Bruselas

De Biquipedia
Ir a la navegación Ir a la búsqueda
Articlo d'os 1000
Bruselas
Bruxelles
Brussel
Brüssel
Localidat de Belchica
Bandera Escudo d'armas
Bruxelas
Bruselas de nueitz con a torre d'a Casa d'a Ciudat.
Estau
 • Rechión
Flag of Belgium.svg Belchica
Bruselas-Capital
Superficie 32,61 km²
Población
 • Total
 • Densidat

176545 hab. (2013)
5.169 hab/km²
Altaria
 • Meyana

13 m.
Alcalde Philippe Close
Codigo postal 1000, 1020, 1030, 1040, 1050, 1060, 1120, 1130
Ríos Senne
Coordenadas
Bruselas ubicada en Belchica
Bruselas
Bruselas
Bruselas en Belchica
http://www.bruxelles.be/, https://www.brussel.be/, http://www.brucity.be/ Web oficial

Bruselas (Bruxelles en francés, Brussel en neerlandés, Brüssel en alemán) ye una ciudat de Belchica, que ye a suya capital; ye tamién a capital d'a rechión de Bruselas-Capital y, amás a más, d'a Unión Europea y d'a OTAN. Como capital d'o Estau, Bruselas ye a siede d'o gubierno de Belchica y o Parlamento. Alberga tamién, o Castillo de Laeken, residencia d'o rei Felipe de Belchica y a familia real belga.

A ciudat de Bruselas tien una superficie de 32,61 km², una población de 168.576 habitants en 2013 y una densidat de población de 5169 hab/km² (2013).

Fa parte d'a Organización d'as Ciudatz d'o Patrimonio d'a Humanidat.

Toponimia[editar | modificar o codigo]

En o lexico comercial aragonés d'o sieglo XV s'escribiba Bruxeles (en Monzón), Bruxellyas (en Uesca)[1] u Bruxellas.

Historia[editar | modificar o codigo]

A ciudat de Bruselas ya existiba en o sieglo VII, pero a suya importancia naixió con os contes de Lovaina, que en facioron lur capital. Situata en a val d'o río Senne, afluent d'o río Escalda, estió un important centro comercial, dentrando en o sieglo XIII en o Ligallo Hanseatico.

Estió tamién a capital d'os territorios espanyols en os Países Baixos espanyols y Flandres, y tamién estió a capital d'os territorios d'os Países Baixos austriacos dimpués d'a Guerra de Succesión Espanyola. En 1815, dimpués d'o Congreso de Viena, s'encorporó a os neerlandeses, dica a independencia de Belchica en 1830, anyo en que esdevenió a capital d'o nuevo estato.

En a Primera Guerra Mundial, a ocuporon as tropas d'o Imperio alemán y en a Segunda Guerra Mundial as tropas d'o Tercer Reich.

Con a creyación d'a Unión Europea en a segunda metat d'o sieglo XX, pasó a estar a capital d'ista institución.

Esportes[editar | modificar o codigo]

Os esportes mas populars en Bruselas son os mesmos que o resto d'o país, o ciclismo, a natación, o fútbol y o tenis. A ciudat ye un caso rarizo dentre as grans capitals europeas por que en l'actualidat no tién garra club de fútbol important a libel internacional.

Instalacions esportivas[editar | modificar o codigo]

A prencipal instalación esportiva d'a ciudat ye l'Estadio Rey Balduino, conoixiu popular y tradicionalment como Estadio de Heysel, a on dende a suya inaguración en l'anyo 1930 s'han feito muitos esdevimientos esportivos importants, y conoixiu mundialment por a trachedia de Heysel, en a que o 29 de mayo de 1985 morioron 39 presonas y habió bells 600 ferius, a causa d'una avalancha d'aficionaus antis de principiar a final d'a Copa d'Europa que disputoron a Juventus y o Liverpool en a suya edición de 1985.

Escaicimientos esportivos[editar | modificar o codigo]

Bruselas ha estau seu de muitos esdevenimientos esportivos importants internacionalment como o Campionato Mundial de Ciclismo en Pista en a suya edición de 1930, qualques finals d'a Liga de Campiones d'Europa, d'a desapareixita Recopa d'Europa y bells partius d'as Eurocopas de fútbol de 1972 y 2000 como ciudat siede.

En ciclismo cal destacar a Brussels Cycling Classic (conoixita como París-Bruselas dica 2012) y o desapareixito Gran Premio Eddy Merckx, en homenache a o gran ciclista belga Eddy Merckx.

Localidatz achirmanatas[editar | modificar o codigo]

Referencias[editar | modificar o codigo]

  1. J Angel Sesma, Ángeles Líbano Léxico comercial en Aragón (Siglo XV) Institución Fernando el Católico, 1982

Vinclos externos[editar | modificar o codigo]


 
Municipios d'a rechión de Bruselas-Capital
Anderlecht | Auderghem | Berchem-Sainte-Agathe | Bruselas | Etterbeek | Evere | Forest | Ganshoren | Ixelles | Jette | Koekelberg | Molenbeek-Saint-Jean | Saint-Gilles | Saint-Josse-ten-Noode | Schaerbeek | Uccle | Watermael-Boitsfort | Woluwe-Saint-Lambert | Woluwe-Saint-Pierre