Villar d'el Cobo

De Biquipedia
Ir a la navegación Ir a la búsqueda
Villar d'el Cobo
Municipio d'Aragón
Villar d'el Cobo nevau.
Entidat
 • País
 • Provincia
 • Comarca
Municipio
Flag of Aragon.svg Aragón
Teruel (provincia).svg Teruel
Sierra d'Albarrazín
Superficie 53,9 km²
Población
 • Total

188 hab. (2016)
Altaria 1.430 m.
Distancia
 • 78 km

enta Teruel
Codigo postal 44114
Chentilicio Villarencos.[1]
Coordenatas 40°24’ 0’’N 1°40’ 1’’U
Villar d'el Cobo en Aragón
Villar d'el Cobo
Villar d'el Cobo
Situación de Villar d'el Cobo en Aragón

Villar d'el Cobo ye un municipio aragonés de la provincia de Teruel, situau en la comarca de la Sierra d'Albarrazín.

La suya población ye de 217 habitants (2008), en una superficie de 53,9 km², con una densidat de población de 4,03 hab/km².

Toponimia[editar | editar código]

Agustín Ventura Conejero considera los toponimos Villar y Villa como de tiempos de la reconquiesta[2]. Seguntes Antonio Ubieto Arteta ye El Villar entre 1543 y 1609, Villar del Cobo dende 1646. Manimenos en un texto de 1478 de la Cort de Chusticia de la Casa de Ganaders de Zaragoza ya trobamos Villar del Quobo.

vezino del Villar del Quobo, de tierra de Albarrazín, el qual en el mes de setienbre a XV del dito mes vino el dito quon honbres de Pozo Hondón...

Entre los suyos microtoponimos con aspecto aragonés tenemos Pincorbo y Mirabuenos.

Cheografía[editar | editar código]

Villar d'el Cobo ye situau a la ezquierda de lo forcallo de lo río Griegos con lo río Guadalaviar, a piet de la Muela de Sant Chuan, a 1.430 metros d'altaria dencima de lo libel de la mar y a una distancia de 78 km de Teruel, la capital de la suya provincia. Comprende lo casal de Casas de Búcar.

Lo termin municipal de Villar d'el Cobo corresponde una part a zonas de paramera y una part de los Monts Universals.

La paramera de Villar d'el Cobo ye a 1.600-1.800 m d'altaria y s'estendilla dende las muelas de los Monts Universals dica las vals y foces de los ríos Garganta a lo norte y Guadalaviar a l'este, incluyindo terrenos de lo termin municipal de Griegos. Los materials que afloran en esta paramera son d'edat churasica y son karstificaus, con campos de dolinas. Destaca lo campo de dolinas de la paramera de Loma Alta, con dolinas en bacía[3][4].

En la part sud de lo termin, entre Guadalaviar y Fridas d'Albarrazín bi ha un sistema de poljes karsticos que s'extendilla tamién por los termins municipals d'estas localidatz, son las navas de Villar d'el Cobo, destacando la Nava Seca. Actualment estos poljes u navas desauguan enta lo Tacho u enta lo Guadalaviar[3]. La vía pecuaria Canyada d'el Saz ye en una nava que desaugua en lo río Guadalaviar a traviés de l'arroyo d'el Rollo.

Mugas[editar | editar código]

Lo suyo termin municipal muga a l'ueste con Guadalaviar y con Griegos, y por las atras partz con las mangas d'Albarrazín (estreitas faixas de lo termin municipal d'esta localidat), faixas que lo deseparan de Noguera d'Albarrazín, de Tramacastiella, de Calomart, de Fridas d'Albarrazín, y de la muga provincial con la provincia de Cuenca.

Historia[editar | editar código]

Villar d'el Cobo estió una aldeya de la Sexma de Villar d'el Cobo adintro de la Comunidat d'aldeyas d'Albarrazín. Fació part tamién de la Sobrecollida d'Albarrazín por lo menos dende 1446 dica 1495, de la Vereda de Mont Albán en lo sieglo XVII y de lo Correchimiento d'Albarrazín. En 1785 prenió la categoría de "lugar"[5].

Administración[editar | editar código]

Reparto de concellers[editar | editar código]

Eleccions municipals
Partiu 1979 1983 1987 1991 1995 1999 2003 2007 2011
Partido de los Socialistas de Aragón 4
Partido Popular 1
Total 5

Molimentos[editar | editar código]

Fiestas[editar | editar código]

Vinclos externos[editar | editar código]

Referencias[editar | editar código]

  1. (es) José Manuel Vilar Pacheco Lexico y cultura popular de la Sierra de Albarracín. Centro de estudios de la Comunidad de Albarracín, 2008.
  2. (es) Agustín Ventura Conejero: Toponimia de la provincia de Teruel. Revista Teruel, 48, 1972. p 237.
  3. 3,0 3,1 (es) José Luis Peña Monné, Luis Alberto Longares Aladrén, Marta Espinalt Brillas: Paisajes naturales de la provincia de Teruel. Guía del medio natural. Instituto de Estudios Turolenses, 2000. ISBN: 84-86982-97-9. pp 44-47, pp 58-59.
  4. (es) Jose Luís Peña Monne et al. : Geomorfología de la Provincia de Teruel. Instituto de Estudios Turolenses, 1984. p 51.
  5. (es) Antonio Ubieto Arteta: Historia de Aragón. Los Pueblos y los despoblados, III. Anubar ediciones, 1986. p 1362.
  6. (es) Texto en lo BOA de la declaración de la Ilesia de los Santos Chusto y Pastor de Villar d'el Cobo como Bien d'Intrés Cultural.


Lugars de lo municipio de Villar d'el Cobo
Casas de Búcar | Villar d'el Cobo


 
Municipios d'a comarca Sierra d'Albarrazín
Albarrazín | Bezas | Bronchales | Calomart | Chabaloyas | Exea d'Albarrazín | Fridas d'Albarrazín | Griegos | Guadalaviar | Monterd d'Albarrazín | Moscardón | Noguera d'Albarrazín | Oriuela | Pozondón | Rodenas | Royuela | Rubials | Saldón | Terrient | Toril y Masegoso | Torres d'Albarrazín | Tramacastiella | Val de Cuenca | Val Longuiello | Villar d'el Cobo