Auckland

De Biquipedia
Ir a la navegación Ir a la búsqueda
Auckland
Tāmaki-makau-rau
Localidat de Nueva Zelanda
Escudo d'armas
New Auckland Infobox Pic Montage 2.jpg
Estato
 • Rechión
 • Autoridat territorial
Flag of New Zealand.svg Nueva Zelanda
Rechión d'Auckland
Auckland Council
Superficie 559 km²
Población
 • Total
 • Densidat

1.294.000 hab. (2007)
1191,5 hab/km²
Altaria 76 m.
Coordenatas
36°50′26″S 174°44′24″E
Auckland en Nueva Zelanda
Auckland
Auckland
Situación de Auckland en Nueva Zelanda

Auckland (en maorí Tāmaki-makau-rau u Ākarana) ye una ciudat d'a isla Norte de Nueva Zelanda, a más gran d'o país por población. A ciutat dica 2010 se dividiba en quatre ciudatz diferents: Auckland City, Waitakere, North Shore y Manukau; en l'anyo 2010 s'unioron ta formar una sola ciudat. L'aria metropolitana d'Auckland u Gran Auckland —conoixida en anglés como Auckland metropolitan area u Greater Auckland— ye a mayor d'o país, asínas como o mayor nuclio de población d'o sud de l'Pacifico, contando con mas de 1,3 millons d'habitants, mas d'una quarta parti d'a población d'o país, y con un creiximiento mayor que o d'a resta d'o estau. Encara que Wellington ye a capital de Nueva Zelanda, Auckland ye a ciudat mas poblada y, de feito, a capital economica d'o país. Auckland ye a la vegada a capital d'a rechión homonima.

En si mesma, ye una connurbación formada por a propia ciudat d'Auckland, u Auckland City, (excluyindo as islas d'o golfo de Hauraki), North Shore City y as partis urbanas d'as ciudatz de Waitakere, Manukau y os districtos de Papakura, Rodney y Franklin.

Auckland ye situada entre o golfo d'Hauraki a l'este (ubierto a o Pacifico), os tozals d'Hunua Ranges a o sudeste, o puert de Manukau a o sudueste (ubierto a la mar de Tasmania) y a val de Waitakere a l'ueste y a o norueste. A parti central d'a connurbación ocupa o estreito itsmo entre os puertos de Manukau y Waitemata. Ye una d'as pocas ciudatz d'o mundo que dispone de dos puertos en dos cuerpos d'augua distintos. A o norte se troba a península de Whangaparaoa y a o sud as Bombay Hills.

Ye a seu d'a Confederación de Fútbol d'Oceanía.

Vinclos externos[editar | editar código]