Sant Chuan (Toledo d'a Nata)

De Biquipedia
Ir a la navegación Ir a la búsqueda
Iste articlo tracta sobre Sant Chuan, que ye un lugar en a Fueva. Ta altros usos de «Sant Chuan» se veiga Sant Chuan (desambigación).
Sant Chuan
Localidat d'Aragón
Ilesia de Sant Chuan d'o Toledo d'a Nata
Ilesia de Sant Chuan d'o Toledo d'a Nata
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Flag of Huesca (province).svg Uesca
Sobrarbe
A Fueva (municipio)
Población
 • Total

11 hab. (2011)
Altaria 907 m.
Distancia
 • 128 km
 • 18 km
 • 12 km

enta Uesca
enta L'Aínsa
enta Tierrantona
Codigo postal 22452
Patrons Asumpción de María
Parroquial
 • Diocesi
 •Arciprestato

Balbastro-Monzón
Sobrarbe
Ríos A Nata
Sant Chuan en Aragón
Sant Chuan
Sant Chuan
Situación de Sant Chuan en Aragón

Sant Chuan (oficialment, en castellano, «San Juan»,[1] enantes «San Juan de Toledo de Lanata») ye un lugar aragonés d'o municipio d'a Fueva, en a provincia de Uesca y comarca d'o Sobrarbe. A suya población ye d'11 habitants (2011[1]).

Sant Chuan se troba en as garras d'un cerro prominent, que en a redolada recibe o significativo nombre de «Toledo d'a Nata», en a baixant sud d'a Sierra Ferrera cara t'a depresión d'a Fueva, en estando-ie un d'os lugars más oriental d'el que gosa decir-se Baixo Penyas. Como parte d'a subcomarca natural que ye a Fueva, no i queda más ta l'este si que a Cabezonada y as Cortz d'antes no s'arribe t'o Collau de Foradada, que desepara a Fueva y o Sobrarbe d'a vecina Ribagorza.

O nombre d'o lugar dimana d'a ilesia de Sant Chuan d'o Toledo d'a Nata, una ilesia romanica d'a primera mitat d'o sieglo XII[2] que en primeras yera tributadera d'un castiello (más especificament, un «toledo») que i heba en o cerro que domina o lugar. O castiello orichinal, en l'actualidat desapareixido, les dio lo nombre a la ilesia y a o cerro a on se trobaba, y ye d'él d'a on dimanan belaltros nombres historicos en a redolada, como o municipio de Toledo d'a Nata[3] en o que fizon parte Sant Chuan y belaltros nuclios d'o Baixo Penyas.

Sant Chuan ye comunicau con a carretera N-260 (l'Aínsa-Campo) con una pista no asfaltada de 3,5 Km, que el comunica tamién con l'Atiart (aproximadament, a la mitat d'o recorrido). Guarda camins tradicionals, transitables á peu, que el comunican con a Cabezonada, en travesando as Natas, y con Moliniars y o Mediano por as faixas d'«o Coscollar».

A ilesia, restaurada en a primera mitat d'a decada de 2000, ye vesitable y disposa de vesitas guiadas en os meses de chuliol y agosto. As vesitas guiadas no se fan totz os días d'a semana, por o que cal informar-se enantes.

Demografía[editar | editar código]

Evolución demografica
1992 1994 1996 1997 1998 1999 2000 2001 2002
- - - - - - 11 9 9

2003 2004 2005 2006 2007 2008 2009 2010 2011
9 8 8 10 9 9 11 11 11

1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Imáchens[editar | editar código]

Fiestas[editar | editar código]

Referencias[editar | editar código]

Vinclos externos[editar | editar código]


Lugars d'o municipio d'a Fueva
Poblaus: Aluchán | Buetas | A Cabezonada | Caneto | Charo | Clamosa | Formigals | Fosau | Fuent de Campo | O Lumo de Muro | O Lumo de Ranyín | A Lueza | Mediano nuevo | Moriello de Monclús | O Pocino de Charo | Ranyín | Salinas de Trillo | Sant Chuan | Sant Mitier | Sant Per | Solipueyo | Tierrantona | Trillo | Troncedo
Despoblaus: L'Alquería de Cotón | Arasanz | L'Atiart | Bediello | Benedet | Carrera | A Corona | Fumanal | Ixantigosa | A Lecina | O Lenero | A Marinyosa | O Mediano | Mediano viello | Ministirio | Moliniars | Montero | A Mula | Muro de Roda | A Nau | A Olivera | O Pamporciello | A Peniella | A Plana | O Plano | Rolespé | Sant Per de Trillo | A Selva | A Sierra | Solaniella | O Sotero | Susiaz | A Torre | A Villa