Viena

De Biquipedia
Ir a la navegación Ir a la búsqueda
Articlo d'os 1000
Viena
Wien
Wean
Ciudat estatutaria y estato d'Austria
Flag of Vienna (state).svg Escudo
Bandera Escudo
Karte AT Wien.svg
Mapa de situación en Austria
Entidat
 • Estato
 • Capital
Estato
Flag of Austria.svg Austria
Viena
Alcalde Michael Häupl
Superficie
 • Total

414,87 km²
Población
 • Total
 • Densidat
(2014)
1.793.667
4.280 hab/km²
Codigo ISO AT-9
http://www.vienna.at

Viena (en alemán Wien; en eslovaco Viedeň; en checo Vídeň; en croata y en serbio Beč; en hongaro Bécs; en esloveno Dunaj; en austro-baverán Wean) ye una ciudat y estato austriaco. Ye capital d'o país y ye rodiata de tot por o estato d'a Baixa Austria.

A suya población ye d'1.631.082 habitants en una superficie de 414,90 km², con una densidat de población de 3.931 hab/km². Ye asinas a ciudat d'o país con mas habitants. Fa parte d'a Organización d'as Ciudatz d'o Patrimonio d'a Humanidat.

Ye seu de diverses companyías y institucions internacionals, entre atras a OSCE, a OPEP y quantas achencias d'as Nacions Unitas, asinas como l'Achencia Internacional d'a Enerchía Atomica. Cada anyo, l'1 de chinero se i celebra o Concierto d'Anyo Nuevo de Viena.

A ciudat tien una gran historia, ya que ye una d'as capitals mas antigas d'Europa, cosa que explica o suyo important patrimonio artistico. Mientres o sieglo XIX estió una d'as grans capitals musicals d'o mundo y en primerías d'o sieglo XX meca d'a filosofía y o debate politico d'occident, asinas como un d'os prencipals centros culturals mundials. En 2001, o centro d'a ciudat fue designato por a UNESCO Patrimonio d'a Humanitat.[1]

Amás d'estar considerata como a Ciudat d'a Musica,[2] por o suyo rico legato musical, Viena tamién ye conoixita como "A Ciudat d'os Suenios", ya que estió o puesto a on vivió Sigmund Freud,[3] neurologo considerato o pai d'o psicoanalís y a interpretación d'os suenios.

Os orichens d'a ciudat se troban en os primers asentamientos de celtas y romans que se transformoron en una ciudat medieval y barroca, convertindo-se en a capital d'o Imperio Austro-Hongaro. Ye bien conoixita por interpretar un papel esencial como centro de musica líder en Europa, a partir d'a gran epoca d'o clasicismo vienés a traviés d'a primera parti d'o sieglo XIX. O centro historico de Viena, ye rico en conchuntos arquitectonicos, encluyendo castiellos barrocs y chardins, asinas como a Ringstrasse de zaguerías d'o sieglo XIX plena de grans edificios, monumentos y parques.[4]

Diferents estudeos situgan a ciudat de Viena como una d'as ciudatz con millor calidat de vida d'o mundo: En un estudeo de 2005 en 127 ciudatz d'o mundo, The Economist Intelligence Unit la clasificó en primer puesto (empatata con Vancouver, Canadá) y en a enqüesta de 2011 sobre 140 ciudatz Viena ocupó o segundo puesto, por dezaga de Melbourne).[5][6][7] Mientres tres anyos consecutivos (2009-2011), a consultoría de recursos humans Mercer, la situga en o primer puesto en a suya enqüesta anyal sobre a "calidat de vida" feita en centenars de ciudatz arredol d'o mundo.[8][9][10]

Cada anyo dende 2005, Viena ha estato o destín numero un a ran mundial de congresos y convencions internacionals.[11] A ciudat atraye quasi cinco millons de toristas cada anyo.[12]

Viena.

Esporte[editar | modificar o codigo]

Exterior d'o Wiener Stadthalle.

Os dos clubs mas representativos d'a ciudat son clubs de fútbol, o Rapid de Viena y o FK Austria Viena, que participan en a Bundesliga d'Austria, y que internacionalment han participau en as grans competicones europeas, totz dos chugan lo clasico de Viena. Tamién cal destacar o BasketClubs Vienna que chuga en a Österreichische Basketball Bundesliga y que ha aconseguiu ganar una vegada. Hi habió atros clubs de baloncesto importants en Viena como o EK Engelmann que gano 9 vegatas a Österreichische Basketball Bundesliga pero ya desapareixió.

O esportista mas famoso ye o futbolista Matthias Sindelar que desafió a los nazis, celebró burlonamente una gol contra alemania y se negó a incorporar-se a la selección de l'Alemanya nazi de futbol por o que ye considerau un heroi en a suya ciudat y o suyo país. Un día amaneixió enverenau chunto a la suya muller y a suya muerte no fue nunca ni esclarida ni investigada.

Instalacions esportivas[editar | modificar o codigo]

Dentre as instalacions esportivas destaca o Ernst-Happel-Stadion, dedicau prencipalment ta partius de fútbol internacionals y prebas d'atletismo. Tamién cal destacar o Wiener Stadthalle o mayor poliesportivo cubierto d'a ciudat con capacidat ta 16.000 espectadors.

Competicions esportivas[editar | modificar o codigo]

A ciudat ye siede de muitos escayecimientos esportivos diferents incluyindo o Vienna City Marathon, o qual atraye mas de 10,000 participants cada anyo y normalment se fa en mayo.

En 2005 Austria organizó o Campionato d'o Mundo d'hockey sobre chelo y a final se chugó en Viena. Tamién fue una d'as siedes d'a Eurocopa de fútbol de 2008, chugando-se a final.

Galería d'Imachens[editar | modificar o codigo]


Presonalidatz naixitas de Viena[editar | modificar o codigo]

Vinclos externos[editar | modificar o codigo]

Referencias[editar | modificar o codigo]


Austria Bundesadler.svg Estaus d'Austria Flag of Austria.svg

Flag of Upper Austria (state).svg Alta AustriaFlag of Lower Austria (state).svg Baixa AustriaFlag of Burgenland (state).svg BurgenlandFlag of Carinthia (state).svg CarintiaFlag of Steiermark (state).svg EstiriaFlag of Salzburg (state).svg SalzburgoFlag of Tirol (state).svg TirolFlag of Vienna (state).svg VienaFlag of Vorarlberg (state).svg Vorarlberg