Cofradía de Nuestra Señora de la Asunción y Llegada de Jesús al Calvario

De Biquipedia
Ir a la navegación Ir a la búsqueda
Cofradía de Nuestra Señora de la Asunción y Llegada de Jesús al Calvario
Escudo Llegada.png
SEMANA SANTA DE ZARAGOZA Cofradía de la llegada 2379.jpg
Información cheneral
Establita 1953
Seu Ilesia de la Coronación de la Virchen, Zaragoza
Cofadres 459
Pasos 3
Instrumentos Tambors, bombos, timbals y cornetas
Uniforme Tunica y tercerol moratos, capa blanca
Web www.lallegada.com

A Cofradía de Nuestra Señora de la Asunción y Llegada de Jesús al Calvario (en aragonés Cofadría d'a Nuestra Sinyora de l'Asumpción y Plegata de Chesús ta o Calvario) ye una cofadría d'a Semana Santa zaragozana.

Historia[editar | editar código]

Virgen del Perdón
La Llegada

A cofadría naixe en l'anyo 1953, estando Casimiro Morcillo arcebispe de Zaragoza. Os vecins d'o vico Oliver teneban intrés en fer una cofadría adedicata a la suya patrona, la Virchen de l'Asunción, y ye os suyo parroco Mosén José Bosqued, qui presenta a l'arcebispato los estatutos d'a Cofradía de Nuestra Señora de la Asunción o 22 de chunio de 1953, estando aprebatos o 9 de chulio d'ixe anyo.

A lo prencipio no saliban en as procesions de Semana Santa, pero ye en 1960 quan José Bosqued proposa cullir un d'os antigos pasos d'a Sangre de Cristo y sacar-lo en procesión. O paso esleito estió "La Copa" de Tomás Llovet (Alcañiz 1770 - Zaragoza 1848) anque dende l'inte se dice la "Llegada de Jesús al Calvario".

Asinas o primer Via Crucis que se fació por as carreras d'o vico Oliver estió lo Chueves Santo de 1960, y o día dimpués de tardis salió por primera vegata en a suya historia en a procesión cheneral d'o Santo Entierro de Zaragoza. Dende allora la cofadría ye de la Asunción y Llegada de Jesús al Calvario.

En l'anyo 2000 se fa la primera procesión con o Cristo d'a Paz.

Pasos[editar | editar código]

Santísimo Cristo de la Paz
  • Virgen del Perdón: feita en os Talleres Belloso en 1985, ye una imachen d'a Virchen María trista y plorando por a muerte d'o suyo fillo. Fue bendecita o 24 de febrero de 1985, celebrando lo 25 cabo d'anyo d'a fundación d'a cofadría. Salió por primera vegata en a Semana Santa de 1986. En l'anyo 2003 se fació una nueva imachen d'a Virchen.
  • La Llegada: obra de Tomás Llovet de l'anyo 1828. Popularment conoixita como "la Copa" u "Hiel y Vinagre", representa l'inte en que Chesús plega ta lo mont Calvario seguntes o Evanchelio de Sant Mateu. En o paso apareixen Chesús chunto a dos soldatos romans que lo tienen preso y atro tercer soldato que le da una copa.
  • Santísimo Cristo de la Paz: ye una imachen de Cristo muerto en a Cruz. Dende a construción d'a ilesia d'a Nuestra Sinyora de l'Asunción en o vico con l'aduya de Mosén Manuel Oliver en 1939 se fa una capiella ta ista imachen. Sale por primera vegata la nueit de Chueves Santo de 1961 en o Via Crucis por o vico.
  • Nuestra Señora de la Asunción: ye o paso tetular d'a cofadría que nomás sale en o Vía Crucis por as carreras d'o vico Oliver o Miercoles Santo. O mayordombre que costodia la Virchen, ye dende o establimiento d'a cofadría una persona que vive en o vico Oliver, ya que a Virchen nunca sale d'iste vico.

Uniforme y emblema[editar | editar código]

L'habito ye una tunica morata con capa blanca. En a capeza o tradicional tercerol aragonés morato.

O emblema d'a cofadría ye una costodia coronata de corona reyal con dos ovalos a los cantos. En o primero d'ells apareixe a Virchen de l'Asunción y el l'atro una Cruz y dencima d'ista una man con un vaso u copa. En o cobaixo lo emblema d'a Virchen María y tot o conchunto rodiato d'una rama de laurel y una palma.


 
Cofadrías de Zaragoza
Cajaclara.svg

Calvario · Columna · Coronación · Crucifixión · Descendimiento · Despojado · Dolorosa · Ecce-Homo · Entrada · Esclavas · Eucaristía · Exaltación · Huerto · Humildad · Humillación · Llegada · Nazareno · Piedad · Prendimiento · Resucitado · Sangre de Cristo · Siete Palabras · Silencio · Verónica