Cofradía de Nuestro Señor en la Oración del Huerto

De Biquipedia
Ir a la navegación Ir a la búsqueda
Cofradía de Nuestro Señor en la Oración del Huerto
Escudo Huerto.png
Cofrades de Nuestro Señor en la Oración del Huerto (Zaragoza).jpg
Información cheneral
Establita 1942
Seu canonica RR.MM. Franciscanas Clarisas de Santa María de Jerusalén (Zaragoza)
Seu social Ilesia de Nuestra Sinyora d'o Portiello (Zaragoza)
Cofadres 381
Pasos 3
Instrumentos Tambors y bombos
Uniforme Tunica y tercerol marrons, capa beige
Web www.oracionhuerto.es

A Cofradía de Nuestro Señor en la Oración del Huerto (en aragonés Cofadría d'o Nuestro Sinyor en a Oración d'o Huerto) ye una cofadría d'a Semana Santa zaragozana.

Historia[editar | editar código]

Establita en 1942, quan o fundador Daniel Ortiz de Landázuri Albaiza sinya o 13 d'agosto con a Chirmandat d'a Sangre de Cristo un documento en que ista cede o paso d'a Oración en o Huerto a la nueva cofadría.

Ista cofadría reculle l'herencio d'atras que ya existiban en o siglo XIII y que yeran formatas por agricultors y ganaderos como as cofradías d'o Santo Esprito y de Sant Simón y Sant Chudas.

A primera procesión d'a cofadría ye o 20 d'abril de 1943, Martes Santo, dende o Convento d'as RR.MM de Santa María de Jerusalén, seu d'a cofadría situata allora en o Paseyo d'a Independencia 19. A l'anyo siguient a seu se treslada ta Nrta. Sra. de Altabas ya que lo debant dito convento ye tamién tresladato ta atro puesto d'a ciudat, en l'actual Paseyo d'Isabel a Catolica. En 1948 atra vegata se treslada la seu ta l'actual que ye en a Ilesia d'a Nuestra Sinyora d'o Portiello.

Dende 1972 bi ha un piquete de tambors y dende 1976 una sección de tambors. En 1974 dentran en a cofadría por primera vegata as mullers como miembros de pleno dreito.

Pasos[editar | editar código]

Jesús de la Oración
La Oración del Huerto
  • La Oración del Huerto, obra de Francisco de Borja y Félix Burriel de l'anyo 1913. Apareixe Chesús achinollato con un ánchel que li da o cáliz de l'amargor. Atras tres feguras pueden veyer-se sondormindo-sen chunto a l'anterior conchunto escultorico, son Sant Pero, Sant Chuan y Sant Chaime.
  • Nuestro Señor de la Agonía del Huerto de Jerusalén ye una obra anonima d'o sieglo XVII que no gosa de sacar-se en as procesions, manimenos ye una d'as imachens mas importants y veneratas d'a Semana Santa zaragozana. Representa a Chesús de Chetsemaní, achinollato y plorando con os brazos devantatos enta o cielo. L'orichen d'ista obra s'explican por una leyenda que diz que escaicioron feitos miraglosos en l'antiga seu d'a cofadría, o convento d'as Franciscanas d'o Paseyo Independencia, fa bells sieglos. Bi heba en o convento un huerto que mugaba con una carrera en a que bi heban chents de mal vivir y prostitutas. A una d'as monchas d'o convento, dita Sor Antonia, de buena familia zaragozana, li s'apareixió un esprito que le dició que fese una capiella en o convento en honor d'a Oracion en Chetsemaní y asinas d'ista traza desapareixerba o vicio d'ixa carrera. y construyó con muitos diners d'a suya familia, que'n teneban prous, una gran capiella, pero as malas chents no disapareixioron d'a carrera mugant. O esprito li s'apareixió atra vegata y li dició que teneba que fer una capiella umilde y no rica como a que heba feito. Asinas que a mocha fació unatra capiella mas sencilla y o vicio disapareixió d'a carrera que yera chunto a lo convento. Un día, dimpués d'istos feitos trucoron a lo torno d'o convento y cuando as monchas i plegoron ta veyer qui yera nomás troboron una imachen de Chesús de Chetsemaní, que ye a mesma que encara ye hue en o convento de Cherusalem en o vico d'a Romareda.
  • Jesús de la Oración de Manuel Martín Nieto de l'anyo 2003. Salió por primera vegata en procesión o Martes Santo de 2004 levato por ueito cofadres.

Uniforme y emblema[editar | editar código]

L'habito ye d'estilo carmelitán, de color marrón fosco, con o tipico tercerol aragonés en a capeza. A capa de color beige s'adhibe a l'uniforme en l'anyo 1977 ta la sección de tambors y dende 1981 ta totas as seccions.

O emblema d'a cofadría ye un ovalo blanco rodiato d'oro. En o centro lo Santo Cáliz, a la dreita una palma y a cucha una rama d'olivera.


 
Cofadrías de Zaragoza
Cajaclara.svg

Calvario · Columna · Coronación · Crucifixión · Descendimiento · Despojado · Dolorosa · Ecce-Homo · Entrada · Esclavas · Eucaristía · Exaltación · Huerto · Humildad · Humillación · Llegada · Nazareno · Piedad · Prendimiento · Resucitado · Sangre de Cristo · Siete Palabras · Silencio · Verónica