Manuel Carnicer

De Biquipedia
Ir a la navegación Ir a la búsqueda
Iste articlo ye sobre un cheneral carlista aragonés; t'atros usos, se veiga Manuel Carnicer (desambigación).
Manuel Carnicer
1790 - 6 d'abril de 1835
Información personal
Embotada
Puesto de naixencia Flag of Aragon.svg Alcanyiz (Baixo Aragón, Aragón)
Puesto de muerte Flag of Spain (1785–1873, 1875–1931).svg Miranda d'Ebro (Espanya)
Información melitar
Leyaltat Flag of Spain (1785–1873, 1875–1931).svg Reino d'Espanya
Flag of Cross of Burgundy.svg Carlismo (1833-1835)
Anyos de servicio
Rango Cheneral
Mandos
Unidat
Batallas/guerras Guerra d'o Francés
Guerras Carlistas
Primera Guerra Carlista
Premios
Atras funcions

Manuel Carnicer, naixito d'Alcanyiz (Baixo Aragón) en 1790 y muerto afusilato en Miranda d'Ebro (Espanya) o 6 d'abril de 1835, estió un melitar aragonés dirichent d'o Carlismo, que plegó en a suya carrera melitar dica o ran de cheneral, partecipando en a Guerra d'o Francés y destacando dende 1833 en a Primera Guerra Carlista, quan mandaba o exercito carlista en Aragón.

Luitó de muit choven contra o Exercito francés mientres a Guerra d'o Francés en as filas d'o Reyal Cuerpo de Guardias Valonas, plegando a o ran de capitán en 1822 y colaborando con a represión absolutista de Ferrando VII d'Espanya. En as zagueras anyadas de reinato d'iste zaguer, fue deseparato d'o servicio por as suyas opinions politicas, vivindo en a suya ciudat natal dica la muerte d'o rei.

Prenió partiu a favor de Carlos-María-Isidro de Borbón como pretendient a la cadiera reyal espanyola, estimando-se mas por a choven Isabel II d'Espanya, a qui refirmaban os liberals, y se devantó en armas con un chicot grupo de guerrillers, o 28 d'octubre de 1833 en Taust (Cinco Villas), ta dimpués pasar a luitar en a redolada sud de l'actual provincia de Teruel y esdevenir l'alma d'a sublevación carlista en ixas tierras. Quan morió Rafael Ram de Viu, barón d'Hervés, Manuel Carnicer lo succedió como comandant en cabo d'as tropas carlistas en o Baixo Aragón y en o Mayestrato.

En estar cridato por o pretendient, Carnicer marchó enta la suya residencia, estando feito prisionero por as tropas gubernamentals en Miranda d'Ebro (en l'actual provincia de Burgos), y fusilato o 6 d'abril de 1835. Heba dixato como comandant interín d'as suyas tropas a o coronel Ramon Cabrera, qui lo succedió en o mando a la suya muerte.

Vinclos externos[editar | editar código]