Cofradía de Cristo Abrazado a la Cruz y de la Verónica

De Biquipedia
Ir a la navegación Ir a la búsqueda
Cofradía de Cristo Abrazado a la Cruz y de la Verónica
Escudo Verónica.png
SEMANA SANTA DE ZARAGOZA Cofradía de la Veróni 1834.jpg
Información cheneral
Establita 1992
Seu Ntra. Sra. del Carmen
Cofadres 222
Pasos 1
Instrumentos Tambors, timbals y cornetas
Uniforme Caperucho morato y tunica blanca
Web laveronica.es.tl/

A Cofradía de Cristo Abrazado a la Cruz y de la Verónica (en aragonés Cofradía de Cristo Abrazato a la Cruz y d'a Veronica) ye una cofadría d'a Semana Santa zaragozana.

Historia[editar | editar código]

A historia d'ista cofadría ye chicota, ya que ye una d'as cofadrías mas nuevas d'a Semana Santa de Zaragoza.

S'establió en noviembre de 1992 y os suyos fundadors estioron chovens aimants d'a Semana Santa. Como no existiba en Zaragoza denguna cofadría adedicata a la Veronica, personache tradicional d'a Pasión de Cristo, decidioron creyar-ne una.

As imachens d'o paso estioron bendecitas en a parroquia d'o Carmen en 1993 y ixe mesmo anyo salioron por primera vegata en Martes Santo en procesión con a imachen d'o Cristo d'os Setios, escultura d'estilo renaixentista d'o sieglo XVI. D'antis mas ista imachen heba procesionato en l'anyo 1962 con l'antiga Cofadría de la Santísima Virgen Macarena y el Santísimo Cristo de los Sitios.

En l'anyo 1994 o numero de chirmans ya yera o doble que en l'anterior anyo. Un anyo dimpués, en 1995, ye a zaguera salita d'o Cristo d'os Setios en procesión, dende allora o solo paso d'a cofadría ye o Cristo Abrazado a la Cruz y la Verónica.

En 2001 D. Ramón Marzal Iribas restaura as dos imachens d'o paso. En 2005 s'aprebó lo Rechimen Interno d'a Cofadría.

A suya seu ye, dende l'inte d'a fundación, a Ilesia d'o Carmen d'os PP.Carmelitas.

Pasos[editar | editar código]

Cristo Abrazado a la Cruz y la Verónica
  • Cristo Abrazado a la Cruz y la Verónica, obra de D. Daniel Clavero de l'anyo 1992 representa l'inte d'a VI Estación d'o Via Crucis y salió procesionalment por primera vegata o maitín de Chueves Santo de 1993. O paso ye formato por dos imachens, Chesús abrazato a la Cruz y a Veronica dezaga d'el con o panyuelo con a cara de Chesús en as mans, que ye una pintura a l'olio de D. José Luis Clavero. Os adornos d'o paso obra tamién de Daniel y José Luis Clavero fuoron feitos entre os anyos 2006 y 2007.

Uniforme y emblema[editar | editar código]

L'habito ye formato por una tunica blanca con botons moratos, caperucho (tercerol ta ninos y bombos) y faixa morata, guantes blancos y calcetín y zapato negros.

O emblema ye una cruz y penchato en os suyos brazos o panyuelo d'a Veronica con a cara de Chesús (d'o Cristo de Velázquez).


 
Cofadrías de Zaragoza
Cajaclara.svg

Calvario · Columna · Coronación · Crucifixión · Descendimiento · Despojado · Dolorosa · Ecce-Homo · Entrada · Esclavas · Eucaristía · Exaltación · Huerto · Humildad · Humillación · Llegada · Nazareno · Piedad · Prendimiento · Resucitado · Sangre de Cristo · Siete Palabras · Silencio · Verónica