Aluchán

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Aluchán Aluján
Lugar d'Aragón
Casa Mur
Entidat  • País  • Provincia  • Comarca  • Municipio	Lugar  Aragón  Uesca Sobrarbe A Fueva (municipio)
Partiu chudicial	Boltanya
Población  • Total	23 hab. (2011)
Altaria  • Meyana	638 m.
Distancia  • 130 km  • 19,5 km  • 2 km	enta Uesca enta L'Aínsa enta Tierrantona
Codigo postal	22336
Parroquial  • Diocesi  • Arcipestrau	Balbastro-Monzón Sobrarbe-Ribagorza
Coordenadas
Aluchán Aluchán en Aragón

Aluchán (oficialment, en castellano, Aluján) ye un lugar aragonés d'o municipio d'a Fueva, en a provincia de Uesca y comarca de Sobrarbe. A suya población ye de 23 habitants (2011).

Aluchán ye una aldeya historica de Tierrantona, que en o sieglo XIX se deseparó de a dita villa ta pasar a fer parte d'o municipio de Muro de Roda (en o que ya se trobaba bellas d'as aldeyas que l'arrodeyan, como Fumanal y o Pamporciello). En l'actualidat, Aluchán y o Lumo de Muro son os dos solos nuclios de l'antigo municipio de Muro de Roda que han guardau población a lo largo d'os tiempos y encara son habitaus. O forman cuatro casas, que son Casa Marinyosa, Casa Teixidor, Casa Carrera y Casa Mur, en estando ista zaguera la mas visible d'a localidat, pus se tracta d'un gran casal fuerte que perteneixió a o camal local d'os Mur, y disposa de dos torres defensivas de planta cuadrada que se devantan 2 y 3 plantas per d'encima d'a resta de l'edificio, y una tercera torreta, inferior, de base retonda, que defiende o recolón sud-ueste d'a construcción.

O lugar d'Aluchán se troba a baixa altitut a dintro d'a Fueva, en o calcil meridional d'o tozal de Charo, a bels 2 kms en nord-este de Tierrantona, con a que se comunica con una pista asfaltada que conecta en a carretera local HU-V-6442 (Moriello de Monclús-Fuent de Campo), que atraviesa Tierrantona, en a sortida norte de a villa cara ta l'Aínsa.

Toponimia

Anque no se sabe cuan ye que se va fundar o nuclio d'Aluchán, sí que se sabe (por Tierrantona) que en a comarca ya i vivión ciudadans romanos en a epoca imperial, por o que s'ha conchecturau si no puede dimanar o nombre «Aluchán» de bel antroponimo latino como «Lucius», a o que s'habría puesto adhivir a terminación «-án» que indicase pertinenza a o dito personache.

Se tiene constancia d'a suya existencia en a Edat Meya: S'ha puesto trobar como «Aluxán» en un documento de 1231. O toponimo actual ha gosau perder de tot a pronunciación con «x» ([ʃ]) y con «ch» ([tʃ]) y en a comarca d'a Fueva a mayoría o prenuncian «Aluján» (/a.lu'xan/) como en castellano, y nomás cuan se les ne pregunta a os mas viellos saben dar treslau d'una forma con pronunciación conforme con a fonetica de l'aragonés, que afirman que ye amás antiga, con «Ch» y no pas con «X», como Aluchán.

O toponimo, a tamas d'a suya pronunciación con as modas castellanas, encara conoix formas con determinant, como «l'Aluján» u «la Luján», que puede estar que se relacionen con o nombre oficial «Luján» que tamién s'ha gosau alternar en bellos momentos d'a historia con a forma «Aluján».

Demografía

Evolución demografica

1362 f 1495 f 1842 1857 1860 1877 1887 1897 1900 - - - - - - - - 24

1910 1920 1930 1940 1950 1960 1970 1981 1991 27 33 39 38 33 32 20 18 8

1992 1994 1996 1997 1998 1999 2000 2001 2002 - - - - - - 5 5 5

2003 2004 2005 2006 2007 2008 2009 2010 2011 5 6 6 6 16 19 19 23 23

2021 2022 2023 2024 2025 2026 2027 2028 - - - - - - - - - -

1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE.

Imáchens

• 
  Casa Mur
• 
  Torreta de Casa Mur
• 
  Aspilleras en a frontera de Casa Mur.
• 
  Torre de Casa Mur

Fiestas

• 24 d'agosto, Fiesta Mayor, fendo-le honras a Sant Bartolomeu.
• 29 d'abril, fiesta menor, fendo-le honras a Sant Pero de Verona.

Vinclos externos

• Se veigan as imáchens de Commons sobre Aluchán.

• Datos: Q24056934
• Multimedia: Aluján / Q24056934