Perú

Republica de Perú República del Perú¹
(En detalle) (En detalle)
Lema nacional: Cerenyo y goyoso por a unión
Himno nacional: Himno Nacional del Perú
Situación de Perú
Capital  • Población  • Coordenatas	Lima 8.043.521 (2004) 12°02′ S 77°01′ O
Mayor ciudat	Lima
Idiomas oficials	Castellano, quichua², aimara² y as atras luengas locals²
Forma de gubierno President Primer ministro	Republica presidencialista José Jerí Eduardo Arana Ysa
Independencia   Declarata   Reconoixita	d'Espanya 28 de chulio de 1821 9 d'aviento de 1824
Superficie  • Total  • % augua Mugas Costas	Posición 19º 1.285.215,6 km² 0,4% 5.536 km 2.414 km
Población  • Total	Posición 38º 33 726 000
PIB (PPA)  • Total (2005)  • PIB per capita	Posición 48º US$ 164.110.000.000 US$ 5.594
Moneda	Nuevo sol (S/.) (PEN)
Chentilicio	Peruano/a
Zona horaria  • en Verano	UTC-5 UTC-5
Dominio d'Internet	.pe
Codigo telefonico	+51
Prefixo radiofonico	OAA-OCZ 4TA-4TZ
Codigo ISO	604 PER PE
Miembro de: ONU, OEA, APEC, CAN, Mercosur3, CSN, ALADI, SELA
¹ República Peruana dica 1979. ² En as zonas an que predominan. 3 Ligau.

A Republica de Perú (Perú en castellano, Piruw en quichua y aymara) ye un estau que se troba situau en Sudamerica occidental, chunto a l'oceano Pacifico. Muga a lo norte con Ecuador y Colombia, a l'este con Brasil y Bolivia, a lo sud con Bolivia y Chile y a l'ueste con o dito oceano Pacifico.

A suya población ye de 33 726 000 habitants en una superficie d'1.285.215,6 km², con una densidat de población de 22,86 hab/km². A capital d'o país ye Lima.

Cheografía

Cheograficament, ye un país con una orografía difícil, dominada por a cordelera d'os Andes, que divide o país entre la cuenca hidrolochica de l'oceano Pacifico y a cuenca d'o río Amazonas, que desaugua en l'oceano Atlantico.

Clima

A combinación de latitut tropical, cordeleras montanyosas, variacions topograficas y dos corrients oceanicas (Humboldt y El Niño) li da a Perú una gran diversidat de climas. As rechions costeras tienen temperaturas moderadas, poca precipitación y muita humedat, fueras d'os puestos mas calidos y humidos d'o norte. En as rechions montanyosas, as plevidas son frecuents de verano, y la temperatura y l'humedat disminuyen con l'altaria dica las tucas cheladas d'os Andes. L'Amazonas peruano se caracteriza per fuertes plevidas y altas temperaturas, fueras d'a suya parti mas austral, que presenta hibiernos fredos y plevidas estacionals.

Organización politico-administrativa

Departamentos

Perú se divide en 25 departamentos (a vegadas ditos impropiament "rechions", amás d'a provincia de Lima. As rechions se subdividen en provincias, que se componen de districtos. I hai 196 provincias y 1.869 districtos en Perú.

As rechions de Perú.

Departamento	Capital	Superficie (km²)	Población	Densidat (hab/km²)	Posición
Amazonas	Chachapoyas	39 249	389 700	9,9
Ancash	Huaraz	35 914	1 039 415	28,9
Apurímac	Abancay	20 896	418 882	20,0
Arequipa	Arequipa	63 345	1 140 810	18,0
Ayacucho	Ayacucho	43 815	619 338	14,1
Cajamarca	Cajamarca	33 318	1 359 023	40,8
Callao	Callao	147	810 568	5.514,8
Cuzco	Cuzco	71 986	1 171 503	16,3
Huancavelica	Huancavelica	22 131	447 054	20,2
Huánuco	Huánuco	36 849	730 871	19,8
Ica	Ica	21 328	665 592	31,2
Junín	Huancayo	37 667	1 091 619	29,0
La Libertad	Trujillo	25 500	1 539 774	60,4
Lambayeque	Chiclayo	14 231	1 091 535	76,7
Lima	Huacho	34 802	864 853	24,9
Loreto	Iquitos	368 852	884 144	2,4
Madre de Dios	Puerto Maldonado	85 301	92 024	1,1
Moquegua	Moquegua	15 734	159 306	10,1
Pasco	Cerro de Pasco	25 320	266 764	10,5
Piura	Piura	35 892	1 630 772	45,4
Puno	Puno	66 997	1 245 508	18,6
San Martín	Moyobamba	51 253	669 973	13,1
Tacna	Tacna	16 076	274 496	17,1
Tumbes	Tumbes	4 046	191 713	47,4
Ucayali	Pucallpa	101 831	402 445	4,0

Diez ciudaz mas importants

As diez ciudaz mas importants de Perú son:

Posición	Nombre	Población en 2017
1	Lima	9.562.280
2	Arequipa	1.008.290
3	Trujillo	919.899
4	Chiclayo	552.508
5	Piura	473.025
6	Huancayo	456.250
7	Cusco	428.450
8	Chimbote	381.513
9	Iquitos	377.609
10	Tacna	293.119

Cheografía humana y sociedat

Etnografía

Perú, como muitos atros países d'America Latina, ye etnicament un país bien variau. Sindembargo, resulta difícil establir porcentaches exactos a grupos etnicos, ya que la definición de raza no ye equivalent a la d'etnia, especialment en o caso de Perú, a on como parte d'o proceso de dominación espanyola, s'ha observau un fuerte fenomeno d'asimilación muit dinamica a la cultura criollo-mestiza de corte occidental.

Parla

Son idiomas oficials o castellano, lo quichua, l'aimara y as atras luengas locals a on sían mayoritarias.

En Perú bi ha una estimación de mas de 50 lenguas vernaclas, anque la lengua charrada por a mayoria d'a población ye lo castellano. Entre las lenguas indichenas cal destacar o quichua, charrau mas que mas en os Andes por mas d'un 13 % d'a población, y l'aimara, charrau en l'Amazonía, entre d'atras muchas lenguas que bi ha en ista zona. En as zonas rurals bi ha una important parti d'a población que ye multilingue, estando en as grans ciudaz a on predomina a población monolingüe de castellano.

Gastronomía

• Ta mas detalles, veyer l'articlo Gastronomía de Perúveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

O ceviche ye un marinau, de pescau u carne, en citricos muito popular.

A cocina peruana ye considerada la mas variada d'o mundo, tien o récord Guiness a la mayor variedat y diversidat de platos tipicos en o mundo (491); entremistanto, s'ha rechistrau mas de dos mil sopas diferents nomás en a costa y mas de doscientos cincuanta postres tradicionals a livel nacional. A formación d'a gastronomía peruana refleixa lo mestizache que a lo largo d'os sieglos ha modelau a cultura peruana.

Os platos mas representativos son o ceviche en a costa, a pachamanca en a sierra y lo juane en a selva. En l'ambito d'as bebidas, destaca lo pisco, a chicha de jora, o masato y la Inca Kola.

Esporte

• Ta mas detalles, veyer l'articlo Esporte en Perúveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

La practica d'o esporte en o territorio peruano se remonta a las civilizacions andinas, con a practica d'esportes rituals, con a plegada d'os espanyols a este territorio a practica d'o esporte cambió radicalment introducindo actividaz esportivas propias de l'Imperio espanyol como a bocha, as corridas de toros y atras que mesmo se mescloron con as tradicionals.

En la actualidad o Instituto Peruano del Deporte ye a lo cudiau de recibir y repartir o presupuesto que o gubierno asigna a l'aria de esportes, a fin de dividir-lo entre todas as federacions y organismos afíns a la practica esportiva.

Perú en os Chuegos Olimpicos

• Perú en os Chuegos Olimpicos.

En Perú o Comité Olimpico Peruano, creau lo 9 d'octubre de 1924, ye l'encargau d'organizar y de reglamentar a representación d'os esportistas que participan en os Chuegos Olimpicos, Panamericanos y Chuegos Bolivarianos.

Fació lo suyo debut en os Chuegos Olimpicos de Verano en a edición de 1900 en a ciudat de París, con una delegación componida per un solo competidor que participó en esgrima.​ Dende os Chuegos Olimpicos de Melbourne 1956 lo país ha participau en todas as edicions d'os chuegos y en o suyo historial conta con una medalla d'oro (en tiro) y tres medallas d'archent (una en voleibol y dos en tiro).

Respective a os Chuegos Olimpicos d'Hibierno, o país participó per primera vegada en a edición de 2010 en a ciudat de Vancouver, con un equipo componiu per tres atletas que participoron en esquí alpín y esquí de fundo.

Vinclos externos

• Se veigan as imáchens de Commons sobre Peru.

• Datos: Q419
• Multimedia: Peru / Q419