Cofradía de la Coronación de Espinas

De Biquipedia
Ir a la navegación Ir a la búsqueda
Cofradía de la Coronación de Espinas
Escudo Coronación.png
Cofrades de la Coronación de Espinas (Zaragoza).jpg
Información cheneral
Establita 1951
Seu canonica San Felipe y Santiago el Menor
Seu social Patronato Obrero Catolico, Coso, 102 (Zaragoza)
Cofadres 631
Pasos 2
Instrumentos Tambors, timbals, bombos e cornetas
Uniforme Caperucho morato e tunica marrrón
Web www.coronaciondeespinas.net

A Cofradía de la Coronación de Espinas (en aragonés Cofadría d'a Coronazión de Punchas) ye una cofadría d'a Semana Santa zaragozana.

Historia[editar | editar código]

Como muitas atras cofadrías de Zaragoza naixió d'una colla de chent que gosaban levar o paso de La Coronación de Espinas, propiedat d'a Sangre de Cristo, quan en l'anyo 1951 decidioron creyar a suya propia cofadría. L'acta fundacional se sinyo lo 14 de chinero d'ixe anyo en una reunión de miembros d'o Círculo Católico de Obreros de Nª Sra. del Pilar y de l'Asociación d'Antigos Alumnos d'as Escuelas de l'Ave María.

A primera seu d'a cofadría yera o Palacio d'os Contes de Fuenclara en Zaragoza. Astí se bendició a los primers cofadres o 18 de marzo de 1951. Ixe mesmo Miercoles Santo salioron de San Cayetano a las carreras d'a ciudat en a primera procesión d'a historia d'ista cofadría. En 1954 a procesión cambeó de calendata a lo Chueves Santo.

En 1960 se funda la sección d'instrumentos tradicionals aragoneses, formata por 39 chirmans que tocaban tambors y bombos. Dos anyos dimpués, en 1962, l'arcebispe de Zaragoza Don Casimiro Morcillo cedió a la cofadría un busto de Cristo Coronato de Punchas que bi heba en a Ilesia de Sant Felipe y que se tresladó ta la seu d'a cofadría en o Palacio de Fuenclara. Ya en 1969 se cambea o puesto de salita d'a procesión ta la ilesia de San Felipe y Santiago el Menor.

En 1972 s'encorporan a la cofadría dotze chirmanas, muitas d'ellas familiars de cofadres. mas tardi en 1979 tamién se creya a sección infantil.

En l'anyo 1981 s'espaldó l'almazén a on s'alzaban bells pasos d'a Semana Santa y o paso d'ista cofadría estió un d'os mas danyatos. Habió de ser restaurato, encara que podió salir ixa anyada en as procesions zaragozanas.

A primera salita procesional con o busto de cristo ye en l'anyo 1985. O Via Crucis d'a cofadría salió por primera vegata o Chueves Santo de l'anyo 1987 dende Sant Felipe enta la Seu.

Dende l'anyo 2000 a suya seu social ye o Patronato Obrero Catolico, en o Coso zaragozano, ya que a seu historica d'a cofadría, o Palacio de Fuenclara yera en estato de ruina y habió de ser albandonato.

Uniforme y emblema[editar | editar código]

Corona de Punchas.

L'habito ye formato por caperucho morato y tunica marrón. O color morato representa o sentito liturchico d'a cofadría, o marrón o caracter penitencial d'os carmelitas. Os ninons d'a sección infantil no levan prenda en a capeza.

O emblema d'a cofadría ye a Corona de Punchas que le da nombre (Corona de Espinas) redolando una columna d'a Virchen d'o Pilar.

Pasos[editar | editar código]

Busto Coronado de Espinas
La Coronación de Espinas
  • Busto Coronado de Espinas: Obra de Manuel Guiral y Pedro Fuertes de 1781. Mientres muitos anyos estió en a sacristia d'a ilesia de Sant Felipe dica que en 1962 l'arcebispe d'a ciudat Casimiro Morcillo la cedió a la cofadría. Ye una imachen de l'Ecce-Homo, tien un peso de 430 onzas de plata y bronze. Salió en 1975 en o Via Crucis d'a cofadría o Domingo de Ramos, anque iste acto no se fació en os siguients anyos. Dende o 4 d'abril de 1985 y dica l'actualidat ista imachen procesiona a huembros de ueito cofadres totz os Chueves Santos.
  • La Coronación de Espinas: Ye o paso tetular d'a cofadría, obra de Francisco Borja de l'anyo 1903. Propiedat d'a Sangre de Cristo que cedió con a creyación d'a cofadría o paso a los fundadors que ya heban portiato lo paso en anteriors procesions d'o Santo Entierro. Sustituyó a un paso anterior con a mesma advocación d'o sieglo XIX feito por o escultor Luis Muñoz. Ye formato por quatro feguras: en o centro Chesucristo y un centurión román coronando-le con as punchas emplegando unas estenazas, un soldato román y un chodigo son os personaches secundarios d'a scena. S'han feito reformas en o paso, pero a mas important estió en 1981 quan habió d'estar restaurato dimpués de que o teito d'o local a on s'alzaba chunto con atros pasos s'espaldase sobre istos.


 
Cofadrías de Zaragoza
Cajaclara.svg

Calvario · Columna · Coronación · Crucifixión · Descendimiento · Despojado · Dolorosa · Ecce-Homo · Entrada · Esclavas · Eucaristía · Exaltación · Huerto · Humildad · Humillación · Llegada · Nazareno · Piedad · Prendimiento · Resucitado · Sangre de Cristo · Siete Palabras · Silencio · Verónica