Cofradía de la Entrada de Jesús en Jerusalén
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Cofradía de la Entrada de Jesús en Jerusalén | |
|---|---|
| |
 | |
| Información cheneral | |
| Establita | 1938 |
| Seu canonica | Ilesia de Santa Isabel de Portugal |
| Seu social | Colechio "El Pilar" HH. Maristas, Zaragoza |
| Cofadres | 707 |
| Pasos | 1 |
| Instrumentos | Tambors y carraclas |
| Uniforme | Caperucha azul y tunica blanca |
| Web | www.cofradialaentrada.com |
A Cofradía de la Entrada de Jesús en Jerusalén (en aragonés Cofadría d'a Dentrata de Chesús en Cherusalem) ye una cofadría d'a Semana Santa zaragozana.
Historia
[editar | modificar o codigo]A cofadría estió establita en l'anyo 1938 por beluns d'os portiadors que levaban l'antigo paso d'Antonio Palo que estió cremato en 1935 mientres a Segunda Republica. Istos primers cofadres teneban relación con os bancos y caixas d'estalvios de Zaragoza. A l'anyo siguient salioron sin l'habito en a procesión d'o Santo Entierro, o 7 d'abril de 1939, y dos anyos dimpués salioron o Domingo de Ramos ya con l'actual habito d'a cofadría.
En os primers anyos 1960 a cofadría prencipia as chestions con cuantos colechios de Zaragoza, ya que no bi heba prous cofadres d'entre os treballadors de caixas y bancos de Zaragoza. D'ista traza en 1964 a cofadría s'integra en o colechio d'os Maristas, prencipiando dende iste anyo a procesión de Domingo de Ramos en o colechio. A l'anyo siguient, en 1965, se creya la sección de tambors.
Dende 1969 tamién as mullers fan parte d'a cofadría con os mesmos dreitos que os hombres y en 1973 se creya la sección de bombos.
A prencipios d'os anyos 1980 se cambea la salita d'a procesión de Ramos ta la Seu, anque dende 1988 por as obras de restauración se sale dende Sant Caitano.
Pasos
[editar | modificar o codigo]
- La Entrada de Jesús en Jerusalén: conoixita popularment como La Burreta ye obra d'os chirmans Albareda de l'anyo 1940. O paso ye feito con fusta de Flandres. I apareixen nueu feguras, entre as que destacan una mai que devanta a lo suyo fillo y Chesús amontato en una burreta.
Uniforme y emblema
[editar | modificar o codigo]L'habito d'a cofadría ye una tunica blanca con dos franchas azuls verticals en a parti debantera. En a capeza caperucho azul, fueras d'os cargos procesionals, portiadors y bombos que levan tercerol blanco con antifaz azul y a sección infantil que leva bonet romano azul. Guants de color negra.
O emblema ye una columna de plata coronata, que ye o Santo Pilar, con una cruz de San Chaime de gules dencima, tot rodiato por dos palmas. En a base o lión, simbolo d'a ciudat de Zaragoza.
| |
|
Calvario · Columna · Coronación · Crucifixión · Descendimiento · Despojado · Dolorosa · Ecce-Homo · Entrada · Esclavas · Eucaristía · Exaltación · Huerto · Humildad · Humillación · Llegada · Nazareno · Piedad · Prendimiento · Resucitado · Sangre de Cristo · Siete Palabras · Silencio · Verónica | |
Datos: Q29960742
Multimedia: Cofradía de la Entrada de Jesús en Jerusalén (Zaragoza) / Q29960742