa en a plaza y se deixa un espacio debant d'as casas d'a villa. As plazas son presents en diferents culturas, dende a europea dica la chinesa u a precolombina.

Tipos de plazas

Seguntes a forma, a plaza puet estar cuadrangular, como a Plaza Roya de Moscú; irregular, com as plazas medievals; eliptica, propia d'o barroco italiano; cercular, como Picadilly Circus; semicercular u alargata.

Segustes si son rodiatas d'edificios por toz os costatos u predomina o espacio vueito, as plazas son zarratas u ubiertas.