A Peniella

De Biquipedia
Ir ta: navego, busca
A Peniella
Localidat d'Aragón
Anvista d'a Peniella
Anvista d'a Peniella.
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Flag of Huesca (province).svg Uesca
Sobrarbe
A Fueva (municipio)
Población
 • Total

0 hab. (2010)
Altaria 670 m.
Distancia
 • 101 km
 • 39 km
 • 24 km

enta Uesca
enta L'Aínsa
enta Tierrantona
Codigo postal 22438
Parroquial
 • Diocesi
 •Arciprestato

Balbastro-Monzón
Ribagorza
A Peniella en Aragón
A Peniella
A Peniella
Situación d'A Peniella en Aragón

A Peniella (oficialment, en castellano, «Lapenilla»[1]) ye un lugar aragonés d'o municipio de a Fueva, en a comarca d'o Sobrarbe y a provincia de Uesca. Actualment ye despoblau.[1]

Cheografía y historia[editar | editar código]

Se troba en una altura menuda, como cerro d'as estribacions meridionals d'a sierra d'o Turón, en a val d'a Cinca y, en l'actualidat, chunto a la ribera de l'entibo de lo Grau. Fa parte d'a cuenca d'o barranco de Clamosa (significativament, tamién dito «de a Peniella»), en a ripa cuentra d'a on ye Clamosa. Fizo parte de o municipio de Clamosa dica l'absorción en a Fueva en a decada de 1960,[2] conseqüencia d'a total despoblación d'os dos nuclios más grans que en feban parte, Clamosa y a propia Peniella.

A Peniella ye o zaguer nuclio en a comarca d'o Sobrarbe por o sud, respective a lo corso d'o río Cinca, pus a 1 kilometro más auguas t'abaixo d'o lugare o río pasa a estar a muga d'entre o Semontano (Mipanas) y a Ribagorza, por debant de l'aldeya de Pui de Cinca. L'acceso se fa posible por una pista asfaltada que naixe en o lateral d'a carretera local HU-V-6441 de Graus ta Troncedo en pasando por Pano.

Como muitos altros lugars de l'Alto Aragón, a Peniella pareix que presenta una estructura defensiva que posiblement se remonta a la Edat Meya. O historiador Manuel Benito Moliner afirmaba que i heba existido un castiello, lur enrunas encara se podrían trobar en o sallent de penya en ueste d'a población,[3] que se trobaba en mans cristianas en l'anyo 1067.[3] En o cabo d'alto d'o lugar, a 670 metros d'altaria, se troba un palacio u casal fuerte[4] que recibe o nombre de Casa O Sinyor, que en chunto con a ilesia ye un d'os atractivos d'o lugar,[4] anque en l'actualidat se troba en runas.[4] Se sabe positivament que o lugar yera sinyoría d'os Mur de Muro de Roda en o sieglo XVI,[3] y que en o sieglo XVIII y sieglo XIX en yera d'os Heredia[3] de Graus.

Economía[editar | editar código]

Qualques casas en a Peniella fan pensar d'un pasau que podría haber estau prou acomodau. Casa o Sinyor, en a imáchen, yera d'un chenullo d'os Mur de a Fueva, que van estar sinyors d'o lugar dende lo sieglo XVI.[3]

Economicament, a Peniella yera un lugar de preponderancia agricola,[3] con os campos estructuraus en faixas y faixetas que dende os arredols d'os casaches se prolargaban baixant t'allá en tres d'os quatros costaus por a on que a orografía o permite. Os cerials sembratos en as faixas yeran o caultivo que, d'alcuerdo con o que s'ha puesto constatar, i predominaban,[3][5] manimenos como tamién gosa pasar en muitos altros lugars, as oliveras[3] y as almendreras[3] plantadas en as espuendas complementaban a productividat agricola d'as fincas y achudaban a contener a tierra, y bellas fincas s'adedicaban a la producción de vinya, que feba vin ta consumo propio.[3]

En a ganadería, M. Benito Moliner quereba pensar que yera un oficio que heba perdido terreno dende o sieglo XIX dica a despoblación final,[3] y en calculaba bellas 20 cabezas de bestiar (d'entre uellas y crabas) por cada casa,[3] más os bueis y mastos que se podese tener. Bells conillos y gallinas complementarían a producción animal t'achudar a l'alimentación d'os habitants, y bell poquet de ganadería d'insectos (principalment abellas; de forma más residual cucos de seda[3] tamién) habrían puesto dar productos más secundarios como ta vender-ne ta fuera de lugar.

A Penilla teneba tamién un molín d'olio anque no en teneba garra de grano, o que fa pensar de cómo yera de principal a producción d'iste lequido en a redolada (p. ex. en Clamosa se i gosón producir 3.000 kg en 1787[3]) pero ta fer-se moler o grano heban d'ir ta la vecina capital municipal que yera Clamosa. Un tellero y una producción menor de lenya y carbón vechetal con as lecineras y caixigos de a redolada completaban a industria d'o lugar.[3]

Demografía[editar | editar código]

16.Lapenilla.JPG

Anque se tiene conoixencia de a Peniella dende o sieglo XI, seguntes Benito Moliner no se'n puede trobar garra referencia demografica anterior a 1646, en a que en estando sinyoría d'os Mur, en a Peniella se cuenta 8 fuegos (casas) que lo propio autor estima representarían a cosa de quatro u cinco habitants[3] por cada casa, d'entre 32 y 40 habitants en o lugar.

En 1713, en a Peniella o numer de casas (fuegos) s'habría redueito a la metat, con 4 fuegos, lo que faría un total de 20 dica 25 habitants d'alcuerdo con o promeyo de 4-5 habitants/casa[3] que Manuel Benito troba adequau ta ixas envueltas. En 1787, sisanta y quatro anyos dimpués, o numer de casas que pagaban treudos en a Peniella se conserva estable, con 4 fuegos, pero con una ocupación domestica estimable en 13 presonas/casa,[3] o que daría un total de 52 habitants.

Ta 1860, o numer d'ocupadors de cada casa habría baixau dica 9,1 hab./casa,[3] pero con un total d'once casas, lo que faría una población total arredol d'os 100 habitants en o lugar, y en 1900, con un promedio d'ocupación de 8,45 hab./casa,[3] a población en a Peniella rondaría os 93 habitants.

En l'actualidat y dende os anyos 1960, quan fué expropiau por a Confederación Hidrografica de l'Ebro, a Penilla se troba de tot despoblau.

Imáchens[editar | editar código]

Fiestas[editar | editar código]

Referencias[editar | editar código]

Vinclos externos[editar | editar código]


Lugars d'o municipio d'a Fueva
Poblaus: Aluchán | Buetas | A Cabezonada | Caneto | Charo | Clamosa | Formigals | Fosau | Fuent de Campo | O Lumo de Muro | O Lumo de Ranyín | A Lueza | Mediano nuevo | Moriello de Monclús | O Pocino de Charo | Ranyín | Salinas de Trillo | Sant Chuan | Sant Mitier | Sant Per | Solipueyo | Tierrantona | Trillo | Troncedo
Despoblaus: L'Alquería de Cotón | Arasanz | L'Atiart | Bediello | Benedet | Carrera | A Corona | Fumanal | Ixantigosa | A Lecina | O Lenero | A Marinyosa | O Mediano | Mediano viello | Ministirio | Moliniars | Montero | A Mula | Muro de Roda | A Nau | A Olivera | O Pamporciello | A Peniella | A Plana | O Plano | Rolespé | Sant Per de Trillo | A Selva | A Sierra | Solaniella | O Sotero | Susiaz | A Torre | A Villa