Neff

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Neff GmbH
Datos chenerals
Eslogan Screibt Küchengeschicte
Establimiento 1877
Localización Ruiter Straße 8, 75015 Bretten, Alemanya
Enfiladors {{{enfiladors}}}
Industria Electrodomesticos
Productos Cocinas, lavaderas, ixugaderas, lavadors, fornos, chicoz electrodomesticos
Beneficios
Emplegatos 1.300 en Alemanya
Pachina web
Pachina web www.neff.es
Twitter {{{twitter}}}
Facebook {{{facebook}}}

Neff GmbH ye una interpresa alemana que produce electrodomesticos, destinatos mas que mas a la gama mas alta d'o mercato.

Historia[editar | modificar o codigo]

A famosa cocina Arcus de 1957

Fue fundata en 1877 en Bretten, en Baden-Württemberg, por o ferrero Carl Andreas Neff como Carl Neff Herd- und Ofenfabrik[1], prencipió estando una chicota interpresa ta a fabricación de estufas de carbón.

Dimpués o nombre cambeó ta Neff-Werke GmbH, mientres o sieglo XX, enampló a suya producción a cocinas de gas y fornos electricos, industria en a que ascape se convirtió una d'as prencipals interpresas productoras en Europa, mas que mas en o periodo d'a postguerra, con a cocina modelo Arcus, que tenió un gran exito comercial.

En istos anyos creixió en termins d'empleatos, que pasoron de 40 en 1910 a 4.400 en 1967, anyo en que, a mas de dos fabricas en Bretten, a interpresa en teneba atras cuatre (Bruchsal, Rinklingen y Ittlingen), y produciba anyalment alto u baixo 500.000 aparatos[1].

En 1969 Neff dentró en a orbita d'o coloso AEG-Telefunken, y cambeó o nombre por Carl Neff GmbH[1]. En os anyos 1970-1980, a crisi que bi habió en AEG-Telefunken fació que se forachitasen a-saber-los treballadors[2]. En 1982 a interpresa fue mercata de tot por BSH Hausgeräte GmbH, grupo d'o que encara hue ye propiedat.

Atros datos[editar | modificar o codigo]

Interpresa d'o Grupo BSH, Neff tien 1.300 empleatos[3] y en a fabrica de Bretten se producen fornos, maquinas de café, cocinas vitroceramicas, campanas extractoras, frigorificos, concheladors, lavados, lavaderas y ixugaderas, prochectatas en a central de Múnich.

En Zaragoza se fabrican cocinas d'inducción en a fabrica de Montanyana

Notas[editar | modificar o codigo]

  1. 1,0 1,1 1,2 (de) Cfr. C. Baudras, Bedienungsanleitungen im Wandel, LIT Verlag Münster, 2005, pp. 13-14
  2. (de) Biografía de Alfred Heinrich Neff en Deutsche Biographie
  3. (de) Neff en Kundendienst-info.de

Vinclos externos[editar | modificar o codigo]