Real y Calasancia Cofradía del Prendimiento del Señor y el Dolor de la Madre de Dios

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Real y Calasancia Cofradía del Prendimiento del Señor y el Dolor de la Madre de Dios

Información cheneral
Establita 1947
Seu canonica Ilesia de Sant Tomás d'Aquino
Seu social Escuelas Pías (Zaragoza)
Cofadres 1162
Pasos 3
Instrumentos Tambors, timbals, bombos y cornetas
Uniforme Tunica y caperucho azul marín, capa blanca
Web prendimientoescolapio.com

A Real Cofradía del Prendimiento del Señor y el Dolor de la Madre de Dios (en aragonés Reyal Cofadría d'o Prendimiento d'o Sinyor y o Dolor d'a Mai de Dios) ye una cofadría d'a Semana Santa zaragozana.

Historia[editar | modificar o codigo]

Establita en 1947 por 136 antigos alumnos d'as Escuelas Pías, estió lo 2 d'abril de 1947 cuan se fació a primera imposición d'habitos, estando D. Gregorio Soriano chermano mayor. A primera procesión se celebró ixe mesmo Miercoles Santo dende a ilesia de Sant Valero en As Delicias dica o colechio d'os escolapios, a on se cullió lo paso d'o Prendimiento, propiedat d'a Sangre de Cristo, y se levó ta la ilesia de Santa Isabel de Portugal.

En l'anyo 1950 se fació una trobada con as cofadrías d'a Dolorosa y Jesús Camino del Calvario en a carrera Alfonso.

A imachen d'a Virchen Dolorosa s'encorporá a las procesions d'a cofadría en 1952 cedita por os PP.Escolapios con un manto feito por as Mais Carmelitas. A l'anyo siguient, en 1953 se creya la sección de tambors, con siet d'istos estrumentos, dos timbals y un bombo.

En 1976 l'Arcebispato de Zaragoza permite que as mullers dentren en a cofadría como miembros con toz os dreitos. Tamién dende ista anyada sale a procesión dende o Colechio Calasancio en a carrera Sevilla.

S'encorpora en l'anyo 1993 o tercer paso d'a cofadría, o Jesús Prendido. En noviembre de 2003 acayeció unatro feito historico ta la cofadría, cuan o rei Chuan Carlos I estió nombrato Chermano Mayor Onorario y dende allora la cofadría tien o títol de Reyal.

Dende 2005 se fa la "Procesión d'a Dolor" salindo d'o Colechio de Pompilianas dica la seu d'a cofadría.

Pasos[editar | modificar o codigo]

El Prendimiento
Jesús Cautivo
El Dolor de la Madre de Dios.
  • El Prendimiento, de José Alegre, 1847. Formata por ueito feguras, i apareixen Malco con a orella tallata, Pero con a espata y a man, Chudas dando-le a Chesús o beso, y a resta de personaches son soldatos romanos que preneban a Chesús. Representa l'inte d'o beso de Chudas. Basato en a serie de gravatos "A Pasión de Cristo" feita por Hieronymus Wierix entre 1570 y 1580.
  • Jesús Cautivo u "Jesús Prendido" ye obra de l'Arte Cristiano d'Olot (Chirona). Copia d'una atra de José Llimona y Bruguera (1864 - 1934), pesa 50 kg y tien una altaria de 1,80 m. Representa a Chesús solenco dimpués d'a traiduría de Chudas. Leva una tunica esgarrata y as mans ligatas. A os dos cantos d'a fegura de Chesús bi ha dos anchels que levan farols. A primera vegata que salió en procesión estió en 1993, con a sección infantil d'estrumentos.
  • El Dolor de la Madre de Dios ye obra d'o escultor zaragozano Carlos Palao Ortubia, antigo alumno d'o colechio d'os Escolapios de Zaragoza. Feita en l'anyo 1900, anyo dende que se venera la imachen en a ilesia de Sant Tomás d'Aquino d'os Escolapios. Ye de fusta policromata y tien una altaria de 1,32 m, l'autor nomás fació a capeza y as mans. Leba siet espatas trescruzando lo suyo corazón y identificando a la Mai d'o Salvador. O suyo vestito, inspirato en modelos barrocos, lo facioron as relichiosas Terciarias Carmelitas de Zaragoza y ye negro bordato en seda y oro. A la corona orichinal de plata, igual que a que levaba Sant Chusep de Calasanz en as ocasions importants, li se metioron dimpués brilants y doce estrelas de plata. A imachen sale en as procesions d'a cofadría dende l'anyo 1952.

Uniforme y emblema[editar | modificar o codigo]

A tunica y o caperucho, con o emblema d'a cofadría, son azul marín. Levan antimás capa blanca.

O emblema ye un cordón dople nyudato en a parti inferior, que ye a cuerda que puyó a Chesús ta la Cruz. Aintro d'o cordón apareixe o simbolo escolapio de María con as letras griecas Μ-Ρ y Θ-Υ (en griego Μητηρ Θεου/Meter Theou, significa "Mai de Dios"). En o cobaixo un corazón royo con siet cutiellos blancos.


 
Cofadrías de Zaragoza

Calvario · Columna · Coronación · Crucifixión · Descendimiento · Despojado · Dolorosa · Ecce-Homo · Entrada · Esclavas · Eucaristía · Exaltación · Huerto · Humildad · Humillación · Llegada · Nazareno · Piedad · Prendimiento · Resucitado · Sangre de Cristo · Siete Palabras · Silencio · Verónica