Bucarest

De Biquipedia
Ir ta: navego, busca
Bucarest
Bucureşti
Localidat de Rumanía
Bandera Escudo d'armas

Diferents imachens de Bucarest.
Estato
 • Judeţ
Flag of Romania.svg Rumanía
Bucarest
Superficie 228 km²
Población
 • Total

1.628.426 hab. (2011)
Altaria 60-90 m.
Ríos Dâmboviţa
www.Pmb.ro

Bucarest (en rumán /bu.kuˈreʃtʲ/ Bucureşti) ye una ciudat de Rumanía, que ye a suya capital.

A suya población ye de 1.628.426[1] habitants (2011) en una superficie de 228 km², con una densidat de población de 7.142 hab/km².

Historia[editar | editar código]

Seguntes a leyenda, se diz que Bucarest fue establita por un pastor de nombre Bucur (alegría en rumán). Sindembargo, a ciudat fue establita en o sieglo XIV por Mircea I de Vlaquia ("Mircea lo viello") dimpués de redotar a os otomans.

En 1459, Bucarest yera a residencia de Vlad III lo Empalador (Vlad Ţepeş), pero dica o reinato de Radu II (1462-1475) no se tresladó a seu d'a cort de verano de Vlaquia t'a ciudat, que esdevenió asinas a capital de l'estato vlaco.

En 1595 os turcos cremoron a ciudat, que fue reconstruita dimpués; o suyo centro en ixas envueltas yera a carrera d'Uliţa mare, que dende 1589 yera clamata d'os Lipscani, por o nombre d'os naixitos d'a ciudat de Leipzig en Alemanya, que bi teneban comercios. Dende o sieglo XVII Bucarest esdevenió centro economico de Vlaquia, y en 1698, con Constantin Brâncoveanu, esdevenió o centro y capital d'o prencipato de Vlaquia.

En a primera mitad d'o sieglo XIX se disputoron a posesión d'o territorio o Imperio Austro-Hongaro, o Imperio Otomán y o Imperio Ruso. Asinas, en Bucarest bi habió una guarnición melitar d'o Exercito austriaco en 1854, que forachitoron a l'Exercito ruso, que bi yera dende 1853.

En 1861, quan s'unioron o prencipato de Vlaquia y o prencipato de Moldavia ta formar o nuevo prencipato de Rumanía, Bucarest estió a capital d'o nuevo territorio, y con enchaquia d'ixo a población d'a ciudat crexió, imitando a la ciudat francesa de París; Bucarest yera clamata a chicota París.

O 6 d'aviento de 1916, mientres a Primera Guerra Mundial, dentroron en a ciudat as tropas d'as Potencias Centrals, y bi mantenioron a suya ocupación melitar dica a fin d'a guerra en 1918, y transferirioron a capitalidat ta Iaşi (Moldavia).

Mientres a Segunda Guerra Mundial Rumanía yera aliata con o Terzer Reich, y bi habió bombardeyos aerios de l'aviación d'os Aliatos.

En 1977 bi habió un tierratremo de 7,4 en a escala de Richter, con 1.500 victimas.

Esporte[editar | editar código]

O fútbol ye o esporte mes popular y practicato en Bucarest, quatre equipes d'ista ciudat (Steaua, Dinamo, Rapid and Sportul Studențesc) partecipan en a Liga 1, a primera división de fútbol en Rumania.

Vinclos externos[editar | editar código]

Referencias[editar | editar código]