Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Pitsos A.E. (en griego Πίτσος) ye una empresagriega d'electrodomesticos establita en Atenas en 1865 y que prencipió construyendo chicoz electrodomesticos y calentadors d'aceite. En 1959 se creyó una nueva fabrica a on se prencipioron a construyir frigorificos; dende alavez apostó por o desembolique y producción d'una gran variedat de electrodomesticos modernos, incluyindo televisions. Amás, por ixas envueltas, a empresa tamién produciba atros components d'o sector d'o metal, como por eixemplo chicoz cambions de tres ruedas. En 1976 a empresa fue mercata por BSH Hausgeräte GmbH, por lo que dende alavez fa parti d'o chigant alemán. En 1996 cambeo o suyo nombre enta "BSP A.B.E. Ikiakon Syskeyon". Gaggenau y Neff s'unioron a o grupo en 1998 y 2002 respectivament. Fa poquet, a empresa se tornó a renombrar como "BSH Electrodomesticos" (en griego "BSH Ikiakes Syskeves A.B.E"). Tien una posición destacata en o mercato griego d'os electrodomesticos, d'o que representa alto u baixo un 40% d'as vendas. Os suyos beneficios estioron de 308 millons d'euros en 2005.[1] Alto u baixo un tercio d'os beneficios totals vienen a traviés d'a exportación, mas que mas a Europa y a Orient Meyo.
A fabrica d'a empresa se troba actualment en a ciudat d'Atenas y tien un total 1.200 emplegatos.[2] Ye líder en o sector d'os electrodomesticos de linia blanca (como refricheradors, frigorificos y fornos y, una miqueta menos, en sistema de lavato) en Grecia con una producción de 400.000 unidaz por anyo, un 30% d'a cuals s'exportan.[3] A empresa fabrica productos que incorporan innovacions importants como as tecnolochías "No Frost" y "Super Frost" en os refricheradors u o sistema de limpieza por "pirolisis" en os fornos.
Atenas, Grecia
Datos: Q628644