BSH
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| BSH GmbH | |
|---|---|
 | |
| Datos chenerals | |
| Eslogan | ' |
| Establimiento | 1967 |
| Localización | Carl-Wery-Straße 34, D-81739  Múnich, Alemanya
|
| Enfiladors | {{{enfiladors}}} |
| Industria | Electrodomesticos |
| Productos | Cocinas, lavaderas, ixugaderas, lavadors, fornos, chicoz electrodomesticos |
| Beneficios | 8,4 billons € |
| Emplegatos | mas de 40.000 |
| Pachina web | |
| Pachina web | www.bsh-group.es/ |
| {{{twitter}}} | |
| {{{facebook}}} | |
BSH, siglas de BSH Hausgeräte GmbH, ye una joint venture entre Robert Bosch GmbH Stuttgart y Siemens AG Múnich. Ye líder d'o mercato d'electrodomesticos en Europa Occidental. As marcas prencipals baixo as que comercializa os suyos productos son Bosch y Siemens. Atras marcas d'o grupo son Gaggenau, Neff, Thermador, Constructa, Viva, Junker, y Ufesa (marcas especials) y Balay, Lynx, Pitsos, Profilo, Continental y Coldex (marcas rechionals).
A interpresa, establita en 1967, tien 40.000 treballadors y unas vendas de 8.400 millons d'euros (2010).
Historia[editar | modificar o codigo]
BSH Hausgeräte GmbH (d'antis mas Bosch-Siemens Hausgeräte GmbH - BSHG) naixió en 1967 como una joint-venture entre as interpresas alemanas Robert Bosch GmbH y Siemens AG. Por ixas envueltas BSH teneba fabricas en Berlín, Giengen y Traunreut. En 1976 BSH mercó a interpresa griega PitsosPitsos A.E., con seu en Atenas (hue BSH Ikiakes Syskeveses A.B.E.), pasando a tener dos nuevas fabricas, una en Atenas y un atra nueva en Dillingen.
En l'anyo 1982 BSH mercó a interpresa Neff y establió Neff GmbH en Múnich. Se creyó una nueva fabrica en a localidat alemana de Bretten. En l'anyo 1988/89 BSH merca a interpresa aragonesa Balay, S.A., con seu en Zaragoza y a navarra Safel, S.A., con seu en Pamplona, enamplando asinas o numero de fabricas con nuevas factorías en Estella, Pamplona, Santander y Zaragoza.
BSH dentró en o negocio d'os chicoz electrodomesticos en l'anyo 1993, cuan mercó a interpresa MGA Mali Gospodinski Aparati d.o.o., con seu en Nazarje, Eslovenia. En l'anyo 1994 a interpresa enampla as suyas operacions enta China, creyando BSW Household Appliances Co., Ltd., como una joint-venture con o grupo Wuxi Little Swan y prencipiando a fabricar lavaderas en a ciudat de Wuxi. Amás, en Alemanya mercó a interpresa Gaggenau Hausgeräte GmbH. En Brasil BSH mercó ixe mesmo anyo a interpresa brasilera de electrodomesticos Continental 2001 S/A con seu en São Paulo, y hue BSH Continental Eletrodomésticos Ltda. Con istas adquisicions consiguió fabricas en Ciudat de Mexico, Recife, São Paulo y Wuxi.
En 1995 BSH mercó a mayor parti d'a interpresa turca PEG Profilo Elektrikli Gereçler Sanayii A.Ş. en Istanbul. Asinas prencipió tamién a suya producción en Turquía en a fabrica de Çerkezköy. Tanimientres en Alemanya s'establió una nueva factoría en a localidat de Nauen.
En 1996 s'establió en China BSY Cooling Appliances Co., Ltd, actualment BSH Home Appliances Co., Ltd. En a ciudat chinesa de Chuzhou se prencipioron a fabricar y distribuir refricheradors. D'atra man, ixe mesmo anyo s'adquirió en Peru a mayor parti d'a interpresa de electrodomesticos Coldex, S.A. D'ista traza s'enamplo a lista de fabricas con as nuevas eb Chuzhou (China) y Lima (Peru), amás d'un atra nueva en Bad Neustadt (Alemanya).
En 1997 BSH d'expandió mas que mas enta os Estaus Unius. Se creyó BSH Home Appliances Ltd. en New Bern, establindo-se tamién en ista localidat una fabrica. A l'anyo siguient, en 1998 se mercó a marca americana Thermador que teneba a suya seu en Huntington Beach. En Regensburg y Michalovce se merca EDS Electronics, Drives and Systems y en Espanya se fa o mesmo con a interpresa de chicoz electrodomesticos Ufesa. En ixas envueltas se construyirán tamién nuevas fabricas en Polonia (Łódź), Rusia (Tschernogolowka), Eslovaquia (Michalovce), Espanya (Vitoria, Echarri-Aranaz) y Estaus Unius (La Follette, Vernon).
En 2001 naixe en Kabinburi, Tailandia BHST Washing Appliances Ltd. como joint-venture con o grupo Hitachi. En 2002 s'ubre una nueva fabrica en Tailandia. Amás se creya una nueva planta ta fabricar lavaderas en New Bern (Estaus Unius) y un atra ta producir lavadors en Łódź (Polonia).
En 2003 prencipia a producción de fornos en Estaus Unius, asinas como a fabricación de lavaderas y ixugaderas. Tamién por ixas envueltas s'inaugura una nueva seu corporativa en München-Neuperlach. Un anyo dimpués, en 2004 prencipia a producción d'aparatos d'aire acondicionato en a fabrica d'Estella, en Navarra. Ixe mesmo anyo se mete a primera piedra ta construyir una nueva fabrica d'ixugaderas en Łódź, Polonia.
En 2005 BSH prencipia un prochecto ta construyir en Strelna amán de Sant Petersburgo (Rusia) una nueva fabrica de frigorificos y concheladors. Por ixas envueltas prencipia a construyir-se una nueva fabrica en Nanjing (China) y s'ubre a fabrica d'ixugaderas de Łódź (Polonia). En 2006 prencipia en Çerkezköy (Turquía) a producción de lavadors. En l'anyo 2007 s'ubre a fabrica de frigorificos y concheladors en Rusia y se mete a primera piedra ta una nueva fabrica de lavaderas en Sant Petersburgo.
En l'anyo 2011 s'ubrió o nuevo centro de tecnolochías (Technopark) en Berlin. Iste centro de tecnolochías se troba situato en o barrio de Berlín-Gartenfeld.
Fabricas y seus[editar | modificar o codigo]
BSH tien seus en mas de 40 países y 41 fabricas distribuitas en Alemanya, Grecia, Espanya, Eslovenia, Francia, China, Turquía, Estaus Unius, Perú, Polonia, Rusia, Eslovaquia y Tailandia.
Seus[editar | modificar o codigo]
Bi ha 45 seus de BSH en tot o mundo. A seu central d'a interpresa se troba en Múnich, Alemanya.
.svg){kind=small}
Fabricas[editar | modificar o codigo]
As 41 fabricas se dividen en 6 categorías: cocción, a on se fabrican fornos y encimeras; lavadors; lavato, a on se fabrican lavaderas y ixugaderas; refricheración, a on se fabrican frigorificos y concheladors; chicoz electrodomesticos y fabricas de motors y bombas ta os diferents aparatos.
