Frigorifico

De Biquipedia
Ir a la navegación Ir a la búsqueda
Una nevera

Un frigorifico u nevera ye un electrodomestico que sirve pa conservar productos a una temperatura amanada a o punto de conchelación, por un regular alto u baixo a 4 °C.

Historia[editar | modificar o codigo]

O ser humán siempre ha buscau recursos pa conservar os alimentos y bien luego descubrió que a fredor en yera un buen conservador. A invención d'o frigorifico estió una revolución en os sistemas de conservación. Ye o puesto habitual a on se deixa o minchar fresco como a carne y as bebidas pa poder guardar-los a una temperatura que los conserve más tiempo en estar consumible. Tamién sirve como paso intermeyo pa desconchelar lo que bi ha almadazenau en o conchelador.[1]

Os primers frigorificos domesticos no funcionaban con electrecidat, se bi heba de ficar una barra de chelo que se vendeba en establimientos especializaus y quan se regalaba se'n heba de meter una atra y quitar-ne l'augua.

O inventor d'o frigorifico estió Charles Tellier en l'anyo 1876 y ixe mesmo anyo se podió transportar carne de Sudamerica enta Europa.

O liquido emplegau no ha estau siempre o mesmo: d'antis más s'emplegaban substancias que pudiban y yeran periglosas como l'amoniaco, dica que en l'anyo 1931 se fació servir por primera vegada un liquido dito freón que aparentment no cheneraba problemas. L'uso d'istas substancias s'implantó de manera cheneralizada dica que se descubrió que produciban efectos nefastos en a capa d'ozono. En 1992 Greenpeace promovió materials que no alterasen a capa d'ozono.

Funcionamiento[editar | modificar o codigo]

O funcionamento d'o frigorifico se basa en os fenomenos d'evaporación y condensación d'una substancia. Un liquido dito refricherant circula por un conducto que bi ha en o interior d'o frigorifico. Pa evaporar-se, o liquido absorbe calor y aire d'os alimentos d'o interior d'o frigorifico. O vapor que s'ha formau circula por os chicotz tubos finos en un compresor, que funciona a traviés d'un motor electrico, comprime o vapor, que s'enfria y se liqua pasando por o radiador que bi ha en o exterior d'o frigorifico. Ye en iste proceso que sale a l'exterior a calor que heba adquiriu iste liquido, que torna a fer iste proceso.

Referencias[editar | modificar o codigo]

  1. (ca) "Aliments a sol i serena". Xavier Valls. Sàpiens, Barcelona. Num. 122, noviembre de 2012. Pach. 22. ISSN 1695-2014