Cofradía de la muy Ilustre y Antiquísima Esclavitud de Jesús Nazareno y Conversión de Santa María Magdalena

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Cofradía de la muy Ilustre y Antiquísima Esclavitud de Jesús Nazareno y Conversión de Santa María Magdalena
Información cheneral
Establita	1759
Seu	Ilesia de Sant Miguel d'os Navarros
Cofadres	1050
Pasos	2
Uniforme	Tunica y tercerol moratos

A Cofradía de la muy Ilustre y Antiquísima Esclavitud de Jesús Nazareno y Conversión de Santa María Magdalena (en aragonés Cofadría d'a muit Ilustre y Antiquísma Esclavitut de Chesús Nazareno y Conversión de Santa María Malena) ye una cofadría d'a Semana Santa zaragozana.

Historia

Chesús Nazareno.

Ye una d'as cofadrías mas antigas d'a ciudat de Zaragoza. S'establió en 1759, en tiempos de l'arcebispe Francisco Ignacio de Año y Busto, como muitas atras cofadrías que tamién s'establioron en istas calendatas en Espanya adedicatas a o Nazareno. A razón estió que o reit de Marruecos Muley Ismayel heba preso a ciudat de La Mamora (conoixita por ixas envueltas por os espanyols como San Miguel de Ultramar) a on quitoron totas as imáchens relichiosas d'as ilesias y las levoron ta Mequínez a on yera o reit. Astí rastroron as imáchens cristianas por as carreras d'a ciudat y dimpués las chitoron ta os lions. O trinitario Frai Pedro de los Ángeles se'n fuó ta ista ciudat ta demandar a o rei a conservación de bella imachen por diners. Asinas o rei le deixó replegar bellas imáchens y levar-se-las. A mas important d'istas yera o busto de Chesús Nazareno que prevocó una gran devoción en a Peninsula.

Como muitas atras d'as cofadrías antigas, perdió documentos y imáchens en a Guerra d'o Francés. O convento trinitario fue destruyito chunto con a imachen de Chesús Nazareno en 1808. Un anyo dimpués, en 1809 a imachen se tresladó ta a Ilesia de Sant Lorient.

En 1821 a seu cambea ta Santa Isabel y se treslada tamién a imachen d'o Nazareno. Ye en 1858 cuan a cofadría sale por primera vegata en a procesión cheneral d'o Santo Entierro de Zaragoza.

En 1940 a cofadría se converte en filial d'a Sangre de Cristo, como muitas atras en Zaragoza. Tamién ye en iste anyo cuan se fa por primera vegata a procesión en Miércols Santo y dos anyos dimpués, en 1942, se fa a primera procesión de Lunes Santo. En 1943 a seu torna a cambear ta l'actual en Sant Miguel d'os Navarros. A sección de tambors se creya en 1955.

Tamién estió important ta a cofadría l'anyo 1991, cuan sale por primera vegata por as carreras de Zaragoza o paso de La Conversión.

Pasos

La Conversión.

• La Conversión ye obra de Francisco Liza Alarcón de 1990. Representa l'inte d'a conversión de María Malena en Betania. Formata por dos feguras, María Malena que mira enta Chesús y o propio Chesús de Nazaret. A primera vegata que salió en una procesión estió l'anyo 1991.
• Chesús Nazareno ye un anonimo d'o sieglo XVI. Se venera en a ilesia de Sant Miguel d'os Navarros. Leva una tunica de tierzopelo morato con o escudo d'a Esclavitut, pelo natural y Corona de Punchas de plata.

Uniforme y emblema

L'habito ye una tunica morata con d'os franchas de tierzopelo negro y un centrurón amariello. Levan en o tozuelo tercerol morato.

O emblema ye una Cruz Trinitaria con una S dencima que simboliza a Sclavitut, trescruzata por un clau y rodiato o conchunto por a Corona de Punchas.

• Datos: Q13048796
• Multimedia: Real Muy Ilustre y Antiquísima Cofradía de la Esclavitud de Jesús Nazareno y Conversión de Santa María Magdalena / Q13048796