Conchugacions incoativas en catalán

De Biquipedia
(Reendrezato dende Verbos incoativos en catalán)
Ir a la navegación Ir a la búsqueda

Las conchugacions incoativas en catalán derivan de la conchugación incoativa en latín vulgar en -ĒSCERE. Se troban en uns pocos casos en la conchugación que acaba en -éixer / -èixer (coincidindo en qualques casos con l'aragonés), y en la més gran part de los casos en la tercera conchugación en catalán u conchugación que acaba en -ir, a on que predominan amplament.

Verbos incoativos de la conchugación que acaban en -éixer / -èixer son néixer, créixer, meréixer, paréixer.

Verbos de la conchugación en -ir que no se conchugan como incoativos bi'n ha pocos: bullir, collir, cosir, eixir, fugir, morir, obrir, omplir, sentir, tossir, beluns como tossir y cosir son irregulars con cambio d'O ta U, y belatros pueden conchugar-se como incoativos en la parla vulgar como sentir.

Bi ha verbos de la conchugación en -ir como llegir u mentir a on coexiste la traza incoativa con la traza orichinal (ell llegeix/ell llig).

Lo incremento verbal -ix- prene diferents formas seguntes los dialectos, y ye diferent en valencián (més pareixiu n'esto a lo catalán medieval escrito) respecto a lo estandard de Catalunya.

Verbos incoativos en catalán occidental[editar | editar código]

Lo estandard valencián mos sirve como referencia pa entender como son los verbos incoativos tamién en catalán nordoccidental, cambiando bell morfema personal de primera y tercera presona que diferencian estos dos grans grupos de parlas occidentals.

Present d'indicativo Present de subchuntivo
Servisc Servisca
Servixes Servisques
Servix Servisca
Servim Servim
Serviu Serviu
Servixen Servisquen

En catalán nordoccidental ye, con variants menors por lo que fa a pronunciar-lo, con X u S debant de lo fonema k:

Present d'indicativo Present de subchuntivo
Servixco Servixca
Servixes Servixques
Servix Servixque
Servim Servim
Serviu Serviu
Servixen Servixquen

En bella zona de lo catalán ribargozán, lo sufixo incoativo s'ha perdiu en lo mesmo proceso castellanizador que ha feito que se pierda en aragonés ribagorzán jo sirvo en cuenta de jo servixco.

Verbos incoativos en catalán oriental[editar | editar código]

Lo estandard que s'emplega en Catalunya reflecta una traza muito estendillada en catalán oriental. La E se pronuncia ubierta.

Present d'indicativo Present de subchuntivo
Serveixo Serveixi
Serveixes Serveixis
Serveix Serveixi
Servim Servim
Serviu Serviu
Serveixen Serveixin

En las Islas Balears lo estandard local ye diferent, y como en lo estandard valencián, reflecta una traza més pareixida a lo luengache medieval.

Referencias[editar | editar código]

Bibliografía[editar | editar código]


La conchugación de verbos incoativos en -ĒSCERE en latín vulgar y la suya evolución en luengas romances
La conchugación incoativa en latín vulgar | la conchugación incoativa en galaico-portugués | la conchugación incoativa en astur-leyonés | la conchugación incoativa en castellán | las conchugacions incoativas en aragonés | las conchugacions incoativas en catalán | las conchugacions incoativas en occitán | las conchugacions incoativas en francés | las conchugacions incoativas en italián | las conchugacions incoativas en rumán


Gramatica d'o catalán
Fonetica Accentuación · Fonetica · Fonolochía
Morfolochía Adverbios · Articlos definius Articlo salau · Articlos indefinius · Chenero · Conchuncions · Determinants · Numerals · Numero · Pronombres (Pronombre presonal) · Pronombres adverbials · Prefixo · Sufixo · Preposicions · Verbos (Locucions verbals, Construccions verbo-nominals · Verbos incoativos)
Sintaxi Concordancia · Estilo directo · Estilo indirecto · Inversión · Negación · Sintagma adchectival · Sintagma nominal · Sintagma verbal · Orden de pronombres · Voz pasiva · Oracions de relativo · Oracions completivas · Oracions temporals · Oracions causals · Oracions finals · Oracions consecutivas · Oracions concesivas · Oracions condicionals · Oracions comparativas · Oracions con infinitivo
Lexicolochía Cultismos · Lexico (Americanismos · Arabismos · Aragonesismos · Castellanismos · Celtismos · Chermanismos · Escandinavismos · Superstrato francico · Galicismos · Goticismos · Helenismos · Italianismos · Leyonesismos · Lusismos · Mozarabismos · Neerlandismos · Occitanismos · Persismos · Tudesquismos · Turquismos) · Semicultismos
Ortografía Normas ortograficas d'o catalán