Articlo definiu en catalán

De Biquipedia
Ir a la navegación Ir a la búsqueda

L' articlo definiu en catalán tien dos oríchens basicos en o latín. En catalán antigo i heba dos zonas, una mes que mes oriental a on l'articlo derivaba d'IPSA, IPSE (como en sardo) y una mes que mes occidental a on l'articlo derivaba de ILLUM, ILLA como en a mayor parte d'as luengas neolatinas.

Articlo lo, los, la, les[editar | editar código]

Fa contracción dimpués d'as preposicions a, de, per: al, als, del, dels, pel y pels. Yera o primer sistema derivau de ILLUM, ILLA y s'emplegaba muito en catalán escrito medieval (por eixemplo en Tirant lo Blanc).[1] Encara s'emplega en catalán occidental, pero no ye cheneral ni en catalán nordoccidental ni en catalán valencián. Se da en comarcas entre Leida y Castellón de la Plana y en a mayor parte d'os lugars catalanoparlants d'Aragón.

Articlo el, els, la, les[editar | editar código]

Tamién fa contracción dimpués d'as preposicions a, als, del, dels. Ye un sistema que se considera derivau de l'anterior y se cheneralizó dende as metropolis de Barcelona y Valencia. Por estar prou cheneralizau en as zonas més pobladas y influyents ye o sistema que ha preso o catalán normativo. En os puestos on s'emplega este articlo se considera que l'articlo lo como neutro ye un castellanismo y que a forma el ye a que s'ha d'emplegar como de chenero neutro. Asinas emplegos prou estendillaus como lo mateix, lo millor d'això se consideran incorrectos y sustituibles por el mateix, el millor d'això. En zonas d'o valencián a on s'emplega el bi ha repuis d'emplego de lo como masculín y no se consideran incorrectas se consideran arcaismos.

Articlo so, es, sos, sa, ses u articlo salau[editar | editar código]

Gnome-searchtool.svg
Ta más detalles, veyer l'articlo Articlo salauveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

D'antes yera més común en catalán oriental, huei s'emplega només que en balear, alguerés, a costa de Chirona (charrar salau) y dos enclaus de Valencia. Se troba fosilizau en quantos toponimos estendillaus por a cheografía catalana, dende S'Agaró (en Castell-Platja d'Aro en o Baixo Empordán) dica Sant Martí Sarroca (en l'Alto Penedés, a on substituye a Larroca con l'articlo salau).

Emplego[editar | editar código]

L'uso de l'articlo definiu ye pareixiu a lo d'atras luengas romances occidentals. Los articlos definius se fan servir debant d'un substantivo como qualquecosa cheneral, determinada, bien conoixida por totz.

L'articlo definiu no se feba servir en la Edat Meya en casos en los que se fa servir l'actualidat. Como lo emplego de l'articlo definiu ha augmentau en las luengas romances quan estas luengas ya yeran individualizadas,[2] los emplegos respectivos no siempre coinciden.

Un emplego de l'articlo definiu diferent en catalán respecto de luengas vecinas como lo francés, l'aragonés y lo castellán ye con los meses.

  • A despit del febrer, pel març la garsa fa el niu i pon molt bé.

Lo catalán tamién se diferiencia de las luengas vecinas en fa servir muito l'articlo definiu con los anyos, mesmo desplazando lo emplego de la preposición.

  • El 1992 els Jocs Olímpics es van fer a Barcelona. u L'any 1992 els Jocs Olímpics es van fer a Barcelona.

Manimenos en ciertas variants como lo valencián s'emplega la preposición con articlo si se mete la palabra any y con o sin articlo en los atros casos:

  • En 1992 els Jocs Olímpics es van fer a Barcelona.
  • En el 1992 els Jocs Olímpics es van fer a Barcelona.
  • En l'any 1992 els Jocs Olímpics es van fer a Barcelona.

Referencias[editar | editar código]

  1. (ca) Artur Quintana: Gramàtica de la nostra llengua. Colección Pa de Casa, 3. Diputación General de Aragón.
  2. (es) Heinrich Lausberg: Lingüistica romanica. Tomo II morfología. Editorial Gredos.

Bibliografía[editar | editar código]


Os articlos definius en aragonés y atras romances
L'articlo definiu en galaico-portugués · l'articlo definiu en astur-leyonés · l'articlo definiu en castellán - l'articlo definiu en aragonés · l'articlo definiu en catalán · l'articlo definiu en occitán · l'articlo definiu en francés · l'articlo definiu en italián · l'articlo definiu en rumán


Gramatica d'o catalán
Fonetica Accentuación · Fonetica · Fonolochía
Morfolochía Adverbios · Articlos definius Articlo salau · Articlos indefinius · Chenero · Conchuncions · Determinants · Numerals · Numero · Pronombres (Pronombre presonal) · Pronombres adverbials · Prefixo · Sufixo · Preposicions · Verbos (Locucions verbals, Construccions verbo-nominals · Verbos incoativos)
Sintaxi Concordancia · Estilo directo · Estilo indirecto · Inversión · Negación · Sintagma adchectival · Sintagma nominal · Sintagma verbal · Orden de pronombres · Voz pasiva · Oracions de relativo · Oracions completivas · Oracions temporals · Oracions causals · Oracions finals · Oracions consecutivas · Oracions concesivas · Oracions condicionals · Oracions comparativas · Oracions con infinitivo
Lexicolochía Cultismos · Lexico (Americanismos · Arabismos · Aragonesismos · Castellanismos · Celtismos · Chermanismos · Escandinavismos · Superstrato francico · Galicismos · Goticismos · Helenismos · Italianismos · Leyonesismos · Lusismos · Mozarabismos · Neerlandismos · Occitanismos · Persismos · Tudesquismos · Turquismos) · Semicultismos
Ortografía Normas ortograficas d'o catalán