Hermandad y Cofradía de Nazarenos de Nuestro Señor Jesús de la Humildad Entregado por el Sanedrín y de María Santísima del Dulce Nombre

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Hermandad y Cofradía de Nazarenos de Nuestro Señor Jesús de la Humildad Entregado por el Sanedrín y de María Santísima del Dulce Nombre
Información cheneral
Establita	1993
Seu	Convento d'as Mais Agustinas de Santa Monica (Zaragoza)
Cofadres	450
Pasos	2
Instrumentos	Tambors y bombos
Uniforme	Tunica y caperucha azul cobalto
Web	www.humildadzaragoza.com

A Hermandad y Cofradía de Nazarenos de Nuestro Señor Jesús de la Humildad Entregado por el Sanedrín y de María Santísima del Dulce Nombre ye una cofadría d'a Semana Santa zaragozana.

Historia

Establita en 1993, os orichen d'ista cofadría se troban en l'antiga la Hermandad y Cofradía de Nazarenos de Nuestro Señor Jesús en el Interrogatorio y Sentencia ante Caifás, Santos Apóstoles Pedro y Santiago y María Santísima del Desconsuelo que teneba la seu en a Ilesia de Sant Chaime o Mayor de Zaragoza y que yera establita en 1981.

Dimpués de dos anyos en os que no heban existito actividaz publicas en a chirmandat se creyó l'actual cofadría, estando aprebatos os estatutos o 14 de chinero de 1993 por l'arcebispe de Zaragoza. A seu canonica ye dende allora o Convento d'as Mais Agustinas de Santa Monica en o barrio de la Magdalena. Formata a lo prencipio por miembros d'a casa d'Andalucía en Zaragoza, yera inspirata en as cofadrías andaluzas.

Os dos pasos suyos, adquiritos en 1994 son tamién d'orichen sevillano, feitos por lo mayestro Francisco Berlanga de Ávila. A primera vegata que salioron en procesión estió en a Semana Santa d'ixe anyo.

Pasos

Jesús de la Humildad

• Jesús de la Humildad, obra feita por o sebillano Francisco Berlanga de Ávila en 1994. Ye de fusta policromata e tien una altaria de 1,80 m. Se troba en a ilesia d'o Convento d'as Reverendas Madres Agustinas de Santa Mónica. Representa o Misterio d'a Pasión de Cristo, cuan dimpués d'haber estato levato a lo Sumo Sacerdot d'o Sanedrín chodigo, Caifás, ye levato a la autoridat romana. En o paso antimás de Chesús apareixen Caifás, Anás y un soldato romano.
• María Santísima del Dulce Nombre, obra tamién de Francisco Berlanga de Ávila de 1994. Tien una altaria de 1,72 m. y ye en a seu canonica d'a chirmandat, a ilesia d'o Convento d'as Reverendas Madres Agustinas de Santa Mónica.

Uniforme y emblema

L'habito ye formato por tunica y caperucho azul cobol y capa blanca.

O suyo emblema ye formato por una costodia que leba una corona entre dos palmas. A los dos cantos d'ista dos escudos, a la ezquierda una cruz de Sant Chuan de Malta de ueito puntas blanca sobre fundo negro y a la dreita l'anagrama de Chesús (JHS) y un corazón con sangre.