Albarrazín

De Biquipedia
Ir ta: navego, busca
Albarrazín
Municipio d'Aragón
Bandera Escudo d'armas
Albarracín, Teruel, España, 2014-01-10, DD 051.JPG
Entidat
 • País
 • Provincia
 • Comarca
Municipio
Flag of Aragon.svg Aragón
Teruel (provincia).svg Teruel
Sierra d'Albarrazín
Superficie 456,50 km²
Población
 • Total

1,075 hab. (2007)
Altaria 1.171 m.
Distancia
 • 37 km

enta Teruel
Codigo postal 44100
Ríos Guadalaviar
Coordenatas 40°24’ 0’’N 1°27’ 0’’U
Albarrazín en Aragón
Albarrazín
Albarrazín
Situación d'Albarrazín en Aragón
www.albarracin.org

Albarrazín ye una ciudat de la provincia de Teruel, situada en la comarca de la Sierra d'Albarrazín. La suya población ye de 1.075 habitants (2007), en una superficie de 456,50 km², con una densidat de población de 2,35 ab./km².

Cheografía[editar | editar código]

Se troba situada chunto a lo río Guadalaviar. A lo norte tien la Sierra d'Albarrazín y a lo sud los Monts Universals. Lo lugar ye situau a 37 km de distancia de la ciudat de Teruel, a capital de la provincia de lo mesmo nombre.

Mugas[editar | editar código]

Lo suyo termin municipal ye extenso y presenta muitas prolongacions que rodeyan muitos lugars de la comarca, antigas aldeyas dependients d'Albarrazín. Estas prolongacions se denominan mangas y presentan ampluras d'entre pocos metros y bells hectometros[1] Estreitas faixas de terreno de lo termin d'Albarrazín deseparan de tot lo termin de bella localidat como Monterd d'Albarrazín d'atros termins municipals.

Lo termin d'Albarrazín ye compacto en la zona central-oriental de la comarca, constuindo una meya luna que presenta en la part convexa a Bezas, Saldón, Royuela, Torres d'Albarrazín, Monterd d'Albarrazín y Pozondón en la mesma comarca, y en la part concava a Santa Olalia, Cella y Exea d'Albarrazín.

Una prolongación oriental de lo termin d'Albarrazín ye entre Bezas, Exea d'Albarrazín, Cella, Teruel y Rubials y corresponde a Las Casiellas de Bezas.

Una prolongación occidental de lo termin d'Albarrazín ye entre los termins d'Orea, Oriuela, Bronchales, Noguera d'Albarrazín, Villar d'el Cobo y Griegos; corresponde principalment a lo que se conoix como El Puerto.

Una prolongación suroccidental de lo termin d'Albarrazín plega dica a Val de Cabriuel y la Bega de Tacho, cerca de la muga con la provincia de Cuenca. Tota la muga de la Sierra d'Albarrazín con la provincia de Cuenca corresponde a lo termin d'Albarrazín, encara que sigan estreitas faixas de terreno.

Entre El Puerto y la Bega de Tacho la muga entre la provincia de Guadalachara y la Sierra d'Albarrazín corresponde a una estreita faixa de lo termin d'Albarrazín, que desparte los termins de Griegos y Guadalaviar de la provincia vecina.

Una prolongación meridional de lo termin d'Albarrazín pasa entre Toril y Chabaloyas plegando dica Lo Canyegral, a on ye la muga l'antiga muga con la Comunidat de Teruel, actualment la muga con Alobras, y con la localidat de Los Cortijos, perteneixent a lo termin de Salvacanyet.

Urbanismo[editar | editar código]

Lo lugar ye escarramau en un mont y rodeyau por lo Guadalaviar, un caso representativo de recolón como en Toledo, meandro fosilizau en lo substrato rocoso por la erosión de lo río en lo suyo cauz profundizando-lo. Por este canto y enta lo río se troban edificadas las casas pendidas que recuerdan a las casas pendidas de Cuenca.

Dentro de lo lugar las suyas carreras son espingadas y estreitas. La construcción ofreixe la orichinal arquitectura popular a más de tener a color royisca caracteristica dita rodena. Esta color la han presa casas que en primeras yeran blancas y desbinioron royencas por lo cheso local, de la formación Keuper, a on ye asociau con archilas royas que tienen oxido de fierro. Por atra parte tamién han construito con piedras d'arena roya de la formación Bundsandstein, lo tipico rodeno.

La parti antigua se divide en dos zonas:

  • La Ciudat con las suyas casas pendidas dencima de la foz de lo río.
  • El Rabal.

La zona conoixida como El Barrio no fa parti de la ciudat antiga; se troba a l'atra marguin de lo río.

Historia[editar | editar código]

A muralla d'Albarrazín.

S'ha trobau importants pinturas rupestres d'arte levantín en la pineta de Rodeno.

En la Edat de Fierro la habitaban los lobetans, probablement celtibers.

En ixas envueltas de los musulmans en la Peninsula Iberica, la familia berber Banu Razín, d'orichen Hawwara, fació d'istas tierras un chicot reino taifa. D'ista familia li bien lo nombre actual.

En lo sieglo XII, lo Rei Lop de Murcia cedió la comarca d'Albarrazín a lo nabarro Pero Ruíz d'Azagra, creyando-se la Senyoría d'Albarrazín, que s'adhibió a lo Reino d'Aragón en lo sieglo XIII.

N'esta senyoría se creyó un bispato que dependeba de l'arcebispe de Toledo. La seu bispal cambió ta Segorb dimpués que lo conquerisen en la epoca de Chaime I d'Aragón.

En 1284 lo rei d'Aragón Pero lo Grant conquerió Albarrazín en la victoria de lo Setio d'Albarrazín, li concedió lo tetulo de Ciudat, (enantes teneba lo tetulo de Villa), y deseparó las aldeyas creyando la institución de la Comunidat d'Albarrazín seguindo lo modelo d'atras comunidatz aragonesas. En 1297 se concede a Albarrazín lo dreito a celebrar ferias.[2] Encara Albarrazín y la senyoría estioron independients atra vegada, adibindo-se ya pa cutio a lo reino d'Aragón en 1379 con Pero IV lo Cerimonioso.

Toponimia[editar | editar código]

Albarrazín prene nombre de la familia Banu Razín que fundó la Taifa d'Albarrazín. En textos medievals se puede veyer variants documentals como Albarracino u Albarrazino que en bell caso pueden estar hipercorreccions pa no escribir as rematanzas en -ín propias de la parla popular.

La más gran part de la toponimia menor ye en castellán u común con lo castellán, pero destacan uns poquetz microtoponimos nabarro-aragoneses como Puntal de LoGalindo, (que conserva l'articlo lo), Barranco de la Chiqueta y Puntal del Melguizo, u Barranco de los Terreros, (cerca d'Entramasaguas). Cerca de Bezas, pero en lo termin d'Albarrazín se troban dos monts ditos Los Chermanetes u El Chermanete. Cerca de lo termin de Bezas se troba la partida de Tramasaguas, Entramasaguas u Entrambasaguas, que indica lo forcallo de lo río de la Fuent del Berro con lo río Guadalaviar.

En lo casco viello, a on que ye la Seu tenemos la Plaza de la Seo, y qui en fació lo retulo escribió como Plaza del Aseo quedando dimpués lo error pa cutio.

Demografía[editar | editar código]

Evolución demografica d'Albarrazín[3]
1857 1887 1900 1910 1920 1930 1940 1950 1960 1970 1981 1991 2001 2006
Población 1.883 1.953 1.897 1.689 1.688 1.576 1.582 1.467 1.376 1.187 1.068 1.164 1.050 1.076

Administración[editar | editar código]

Reparto de concellers[editar | editar código]

Eleccions municipals[4][5]
Partiu 1979 1983 1987 1991 1995 1999 2003 2007 2011
Partido Aragonés - 6 1 2 3 4 5 4 4
Partido de los Socialistas de Aragón 3 3 3 2 2 1 1 3 3
Partido Popular - - 2 4 4 4 3 2 2
Centro Democrático y Social - - 3 1 - - - - -
Partido Comunista de España / Izquierda Unida 1 - - - - - - - -
Unión de Centro Democrático 5 - - - - - - - -
Total 9 9 9 9 9 9 9 9 9

Alcaldes[editar | editar código]

Lista d'alcaldes
Lechislatura Nombre Partiu politico
19791983 José Luís Herranz Almazán Unión de Centro Democrático
19831987 Vicente Martí Marqués Partido Aragonés
19871991 Luís Doñate Barquero
Octavio Collado Villalba
Centro Democrático y Social
Independient
19911995 Manuel Gómez Campos Partido Aragonés
19951999 Octavio Collado Villalba Partido Popular
19992003 Gloria García de Miguel Partido Aragonés
20032007 Gloria García de Miguel
Francisco Jesús Martí Soriano
Partido Aragonés
Partido Aragonés
20072011 Francisco Jesús Martí Soriano Partido Aragonés
20112015 Francisco Jesús Martí Soriano Partido Aragonés

Molimentos[editar | editar código]

Anvista de la Casa de la Julianeta.

Localidatz achirmanadas[editar | editar código]

Vinclos externos[editar | editar código]

Referencias[editar | editar código]

Bibliografía[editar | editar código]


Lugars d'o municipio d'Albarrazín
Albarrazín | Val de Becar | Val de Cabriuel | Val de Minguet | La Bega d'Albarrazín | Lo Canyegral | Las Casiellas de Bezas | Collado de la Grulla | Falagosa | Codonyat | Sant Pedro | Santa Barbara | Santa Croch | Toyuela


 
Municipios d'a comarca Sierra d'Albarrazín
Albarrazín | Bezas | Bronchales | Calomart | Chabaloyas | Exea d'Albarrazín | Fridas d'Albarrazín | Griegos | Guadalaviar | Monterd d'Albarrazín | Moscardón | Noguera d'Albarrazín | Oriuela | Pozondón | Rodenas | Royuela | Rubials | Saldón | Terrient | Toril y Masegoso | Torres d'Albarrazín | Tramacastiella | Val de Cuenca | Val Longuiello | Villar d'el Cobo