Cofradía del Santísimo Ecce-Homo y de Nuestra Señora de las Angustias

De Biquipedia
Ir a la navegación Ir a la búsqueda
Cofradía del Santísimo Ecce-Homo y de Nuestra Señora de las Angustias
Escudo Ecce-Homo.png
SEMANA SANTA DE ZARAGOZA Cofradia del ecce homo 2313.jpg
Información cheneral
Establita 1681
Seu Ntra. Sra. d'Altabás, Sobrarbe 10, Zaragoza
Cofadres 207
Instrumentos Matracas
Uniforme Tercerol y tunica negros
Web www.eccehomozaragoza.org

A Cofradía del Santísimo Ecce-Homo y de Nuestra Señora de las Angustias (en aragonés Cofadría d'o Santismo Ecce-Homo y de Nuestra Sinyora d'as Angunias) ye una cofadría d'a Semana Santa zaragozana.

Historia[editar | editar código]

A cofadría de l'Ecce-Homo ye una d'as mas antigas d'a ciudat de Zaragoza, establita en a Ilesia de Sant Felipe en l'anyo 1681 y confirmata por bula papal d'Inocenzio XI o 15 de chulio de 1682. A causa d'o naiximiento d'a cofadría estió prencipalment o trobo d'a imachen que procesiona actualment en a restauración d'a debandita ilesia.

Santísmo Ecce Homo

Manimenos l'antiga chirmandat encara no participaba en os actos d'a Semana Santa, ye en 1948 a primera vegata que fa parti d'a procesión de Miércols Santo, gracias a l'aduya de Mosén Francisco Izquierdo Molins, que ya heba establito en 1940 a cofadría de las Siete Palabras. En a primera salita procesional, dende Sant Felipe dica a ilesia de Cristo Rei, estioron quaranta os chirmans que salioron con o paso de l'Ecce Homo, dito o Balcón de Pilato (1818) de Tomás Llovet, que yera propiedat d'a Sangre de Cristo. A nueva cofadría emplegaría en exclusiva un tipico instrumento aragonés: a matraca, que encara se fa servir hué, estanto a unica cofadría que a emplega. Antimas d'as chicotas matracas que levan os chirmans d'a sección d'instrumentos, bi ha dos grans matracas de campanar que se levan con ruedas.

En 1954 se fa un cambeo de seu ta l'actual de Nuestra Senyora d'Altabás. Dende l'anyo 1967 a imachen que sale en as procesions d'a cofadría ya no ye o Balcón de Pilatos sino a escultura anonima de l'Ecce-Homo de fins d'o sieglo XV que se trobó en Sant Felipe.

Atro anyo important en a historia d'a cofadría ye 1974 quan s'admiten as mullers como chirmanas con pleno dreito. Dica 1977 a pedaina de l'Ecce-Homo se levaba a huembros y ye en iste anyo quan se le meten ruedas.

Pasos[editar | editar código]

  • Santismo Ecce-Homo: ye un anonimo d'o sieglo XV, estando a obra mas important historicament y artistica d'a Semana Santa zaragozana. Yera mesa dezaga de l'altar mayor de Sant Felipe dica que en os treballos de restauración feitos en o sieglo XVIII se trobó, anque ya se conoixeba a suya existencia. A escultura representa l'inte en que Chesús yera, posato en una roca d'o Mont Calvario, asperando a suya muerte, antis d'estar penchato en a cruz. Ye de fusta de caixico policromata.

Uniforme y emblema[editar | editar código]

Tunica y tipico tercerol negros, cingulo blanco con un sudario blanco con o emblema d'a cofadría colgato y un rosario de fusta.

Cruz con l'anagrama de Cristo y os atributos d'a pasión: claus, corona de punchas, cartel d'INRI y dos latigos trescruzatos.


 
Cofadrías de Zaragoza
Cajaclara.svg

Calvario · Columna · Coronación · Crucifixión · Descendimiento · Despojado · Dolorosa · Ecce-Homo · Entrada · Esclavas · Eucaristía · Exaltación · Huerto · Humildad · Humillación · Llegada · Nazareno · Piedad · Prendimiento · Resucitado · Sangre de Cristo · Siete Palabras · Silencio · Verónica