Segorb

De Biquipedia
Ir ta: navego, busca
Segorb
Municipio d'o País Valencián
Bandera Escudo d'armas
Vista segorbe.jpg
Entidat
 • Estato
 • Comunidat
 • Provincia
 • Comarca
Municipio
Flag of Spain.svg Espanya
Comunidat Valenciana
Castellón
Alto Palancia
Superficie 106,10 km²
Población
 • Total

9005 hab. (2016)
Altaria 358 m.
Distancia
 • 65 km

enta Castellón de la Plana
Codigo postal 12400
Coordenatas
39°51′″N 0°29′0″U
Segorb en País Valencián
Segorb
Segorb
Situación de Segorb en País Valencián
www.segorbe.es

Segorb (Segorbe en castellán, Sogorb en valencián) ye un municipio de la provincias d'Espanya de Castellón, situau en la comarca de l'Alto Palancia. La suya población ye de 9089 habitants (2013), en una superficie de 106,10 km² con una densidat de 85,68 hab/km².

Cheografía[editar | editar código]

Ye situau sobre dos cabezos de la marguin de lo río Palancia.

Parla[editar | editar código]

Actualment en Segorb se charra castellán churro con seseyo d'orichen valencián. Esta parla churra s'orichinó por castellanización de l'aragonés que se i charró en la Edat Meya, aragonés traito dende lo sieglo XIII por los repobladors cristians, que yeran d'orichen predominantement aragonés, con presencia de catalans (30 % de los repobladors cristians), navarros y castellans.

Lo lexico d'intrés etnografico de Segorb se conoix relativament bien por figurar esta localidat en l'ALEANR con la sigla Cs 301.[1] Bi ha muitos aragonesismos como tarquín (con lo significau de "laco" u tarquín putient y no con lo significau de l'Alto Aragón oriental).

Toponimia[editar | editar código]

S'ha creyito que lo toponimo Segorb se remontaba a lo celtiberico Segobriga, pero agora se considera que ye d'orichen latín y que tien relación con urbs, urbis, sub urbem.

En la documentación arabe s'emplegaban derivatos de la radiz suburb. En un texto de 1122-1124 de quan Alifonso I lo Batallero s'escribe Xeborc, con una X por estar preso a traviés de l'arabe:

Ad honorem autem Dei et sancte militie sustentationem, dedit rex medietatem redituum ipsius civitatis, et medietatem medietatis sue Xeborc, et de Biniol, et de Conca, et de Molina, et de Burbaca, et de portu de Caramana

La evolución natural de lo prefixo latín SUB en aragonés ye so, en aragonés medieval s'escribia a vegatas Sogorb, con prefixo so- y a vegatas Segorb, con a variant se d'este sufixo. Tamién en la documentación bi heba dandaleyo entre la forma con O, Sogorbio, y formas con E. L'alternancia de E y O ye normal en aragonés y dica se desvién en lo prefixo so- (Somontano y Semontano), pero emplegar la forma con E yera una forma de fer lo toponimo más pareixito a Segobriga. En la documentación eclesiastica se manipulaban tamién las consonants en un sentito u atro: en la Seu de Valencia, a on no se quereba que Segorb pasase a depender de lo bispato de Toledo s'escribe segorbicense, pero atros escriben segobricense.

En lo sieglo XIII ya bi heba microtoponimos con fonetica aragonesa orichinal como Cascallo y Los Regallos que dimpués cambioron foneticament. La microtoponimia segorbina de lo Sieglo XV se conoixe prou bien por la documentación municipal y destaca la presencia de microtoponimos en aragonés ya perdius como ciertos nombres de huertas (gallipuent, Utriellas, Los Moliniellos y Piedra Fundida).

Curiosidatz[editar | editar código]

La falsa identificación de l'antiga Segobriga con l'actual Segorb s'orichina en la Edat Meya, por los intereses que teneba la Seu bispal de Toledo sobre lo bispato d'Albarrazín. La Segobriga visigoda perteneixeba a la diocesi de Toledo, pero quan la dominación musulmana la fació desapareixer, se perdió la conoixencia d'a on yera. En lo sieglo XIV Toledo quereba incorportar Albarrazín a la churisdicción suya, y identificar Segobriga con Segorb, mas a l'este d'Albarrazín, lechitimaba las suyas pretensions. Huei se sabe que l'antiga Segobriga ye l'actual Saelices en la provincia de Cuenca.

Referencias[editar | editar código]

  1. (es) Manuel Alvar: Atlas lingüístico y etnográfico de Aragón, Navarra y Rioja. Institución Fernando El Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo I, Lamina 3, Mapa nº 3.

Bibliografía[editar | editar código]

  • (es) Vicente García Edo: Segorbe en el siglo XIII. Excmo. Ayuntamiento de Segorbe, 1987.
  • (es) Rosa Gómez Casañ: Aproximación a la historia lingüística del Alto Palancia entre los siglos XIII y XVI. Ayuntamiento de Segorbe, 1988
  • (es) Cayetano Torres Fornes: Sobre voces aragonesas usadas en Segorbe (1903). [1]
  • (es) Natividad Nebot Calpe: Toponimia del Alto Mijares y del Alto Palancia: estudio etimológico. Diputació de Castelló, 1991.
  • (es) Joaquín Aparici Martí: Vall de Crist, Altura y Alcublas: concordias y acuerdos con Valencia, Segorbe y Liria (1403-1431). Instituto de Cultura del Alto Palancia, 2013


Nuclios de población de Segorb
Extramuros Xeldo | La Esperanza | Penyalba | Segorb | Villatorcas


Municipios d'a comarca Alto Palancia
Alchimia d'Almonecir | Almedíxar | Altura | Azuébar | Val d'Almonecir | Barracas | Bexix | Benafer | Vivel | Castellnou | Caudiel | Chóvar | Figueras | Gaibiel | Matet | Navachas | Pavías | Pina | Sacanyet | Segorb | Sonecha | Sot de Ferrer | Teresa | Torás | Lo Toro | Xeldo | Exerica