Real Hermandad de Cristo Resucitado y Santa María de la Esperanza y del Consuelo

De Biquipedia
Ir a la navegación Ir a la búsqueda
Real Hermandad de Cristo Resucitado y Santa María de la Esperanza y del Consuelo
Escudo Resucitado.png
SEMANA SANTA DE ZARAGOZA Cofradia del Resucitado 4333.jpg
Información cheneral
Establita 1976
Seu Santa Rita (Agustinos)
Cofadres 605
Pasos 3
Instrumentos Tambors y bombos
Uniforme Tunica blanca y tercerol azul celeste
Web www.resucitado.net

A Real Hermandad de Cristo Resucitado y Santa María de la Esperanza y del Consuelo (en aragonés Reyal Chirmandat de Cristo Resucitato y Santa María de l'Asperanza y d'o Consuelo) ye una cofadría d'a Semana Santa zaragozana.

Historia[editar | editar código]

A Chirmandat ye establita o 13 de chulio de 1976 por un grupo d'antigos alumnos d'o colechio d'os PP.Agostinos de Zaragoza. Dende allora a chirmandat recuperó l'antiga y tradicional procesión d'o Domingo de Resurreción que feba dende o sieglo XVIII y dica meyatos d'o sieglo XIX a Venerable Orden Tercera.

A suya primera salita procesional estió en a procesión d'o Santo Entierro de 1977 y antimás d'a debantdita procesión de Domingo de Resurreción, ista cofadría tamién recupera la Vichilia Pasqual o Sabado Santo.

En 1979 ye o primer Alcuentro Glorioso que fa ista chirmandat en a Basilica de Santa Engracia. Dos anyos dimpués, en 1981 sale a las carreras por primera vegata la Virchen d'o Consuelo, y tamién dende ista anyada nomás se fa servir tercerol por totz os chirmans, ya que d'antis mas yera opcional emplegar tercerol u caperucho. Tamién en 1981 se fa o primer Alcuentro Glorioso en a Plaza d'o Pilar. Dende 1990 tamién procesiona os Chueves Santos a Peana del Cristo del Buen Amor.

En l'anyo 2001 o rei Chuan Carlos I da a la chirmandat o tetulo de reyal, por lo que s'incluye en o suyo emblema la corona reyal.

Uniforme y emblema[editar | editar código]

L'habito ye blanco, d'estilo agostinián. En a capeza o tipico tercerol aragonés de color azul celeste y de longaria igual que o tercerol de gala calandín. Levan un centurón blanco como lo tradicional de l'habito d'a Orden de Sant Agostín.

O emblema ye una cruz florenzata coronata de corona reyal espanyola, por o tetulo concedito por o rei Chuan Carlos I o 18 d'aviento de 2001. Dencima d'a cruz as inicials H.C.R. (Hermandad de Cristo Resucitado) y a los pietz d'ista la leyenda latina "Resurrexit sicut dixit" (Lc 21,40).

Pasos[editar | editar código]

Cristo Resucitado.
Santa María de la Esperanza y del Consuelo
  • Cristo Resucitado, ye obra de Jorge Albareda de 1977. Feito con fusta d'abetocha de Finlandia. Representa a Chesus Resucitato y ye levato por diez chirmans d'a cofadría. Mide 3x2 metros.
  • Santa María de la Esperanza y del Consuelo, tamién obra d'Albareda de l'año 1981. Tien una grandaria pareixita a lo Cristo Resucitado. D'aspecto similar a la Mater Salvatoris d'o Colechio d'o Salvador de Zaragoza (Chesuitas) feita tamién por iste autor. Son diez tamién as chirmanas que levan a la Virchen.
  • Peana del Cristo del Buen Amor, ye un anonimo de 1930. Representa un Cristo Crucificato y ye propiedat d'os PP. Agostinos. Lo levan a huembros ueito chirmans u chirmanas d'a cofadría o Chueves Santo.


 
Cofadrías de Zaragoza
Cajaclara.svg

Calvario · Columna · Coronación · Crucifixión · Descendimiento · Despojado · Dolorosa · Ecce-Homo · Entrada · Esclavas · Eucaristía · Exaltación · Huerto · Humildad · Humillación · Llegada · Nazareno · Piedad · Prendimiento · Resucitado · Sangre de Cristo · Siete Palabras · Silencio · Verónica