Cofradía de Jesús de la Humillación, María de la Amargura, San Felipe y Santiago el Menor

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Cofradía de Jesús de la Humillación, María de la Amargura, San Felipe y Santiago el Menor
Información cheneral
Establita	1992
Seu canonica	Ilesia de Sant Felipe y Sant Chaime o Menor
Seu social	Plaza Ecce Homo 1, Zaragoza
Cofadres	201
Pasos	3
Instrumentos	Tambors y bombos
Uniforme	Tunica y capa blancas, caperucho negro
Web	www.jesusdelahumillacion.com

A Cofradía de Jesús de la Humillación, María de la Amargura, Sant Felipe y Santiago el Menor ye una cofadría d'a Semana Santa zaragozana.

Historia

Establita en 1992, ista cofadría ye una d'as mas chóvens de Zaragoza, manimenos tien o suyo orichen en una d'as historicas cofadrías de Zaragoza. Heredera d'a Real Cofradía del Santísimo Rosario de Nuestra Señora del Pilar, establita o 2 de chinero de 1889, dende allora ye encomendata de fer o Rosario de Cristal, un d'os actos relichiosos mas importants d'a ciudat, celebrato en as fiestas d'o Pilar.

Ya en 1974 una colla de chóvens establió en a Cofadría d'o Rosario a sección chovenil. Levaban un habito mui pareixito a l'actual d'a cofadría d'a Humillación y d'os flaires d'a Orden de Pedricadors, tunica blanca con capa negra. Antimás de numerosos actos liturchicos ixa anyada tamién salioron en Semana Santa fendo un Via Crucis con o "Santísimo Cristo del Amor Abandonado", obra d'o sieglo XVIII. O debantdito Via Crucis, dito dende 1982 "Via Crucis d'a Choventut" saliba de Sant Chuan d'os Panez dica l'anyo 1987, cuan se fació por zaguera vegata.

En 1989 a Cofadría d'o Rosario dentró en a chunta cordinadora de cofadrías de Zaragoza, participando por primera vegata en a procesión d'o Santo Entierro, manimenos muitos d'os chirmans no quereban participar en istos actos, ya que deciban no yeran parti d'a tradición d'as suya cofadría.

D'ista traza o 28 d'abril de 1991 naixe a nueva Cofradía de Jesús de la Humillación, María de la Amargura, Sant Felipe y Santiago el Menor formata por setanta y ueito chirmans d'o Rosario y con l'obchectivo de participar en os actos d'a Semana Santa zaragozana. Ye o 12 de marzo de 1992 cuan oficialment l'arcebispe de Zaragoza Monsenyor Elías Yanes Álvarez declara en funcionamiento a nueva cofadría. A suya fiesta constitucional se fació lo Domingo de Ramos 12 d'abril de 1992.

Pasos

Jesús de la Humillación

María Santísima de la Amargura

• Jesús de la Humillación ye una obra anonima d'o sieglo XIX, de capeza, mans y piez policromatos. Representa a Chesús en l'inte en que Pilatos, lavando-se as mans, ordenó que le crucificasen. D'antis mas propiedat d'a Hermandad del Santísimo Cristo Redentor y Ntra. Sra. de la Soledad de Badalona, estió mercata en 2002 y restaurata por José Dueñas Rosales.
• María Santísima de la Amargura, escultura anonima d'o sieglo XIX, alquirita por a chirmandat en 1999. Restaurata por o taller "Restauro Aragón", os suyos vestitos los facioron as Chirmanas Eucaristicas de Nazaret d'o Convento de Sant Chuan d'os Panez.

Uniforme y emblema

L'habito ye de color blanco, con caperucho y capa negros. Os chirmans d'a sección de bombos leban tercerol en cuentas de caperucho.

O suyo emblema ye a charra d'augua que emplego Poncio Pilato ta lavar-se as mans, d'oro sobre fundo negro. A los cantos a palma d'o martirio de Sant Felipe y o palo batanero d'o martirio de Sant Chaime o Menor. Dencima un corazón d'oro trescruzato por una espata con una gota de sangre que representa a la Virchen de l'Amargor.

• Datos: Q13048797
• Multimedia: Cofradía del Jesús de la Humillación, María Santísima de la Amargura y San Felipe y Santiago el Menor / Q13048797