Val Longuiello

De Biquipedia
Ir a la navegación Ir a la búsqueda
Este articlo tracta sobre a localidad teruelana de El Vallecillo. Ta atros emplegos d'o toponimo Vallecillo se veiga Vallecillo (desambigación).
Val Longuiello
Municipio d'Aragón
Bandera Escudo d'armas
Cascada Molino de San Pedro 09112003133508.jpg - WLE Spain 2015.jpg
Cascant de lo Molín de Sant Pedro
Entidat
 • País
 • Provincia
 • Comarca
Municipio
Flag of Aragon.svg Aragón
Teruel (provincia).svg Teruel
Sierra d'Albarrazín
Superficie 21,68 km²
Población
 • Total

60 hab. (2004)
Altaria 1421 m.
Distancia
 • 55 km

enta Teruel
Codigo postal 44123
Coordenatas 40°13’58’’N 1°34’ 1’’U
Val Longuiello en Aragón
Val Longuiello
Val Longuiello
Situación de Val Longuiello en Aragón

Val Longuiello (El Vallecillo en castellán) ye un municipio de la provincia de Teruel, situato en la comarca de la Sierra d'Albarrazín. La suya población ye de 60 habitants (2004), en una superficie de 21,68 km² con una densidat de 2,77 hab/km².

Cheografía[editar | editar código]

Ye situato en los Monts Universals cerca de lo río Cabriuel.

Lo termin municipal de Val Longuiello no muga que con Albarrazín:

Historia[editar | editar código]

Las contornatas d'esta localidat son unas vals (Val de Cabriuel, Val Mediano y Val de Sant Pedro) que los Azagra repobloron en lo zaguer cuarto de lo sieglo XII y adchudicoron a los suyos colaboradors. En primeras lo poblamiento yera disperso, en mases, y no se desembolicoron nuclios de población. La situación de muga con lo reino de Castiella, la fortaleza castellana de Veguiellas (actual Torre Fuerte), y los saqueyos no favoreixeban lo desembolique economico.

Estió lo Molín de Sant Pedro, en la Val de San Pedro lo centro economico de la redolada. Yera un molín farinero y de sierra. Dimpués en 1526 se i fació una ferrería. Los mediers de los mases d'ixas vals decidioron aplegar-sen en un nuclio rural pa defenser-sen y tener millors servicios, asinas amanrixió Val Longuiello. En ixas envueltas de lo sieglo XVI-XVII las chents de la Comunidat d'Albarrazín que viviban fuera de los lugars, como ye lo caso de los de Toril, Masegoso y Val Longuiello son ditos Barranyos (Val Longuiello yera un nuclio en proceso de formación y no se consideraba una aldeya como los nuclios més antigos). Los habitadors de Val Longuiello son consideratos barranyos de Fridas d'Albarrazín por estar lo concello de Fridas lo encargato de la recaudación de las suyas peitas. En un censo de 1628 s'escribe:

barraños habitadores de Balle e Vallezillo y vezinos de la ciudad

Los habitadors de Val Longuiello yeran chents no propietarias de las tierras que treballaban y no tendrán churisdicción propia porque dica lo sieglo XIX lo Val Longuiello no s'adhibirá como aldeya independient de Fridas d'Albarrazín dentro de la Comunidat d'Albarrazín.

Toponimia[editar | editar código]

Lo primer nombre, en los sieglos XV-XVI ye Val Longuiello.[1] Por lo que se vei n'esta zona Val ya yera masculín. En lo Libro de la Montería del rey Don Alfonso XI se menciona un Val Longuiello, localidatz de la Serranía de Cuenca y Osejón una penya que bi ha entre Collado de la Grulla, Lo Canyegral y Los Cortijos, en a muga entre Castiella y Aragón :

la una en la cañada del Cubiello, desde Val Longuiello fasta pasante el Osejón de a ojo de Tragacete;

Manimenos s'interpreta que este toponimo corresponde a l'actual pico Valhondillo de 1811 m, a cantos de lo Cubiello y a 11 km a l'este de Tragacet.[2].

En lo censo de 1628 ya s'escribe Balle y Vallezillo. Ye posible que la parabra Balle fese referencia a Val Longuiello como entidat gran y Vallezillo fese referencia a una entidat menor que dimpués absorbería a l'anterior. En 1713 apareixe en lo censo de Campoflorido un Bellerillo que s'identifica con esta localidat.

Entre los microtoponimos més intresants tenemos La Artiga, Las Artiguillas, Fuente de Valvidillo (se sape que por ixa zona en la Edat Meya i heba un Vadiello), Corral de la Rocha, Molleta, Barranco la Pera (talment relacionato con los monches de Piedra que teneban propiedatz en la redolata), Pozo del Correo, El Cambronar, Cueva de la Ubriga (Cueva Lobrega en la Edat Meya), El Poyal, La Canyada y Colochas. Como en atras localidatz de la Sierra d'Albarrazín bi ha toponimos tipo La Peguera. En una prolongación de lo termin d'Albarrazín que bi ha entre Val Longuiello, Masegoso y Terrient ye Hoyos Quemados, que en un texto de 1340 s'escribe Foyos Quemados.

Administración[editar | editar código]

Reparto de concellers[editar | editar código]

Eleccions municipals
Partito 1979 1983 1987 1991 1995 1999 2003 2007 2011
Partido Popular 1
Total 1

Presonalidatz naixitas de Val Longuiello[editar | editar código]

Fiestas[editar | editar código]

Referencias[editar | editar código]

  1. (es) Juan Manuel Berges Sánchez: El Vallecillo. Rehalda, número 2, anyo 2005.
  2. (es) Jose Antonio Valverde: Anotaciones al Libro de la montería del rey Alfonso XI. Ediciones de la Universidad de Salamanca, 2009. p 830

Bibliografía[editar | editar código]

Vinclos externos[editar | editar código]


 
Municipios d'a comarca Sierra d'Albarrazín
Albarrazín | Bezas | Bronchales | Calomart | Chabaloyas | Exea d'Albarrazín | Fridas d'Albarrazín | Griegos | Guadalaviar | Monterd d'Albarrazín | Moscardón | Noguera d'Albarrazín | Oriuela | Pozondón | Rodenas | Royuela | Rubials | Saldón | Terrient | Toril y Masegoso | Torres d'Albarrazín | Tramacastiella | Val de Cuenca | Val Longuiello | Villar d'el Cobo