Tuca de Cllarabida

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Tuca de Cllarabida Pic de Clarabide
Tuca de Cllarabida a la ezquierda
Situación
Situación	Benás (Aragón) Lodenvièla (Occitania)
Latitut	42° 41' 41.3 N
Lonchitut	0° 28' 03.0 E
Vértiz cheodesico	/0.pdf
Cheografía
Cordelera	Pireneu axial
Sierra
Macizo	Perdiguero
Altaria	3.019 m
Alpinismo
Primera puyada
Ruta mas fácil	Dende a vall d'Estós
Mapa

A tuca de Cllarabida (en francés Pic de Clarabide) ye una montanya de 3.019 metros que se troba entre a provincia de Uesca (Aragón) y o departamento d'os Altos Pireneus (Occitania).

Accedindo dende a vall d'Estós ye un d'os tres mils mas fácils d'Aragón chunto a la punda Negra, a punta de Vachimala, a punta Culfreda Sud y mesmo a punta de Treserols, a punta de Lardana y a tuca d'Aneto.

Situada en un cul de montanyas graniticas, a Cllarabida ye una excursión tipica en verano dende o refuchio d'Estós, asequible ta personas d'un livel fisico meyo. Se tracta d'una puyada de 1.193 metros de desnivel, mantenida y sin descansos, que parte dende as instalacions d'o refuchio, contina en a dirección noreste dentrando en o barranco de Chíes, ta continar por a marguin ezquierda d'o Forau d'O y plegar enta l'ibón de Gias, a dos horas d'o refuchio. Cal plegar a o collau a 2.900 metros ta dimpués por un paso de piedras marcau con fitas ganar altaria plegando a la cima en nomás una quartalada d'hora, habendo dende a tuca una anvista impresionant.

Toponimia

L'oronimo Cllarabida ye considerau por José Antonio Saura Rami como formau a partir d'a radiz basca bida (camín), dando a evidencia d'haber estau dica fa pocos decenios un scenario de contrabandismo.